الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 21-Jan-2010, 02:16 PM رقم المشاركة : 1
معلومات العضو
فايز بن سرحان الثبيتي

مشرف منتدى قصائد الاعضاء


الصورة الرمزية فايز بن سرحان الثبيتي

إحصائية العضو






التوقيت


فايز بن سرحان الثبيتي غير متواجد حالياً

افتراضي ديوان الشاعر/ معلا ابراهيم العتيبي

بسم الله الرحمن الرحيم

السلام عليكم ورحمة الله وبركاته


الشاعر معلا إبراهيم العتيبي


شاعر وله حضور في كثير من المناسبات متابعيه كثر وعشاق شعره سيحتفلون
اليوم بتدشين هذا الديوان الذي يظم نخبه من افضل ماكتب مبدعنا
صاحب وسام افضل قصيده لنبذ الارهاب في منتدى الهيلا في عام 1431هـ
وكذالك شارك في العديد من المسابقات الشعريه وهو.

1-الفائز في مسابقة الامير راشد بن عبد العزيز بن محمد السامر (لنصرة أم المؤمنين عائيشه رضي الله عنها )لعام 1432هـ
2-الفائز في مسابقة الوفاء مجاراة لقصيدة الأمير عبد العزيز بن محمد السامر لعام 1433هـ
3-الفائز بالمركز الثاني في مسابقة العاديات مجاراة للشاعر نجم لعبد الله السمرين لعام 1434هـ
سيكون معكم شاعرنا في هذه الصفحات لتتعرفوا عليه اكثر من خلال بوحه



1- قصـيـدة الـمـجـلـس

يازين المجلس اللي فيه شبة نار للضيفان=مشب ٍ صممـه راعـيـه لجـل إكـرام ضيفـانه
يجمعنا على عز وشرف بضيافة الرحمـن=وريح العـود الازرق يحتفظ به داخل اركانه
آصالتنا كـرمـنـا نحتفظ بـه والكريـم معـان=ماتنسى عند قـوم ٍ رؤسـهـم بالـعـرف مليانه
حقوق الضيف والجيـره مبادئنا لـنـا عـنوان=كــلام الخـالـق المعـبـود رب البيت سبحانه
مـبـادئـنـا تشـرفنا مـكـاسـبـنـا من الـجـدان=ويبقى فـعـل شـايـبـنـا وراثــه عـنـد شــبـانـه
تواريخ الشاماء اللي لهم بين العـوارف شــان=مـزبنة الدخيل اللي لجاء من ضـيـم عـدوانه
زحول القوم تلقاهم في قـصـر ٍ ثابت السيسان=يشـرع للضيوف اللي لـفـوا ماصـك بـيـبـانـه



