السلام عليكم ورحمة الله وبركاته
هذي قصيده لاحد الشعراء في الشيخ نايف بن فيحان بن ربيعان وحبيت انزلها في المنتدى الغالي
يقول
الاياهاجسي خلك معي نظم القصيده حان = وانا شاعر بفلسفته يميز منطق لسانه
ابا اناد المشاعر والفكر وابا انظم القيفان = بيوتاً من نوادر مهجتي جزله ومليانه
انقحها واسندها على نايف ولد فيحان = ابن تركي رفيع المنزله والطيب عنوانه
ابوعبدالعزيز اللي مقامه شرف العتبان = يفك اللي عليه السجن صكوا كل بيبانه
ليامنه هرج يهرج بحكمه وان عمل باتقان = يحل المعضله ويحلحل الحيلات باتقانه
ولامنه عطاء دايم عطاه يرجح الميزان = بنوك سويسرا عنده تعود شبه فقرانه
ولامنه فزع كل الامور الكايدات تهان = هذا من قو باسه عاش راسه واعتلى شانه
هذا نايف ذرا الخايف لياحان الزمان وشان = هذا اللي وارثاً طيب ووفاء من رووس جدانه
ليامنا ذكرنا اعمر وتاريخه مع الفرسان = تروح اسامي الفريس عند اسمه بلا خانه
ولامنا ذكرنا تركي اللي يحتم الميدان = ليامنه دخل للحرب فز وزاح فرسانه
يشيب الرأس والله من فعل جدانك الشجعان = ويعجز كل شاعر وصف ماقفهم بديوانه
هذا وختام قول الشاعر اللي علمه ابرهان = ولا ياللي حداك الوقت عان اميرنا عانه
وسلامتكم
الشاعر/محمد بن مريزيق الذيابي
« آخـــر الـــمـــشـــاركــــات »
02-Apr-2010, 11:32 PM
رمز المكــــــــــــــــــــارم
العرض العادي
