من قصائد الشاعر/عبدالمعين بن ثعلي رحمه الله

[فهد الزيادي]

يابدير ما ازين شبت العصر للنار

لامالت الفيه وحار الظلالي

وهب البراد وسير الجار للجار

وجات السوالف بين غالي وغالي

سوالف بين النشاما لها كار

ليا مشى فنجال بيض الدلالي

ربع لهم مع شبت العصر مسيار

ذولا بني عمي وذولا خوالي

يرجع بهم قلبي لياسج واحتار

وتدله بهم عيني لياضاق بالي

ومن قصائــــــــــــــــــــــــــــــده:

والله لو ان الغرس والقصر والبير

تمشي على ما في هواية وناعي

عن ديرتن فيها تدب الجعارير

وفيها الدجاج وما شبه له يعاعي

لشدوانزل في مرب الخواوير

وامشي مع الحزم السماح الوساعي

ليا اختلط نبت الزهر والنواوير

غزيت في العبلة عمود الشراعي

غربن من النفرة جنوب المخاضير

شرقن من الفيضة شمال الكراعي

ياويل مرباعن بهاك النهابير

وياوي سلفانن بها القلب ياعي

تلقا بها سمر البيوت الدواوير

سمر البيوت مثولثات الرباعي

بأطرافها كنه قصابة جزازير

يفرح بها الطرقي ليا أضرم وجاعي

ومن قصائده الغزلية

يامل قلبن من هوى العذب متلول

تلت رشا ملحا طويلن قليبه

تلة رشا ملحا على السيم مفتول

تقفي وتقبل به تروح وتجيبه

عليك ياللي حط بالقلب نشبول

شبيت لك بأقصى الضماير لهيبة

روحي بروحه طول الايام مشغول

وأرخي بقلبي شي ما ينحكي به

غرو تفاصيله على كل مجمول

شره الحلايا بالعذارا غريبة

مربوع في قيماه بالقصر والطول

هافي حشا كل المناظر عجيبة


ومن حكمه:

والله اللي يقتضي ممن يريدي

لا تظنه والقدر ما فيه ظنه

ويش بعد الموت من حبل الوريدي

لادنت تلقا المنايا يجذبنه

ما خلقت الا شقي ولا سعيدي

حطك الله بين نار وبين جنه

وسلامتـــــــــــــــــــــــــــــــــــــــــكم

[***ابن سعدون***]

شاعر عملاق صح لسانه

[فهد الزيادي]

مشكور يا بن سعدون على المرور

[ظافر العتيبي]

الله يرحم الشاعر عبدالمعين بن ثلعي


ومشكور على الاختيار المميز

تقبل مروري

[روق والسماء فوق]

الله يرحم ابن ثعلي

ولاهنت اخوي الزيادي

[فهد الزيادي]

بيض الله وجهكم على المرور العطر

[محب الهيلا]

يعطيك الف عافية

على نقل القصيدة

[فهد الزيادي]

مشكور يامحب الهيلا على المرور الرائع