2- قصيده لنبذ الأرهاب الفائزه بالمركزالأول في منتديات الهيلا لعام 1431هـ

الله يــديـم الأمـن مـن دون تعـقـيـد=بالـدولــه الـلي مــاينكــس عـلـمـهـا
في كل محفل فوق مـرفوع ومشيـد=مرفوع والأعــلام ترخـي هـمـمـهـا
ذروة سنام الـمـجــد ترقــاه وتـزيـد=بقيادة اللي بـالـشـــريـعــه حـكـمـهـا
في ضل منهم بالـمـواقـف صناديد=عيال عــود ٍ كـل الأعــدى هــزمـهـا
وحـد شتات الشمل بالسيف توحيد=بالســيـف وحـدهـا وربـي عـصمـهـا
لاللرهـاب ولالـفـعــل الأحــاسـيـد=الشــرع دسـتـور الـبـلاد وكـرمــهـا
وين انت رايح وين ياعاكس السيد=ياقــاتـل اطـفــال ٍ بـريــه ذمـمـهـا
اليوم نســمـع طـاري لـزيـد وعبيد=اللي تصـاقـع بالـمـشـاكــل جـمـمـهـا
أبنا وطـن لاكـن جـابـوا لنا العيد=تزهـق عن أدروب الشـريعــه قدمها
اللي يشيل بصـدره الـغـيـظ والكيد=خسـران دنـيا وديـّن يشكـي ألـمـهــا
أشهد شـهـادة حـق ماجابـو الـفـيـد=ومعنى الحياه اليوم غـــروا طعـمهـا
اقـرأ الـكـتاب وحــد الله تـوحـيــد=خـل الـيهـود وخـطـة ً لـك رسـمـهـا
أقـول قـول الـحـق واقـول واعـيـد=أفـكـاركـم مـاعـاش منهـوا وسـمـهـا
ياللي بوسط الجـاش شلت البواريد=أخـشـومـكـم بالــذل منهــوا خـزمـها
لنكـان تقـصد مـن ورانـا مـقـاصيد=خـطـتـك مـعــروفـه وكــل ٍ فـهـمـهـا
الجرح يـا أبن الناس يحتاج تضميد=وانت السبـايـب فـالـجـراح ورمـهـا
قبل الحصار وقبل لانطـوي القـيـد=فرصـة عمر بيديـك قــوم اغـتـنمـها
أرجــع لـربـك قبل يـطـــونـك البيد=توبـتك أعلـن فـي صـلاتـك وقـمـهـا
حـكـامـنـا عـاداتـهــم والـتـقـالـيـد=طبع الـسـمـاحه والعـفـوا من شيمها



3- قصيده للدفاع عن آم المؤمنين عائيشه رضي الله عنها

يَا الْلَّه وَانْـت الْمَـالِك الْمُتَصَـرِّف الْـعَـفْـو الْمَعِيْن=الْـخَـالِـق الْجَـبَّـار عَـالِــم بِالْحَـيَـاه وَبِالْـمَـمَـــات
الْوَاحِـد الْـنُّـوْر الْـبَـدِيْـع الْـوَاسِـــع الْـحَـي الْمَتِيْن=يَا مُـنْـزِل ٍ هُـوْد وَتَبَارَك وَالْـقَـلَـم وَالْـمُـرْسَــلاَت
يَا الْلَّه تَنْصُرَنَـا عَـلَـى الْـقَـوْم الْـغُـــزَاه الْمُعْتَدِيْن=الْلِي تُحَــاوِل تَزْرَع الْفِتْنِه بِقَـذْف الْـمُـحـْـصَنَـات
حَـرَّك شُـعَـوُري مِـن يُشَـوِّه سُمْعـَة أَم الْمُؤْمِنِيْن=وَامَّـة مُـحَـمـَّد مُنْـكِـرِيْن الْـفـِعــل مِـن كُـل الْجِهَات
مـن دُوْنِهـا نَاقـف وَقـوَف الْحـق ضِـد الْرَّافِضِين=الْلِي تُحَــرِّف بِـالْحَـقَـايَـق بِـادِعِـيـن الْشَّـائِعَــات
بَحَــاوِل اذْكُـر مَـن مَــآَثِـر عَــائِشَـه لَـو كَلِمَتَيْن=مِـن دُوْنِهَا نَاقِف فِـدَى لُلِي خَذَت جَـل الْصِّفَـات
أُفـقـه بَنَات آَدَم خـلْقِهـا الْلَّه عـلـى تـقـــوَى وَدِيْن=أَحَـب زَوْجَــات الْرَّسُــوْل الْقَانِتَات الطَّـاهِــرَات
بَرَّاهَــا رَب الْعَـالَمـِيْـن مِـن الأِفْـك وَالْحَـاقِـدِيْن=فِي خِـــدْرِهَـــا نَــزَل آيَاتٍ بَيِّنَاتٍ مُحْـكَمَــات
عَلَى الْرَّسُوْل الْمُصْطَفَى الْلِي بَيّن الْحَـق الْمُبِيْن=شَـاهِـد لَهَـا الْلَّه بِالْصِّفَـات الْكَـامِـلاَت الْطَّيِّبـَات
وَالَّلُي يُـشـَكِّـك بِأُمِّنا نَـقْـطَـع شُـكُــوْكَــه بِالْيَقِيْن=مَـالِلعِدا وَالَّلُي جَـهْـل غَيْر الْسُّيُوْف الْمُـرْهَـفَـات



4- قصيده في خادم الحرمين االشريفين الملك عبد الله بن عبد العزيز حفظه الله
. مجاراة لقصيدة الوفاء لصاحب السمو الامير عبد العزيز السامر

الْمَـجْــد رَاس وَفِعْـلُك الْـيَــوْم هَــامَـه=حَـقّـايُـق ٍ مَــاهِـي دِّعَــايَـات وَوْهَـام
أنْـت الْـوَطَـــن يَـاعِـز قَـصْـــرالْيَمَـامَـه=حَاكِـم حَـكِـيْـم ٍ عادل الْـمَـيْـل عَـزَّام
زَعِــيْـــم مَـجْـــد ٍ نَال ذِرْوَة سَــنَــامِـه=تَارِيْـخ مَـجْـدِه نَشِّـف ارْيَاق الاقْلام
مَـا يَنْحَـصـر يَـبْـقَـى لِـيَـوْم الْـقِـيَـامَـه=يبْقَى عَلَى طُـول الْـزَّمَـن دُوَم مِقْدَام
ريف الضعيف اللي قِسّى الْوَقّت ضَامَه=يأْمُـر عَـلَى الْـفَـاقَـه بِتَنْفِيذ الإعِــدَام
لَو الْـكَــرْم رِجَــال هَــامَـه وَقَــامَـه=حط أسْم عَبْدِاللّه عَلَى صَدْرِه وْسَام
صَـقْــر الْعُــرُوبَـه مَاتَغِيَّر نِـظَـامُـه=جُنُوْبُهَـا وَالْـشَّـرْق وَالْـغَـرْب وَالْـشَّـام
لِلدِّيـن سَـخــَر كُـل جُِـل اهْـتِـمَـامِـه=سَخَّــر جَهْـوَدُه دُوْن شَعْـبِـه وَالْأَنَام
بِالْـحَــق وَالإنْـصــاف وَالإسْـتِـقَــامَـه=فِي ظّلَكُـم تَحَـقَّـقَـت كُـل الْأَحْـلام
وَالَّلُي يُـدَثِّــر صُـــوْرَة الْإَبْتِسَــامَـه=الْحَق وَاضِح مِثْل بَصَمَات الْإِبْهَام
يَاسَـيِّـدِي مِسْــك الْـكَـلَام وَخِـتـامُـه=دَامَت لَك الْصِّحَّه عَلَى مَُرّ الْاعْـوَام




5- مسابقة العاديات

الله اكبر والحسن في راس فكاك الضنوك=عنقه الفتان الأجرد ادهم ٍ فيه اسحمه
ضايل اربع والحوافر كنها ختم الصكوك=وان بدا في الازم اللي يلزمه مايفحمه
من طبايعه الجميله لايصوك ولادبوك=مقدم الفريس لا جاء للأصيلات ارهمه
من وراه الليل راس اللي تراودها الملوك=بنت شيخ ٍ فالمبادي ماترخى محزمه




6- قصيده في حفل قبيلة الذيبه الأنتخاب البلدي

بـرق ٍ بـرق بيني وبـيـنـه مسـافات=من مزنـة ً خيّـل خيـال ابركـتـهـا
اخيل برقه من جـبـال الـســروات=وانــا الـمـســـافــه هـمـتـي قـربتهـا
جـيـنـا نلبي دعـــوة الـربـع بـالـذات=كلـمـة وفـاء كل ٍ يـذوق اثـمـرتـهـا
الأسعـدي ما جاب غـيـر الجـزيلات=للعــزوه اللّي عــالـيــّه مـنـزلـتـهــا
مـبـروك للي فـاز بالأنـتـخــابــات=اللّي نفـع ربعه وكاســب ثـقـتـهــا
اهل الرمك واهل الفعول الكريمات=يشــوش راس الوقـت مـن ذاكـرتـهـا
ابيوتهم دايم حصـون ٍ مـنـيـعــات=قـبـيـلـة ً وقــفـــاتـهــــا شـــــرفـتـهــا
آلاد ذايب فوق رؤس الطويلات=ياسـعــد حـــظ اللي كسب معـرفـتهـا
ربع ٍ لهم في قـمـة المجـد بصمـات=صفـحــات تـاريـخ الـزمـن دونـتـهـا
قـبـيـلـة ً مـعـــروفــة ً بالـمهـمــات=كل الـقــابـايــل يـا ملا خـابــرتـهــا
تمت وصلوا عـد فـرض الصلوات=على النبي المخـتـار في خـا تـمـتـهـا



7- قصيده في حفل قبيلة الاساعده اهل بقعاء

بدعت من جزل الجزيلات تعبيـر=شـعـر ٍ بريـح الياسـميـن وعبيـره
قرايح افكـاري ورود ومصاديـر=مــا يــاسـم ٍ الاالـشـرود المـغـيـره
اليا بدعـت القاف مالـه معاذيـر=في مدحكم ياهل الـوجيـه السفيـره
سلام ٍ احلى من حليب المصاغير=اللي غـلاهـم وســط قلبـي جزيـره
أساعدة بقعاء إرجال ٍ مشاهيـر=قلته وانــا عـنـدي عـلــوم كـثـيـره
اهل الكرم ماحسبـوا للمخـاسيـر=بلسم جروح اللي جروحـه خطيره
رجـالهـم يـاقـف مثل وقـفـت النيـر=ياسعـد منهوا فـالـمـواقـف شـويـره
اليا أرتكى للحمــل مسيت بالخيـر=عــدوهـم تصبح عضـامـه كسيـره
ربعي هل النوماس قوم ٍ اسـاطير=اهل الكرم واهل السيوف الشطيره
فيهم كرم حاتم هلّ العرف والخير=اهـل الـوفا واهل الـفـعـول الكبيـره
كُل أسعـدي لـه بالمعالـيـق تقـديـر=يشـهــده عـلـي الـلـه رب الستيـره
من مدركه ورهاط جينا مسـاييـر=عند اهل بقعاء بحتـفـال العشيـره
أديارنـا مــذكــورة ً بـالـتـقـاريـر=وقصورنـا مـثل الـكواكـب منيـره
الزلفي والأسياح والجوف وسدير=ومغيب مــع ساجر سكنها عشيره
يسوقنا الهاجوس سوق المضاهير=لهل القصيم مـع الكـويـت النضيـره
ايضا ً والأردن والعراق البواتيـر=حائل وكل الـلـي سـكـن بالـجزيـره
قلته وانا كـسـاب نوماس ومغيـر=بسم الرجال اهل الفعول الشهيره
اهل الـحـجـاز اللي تعـز المقاديـر=قوم ٍ لهم بالـعـرِف مبدى وجـيــره
رؤس الرجال اللي يجونك مغاوير=على العـدى مثل الـرحى المستديره
كُل القبايل نعـم مـن دون تقـصيـر=أبـنـا وطـن ناقـف للـنـفــاخ كيـره
في ظل مـن هـم يحسنون التدابيـر=حكامنا ريّف الوطن مــع قصيـره
عيال عود ٍ ســوّر الـحـد تسـويـر=وحـنـا على تســويـر حـده نـديـره
اليا سبرنـا مــن طـرفهـا مسابيـر=ناقـف وسـلـت سيفنا مـن جـفـيـره
ابشر يأبو متعب وشعبك سـواطير=دون الوطن ماراح حبّة شـعـيِِـره
حـنـا جنـودٍ للوطن يـالـمـنـاعـيـر=وانـتـم ذرانـا فـالليـال العـسـيـره
الـكـم ولاء مـنـا ونلـقى التباشـيـر=والـعـلـم يكفي صامله عـن كثيـره
في ضلكم نمشي جمـوع وطوابير=وآنتم هل العوجاءرجـال المسيره
وخـتـامـهــا عـداد نبـت النواويـر=صـلاة ربي عـد مــاطـار طيـره




8- قصيده في حفل قبيلة الاساعده بمدركه ورهاط

يا الله يامحصي خطايا العبد في يوم الحسـاب=ياعالـم ٍ غيب الصدور اللي تكن ادرابـهـا
يا الله يالمعبود عـفـوك طالـبـك حسـن الثواب=وانا مــازكـي مـفـردات ٍ مــايحـل انصــابهـا
ماجبت غير الطيبات اللّي يحـلـّبـهـا الـنصـاب=نوادر ٍ وقـت اللـقـاء تطلق وجه مـن جـابهـا
فيهـا الجـزاله ممطـره وتـفـكلي تسعين بـاب=وامشي على وضح النقا وعن الطمان احدابها
اليا لـفـا هـاجوسهـا جتني مثل عـوج الرقـاب=اللي على صوت المـوده زرفلت يشعـابهـا
كني اشوف اخشومها لن زرفلت مثل الحراب=واحـط وسـمي فـوق خـد الــطـيـبـه وارقـابهـا
ارقابها سماء سماء سماء سماء مثل العقاب=اللي على الجـزله كفخ مـن سـطــوته عـلابهـا
الشعر ديوان العرب منذ القدم والجـزل طـاب=بين الرجـال اللي على الجـزله تحث اركابهـا
بحضوركم جــزل الفرايـد تنحني لي فالخطـاب=واشد بيت الـمفرده بوتادهـا واطـنابـهـا
يامرحـبا باللي حـضـرفي حفلنا شيّب وشباب=يامــرحــبـا بالـعـــزوه اللي عـانـيـه لّـقـرابهـا
يامرحـبـا ترحيبة ً تطلع على متن السحـاب=عند الرجـال اهـل الوفـا اللي مايسكـر بابهـا
الضـيـف يـلـقـى عـنـدنا من كل مالـذا وطاب=الّبن الأشـقـر والـشـحـم والعود نـفح اطيابهـا
آساعده تاريخنا معروف ترويض الـصعـاب=تاريخـنـا يـشـهــد لـنـا والـنـار مــن شـبـابـهـا
من رؤس روق آهـل الوفا اللي كل مارد الجواب=قالـوا نعـم باهـل نعـم والآد روق اولابـها
شــرابة الفنجــال في وقت الحرايـب والطـلاب=القـسـم من راس الـسنام والارضيـنـا الابـهـا
ربعي هل النوماس والطالات سترآم الخضاب=على ســلـُوم اجـدادنـا والـطيـبه نشقـابـهـا
برقاء وروق أهـل الكرم والعرف والعلم الصـواب=ربعي عتيبه حافـظـه موروثها ونسابـهـا
حنا قـبـيـلـه في المـواقف لانـذلّ ولانـهــاب=قـبـيـلـة ًوســط الجــزيـره عـز مـن يلجـابـهـا
اسهـومـنا وقت اللقاء تارد مـثـل شـلـفـا ذياب=شلفا ذيـاب اللي يـوقـع بالّحــم مـضـارابهـا
سقم المعادي للعدى لن صار بالدعـوا حراب=ياكـم مــن شـيــخ ٍ تـقـصـر لحيته واشـنابـهـا
من دون قاصر بـالقبائل والقبائل في رحـاب=عاشت رغد بالـمـمـلكه والـمـمـلـكـه تزهـابهـا
أخـوان صرنا عقب ماكانت تـناحر وكتـئـاب=اليوم في حكم الـسـعــود وكـلـنا نحـضـابـهـا
في طـاعة الْلَّه ثـم طـاعة سيدي عال الجناب=حنـا خـدم لـلـمــمـلـكـه ونـذود دون تـرابـهـا
في ضل ابـو متعب على سنة محمـد والكتاب=نمشـي عـلَى السـنة ولا نرضاء بِغير أكتابِهـا
سـلامـتـك يـاخــادم الـبـيـتـيـن حـلال النشـاب=لله يجيرك مـن صواديـف ٍ شـكـيـت اسـبـابهـا
وختامهـا صلوا على شفيعـنا يوم الـحـســاب=شـفـيعـنـا يـوم الحـشـــر في سـاعـة ً نحـيابهـا





9-مشاركتي في حفل قبيلة الاساعده اهل الجوف بتاريخ 6- 5- 1433هـ


من هجوس الشاعراللي جاب جزل اقواله=جاب من جزل البيـوت النـادره منقيـه
واقـف ٍ قـدم النشامـا وازن ٍ فنجالـه=والقصيـده معتبـرهـا دلــة ٍ بـريـه
بسم ربعي فالحجاز اهل الوفاء والطالـه=روس قوم ٍ تحتميهـا فـي نهـار الهيـه
ياسـلام الله سـلام ٍ عاليـن منـزالـه=عد ماهلـت مطرهـا المزنـة الوسميـه
في ضيافة ربعي اهل الجوف نعم القالـه=بلسم اجروح العليـل الوصفـه الطبيـه
للتواصل بحتفـال ٍ يسعـد اللـي جالـه=عند ربعي ماتسمـع غيـر يـا الله حيـه
في محـل ٍ للنشامـا نفتخـر بوصالـه=في نحاهم كـل قـرم ٍ يتعـب الرجليـه
الكرم فطره وربعـي مالكيـن اخصالـه=فطره من الله وهبهـا فالرجـال الحيـه
روس قوم ٍ في المعارك تتعـب الخيالـه=من شيوخ ٍ في المعارك ينضجون الكيـه
كل ماجـات العـزاوي للحمـل جمالـه=والفعايل فـي تواريـخ العـرب مقريـه
صدق مال الماقف الغصاب غير إرجالـه=والوفاء والطيب ماله غير حسـن النيـه
قالها اللي كل ماياقـف يجيـب رسالـه=واضحـه مقريـة ً مسموعـة ً مرئيـه
الجواب اليا كتبتـه كـل قـرم اصغالـه=والنوادر مـن هجوسـي قلتهـا مهديـه
للوطن حـق ٍ علينـا مانسينـا افضالـه=مـن تهقوانـا قتلنـا احلامـه الورديـه
انتعـزز فـي وطنـا والفخـر لاجيالـه=ماعلينا مـن كـلام الفـرس والعبريـه
والزمان اللي نعيشـه كاثـرات اهوالـه=فيه نار وفيه بـرد وفيـه شمـس وفيّـه
كل حاكم يوم جاه العلـم شـد ارحالـه=صارت صروح الدول مهدومـة ً مبنيـه
شوف تونس وش حصل في حالها يرثاله=وانظروا في ليبيـا والدولـه المصريـه
واليمن انشوف شعبه يـوم هـز اجبالـه=والورم واصل دمشق الدولـه السوريـه
رغم هذا ياوطنا عشـت باحسـن حالـه=حافظك ربـي ودينـك سنـة ً شرعيـه
لايهمـك يابومتعـب يازعيـم الطـالـه=والله ان الفرق واضح بيـن ذيـك وذيـه
الشعوب اللـي علـى حكامهـا منهالـه=وانت شعبك يلعبون العرضـه النجديـه





10- قصيدة في حفل قبيلة الاساعده بالزلفي

يالله طلـبـتـك يالعــظيــم الـمـقـتــدر= يالـواحـد اللي كـلـنـا نطلـب رضاه!
يالعــادل الحـي الحكـيــم المنـتـصر=ياخالق ٍ هـالـكـون عـالــم ماحــواه!
يــامـنــزل الأيــات خــلاق الـبـشــر=يـاكـاتـب ٍ للعـبـد مـوته والـحــيــاه!
يا لله تجـملـنـي واجـمـل مـن حضـر=بالـمـفـــردات اللي تـشــد الانـتـبـاه!
نوادرٍ تنـحـت عـلـى صــم الصخـر=يشهـد بها التاريـخ ودهـات الرواه!
كـريـم يابـرق ٍ على الزلفي شهــر=اشوف برقه يوم لوح في سـمـاه!
روس السحاب اللي تهـزع بالمـطر=على الـديـار اللي لهـا عندي طـراه!
ســـلام يــاربــع ٍ لهـــم حــق وقــدر=ابدع جـزيـل القـول عـالي مستواه!
عند الرجال اهــل الحـداثـه والفـكـر=العــزوه اللي مـالـنــا عـنهـم غـنـاه!
اليا جتمعنا في الحفل شرحت صدر=كـل ٍ بتعـبـيـره يعـبـر عــن غـلاه!
جمعـة وفاء يا أهل الوفاء عز وفخر=في كـل عـام الحـفـل ياصـل مبتغـاه!
افعـالنا تـذكــر عـلـى مــر الـدهــر=ربعي هـل الطـالات يـامـال الغـنـاه!
اساعده من روس روق آهل الضفر=نقاظة الحـجـه صنـاديــد الدهــاه!
برقاء وروق اهـل البيارق والسطر=عـتـيـبـه الهيلا مطوعت العـصــاه!
قبيلةٍ وقــت الغضــب مــوتٍ حـمـر=فعـل ٍ على وضـح النقاء كـل ٍ يـراه!
حنا عـتـيـبـه يـوم غصـات النحر=تاريخنـا كلٍ عـلى الـبـيـداء قـراه!
نبدي على وضـح النقاء ماهـو غدر=ودخـيـلـنـا يبشــر بعـــزه والـنجــاه!
اهـل الكـرم والطـيـب مبعـت النظر=روس الـرجـال اللي تعـزز كل جاه!
هــذا جـوابـي بالمـفـيـد المخـتـصـر=الـلـه يعــز الـديـّن ويعــز الـولاه!
وختامهـا صلـوا عـلى سـيـد البشــر=على الرسـول اللي مشينا في هـداه!



11- قصيدة في حفل مشايخ قبيلة الاساعده بمدركه في تاريخ 25-6-1435هـ

الهـاجس اللي فالمـبـادي معتلي روس الـقـمـم=الطرس من صم الصفاء والنقش حـبره وقلـمـه
اليا بداء في لازمـــه يـبـنـي والاعـمـره هـدم=يبني بـيـوت ٍ بالجزالـه والاصـالـه مـحـكـمـه
في محفل ٍعند الرجال اهـل الشجـاعه والكـرم=فحـلال ربعـي مـرحـبـا ترحـيـبـةٍ فيهـا سـمـه
يامرحبا باسـم الشيوخ اهـل المـبـادي والـقـيـم=ترحـيـبـةٍ لـضيوفـنا باســـم الشـيـوخ مـقـدمـه
فـالـمـاقـف الـلـي محـتـسـيـنـه كلنا مـنـذ ُالقـدم=والأسعـدي مـن دون حـقـه مـاتـراخـى محـزمه
الـيـاوقـف في لازمه ياقف عـلى سـاق وقـدم=لادق ناقوس الخطر رفرف على البيد اعـلـمـه
الماقف الغصاب صنفـرة الـرجـال اهــل الشيم=تعـرف مواقيف الرجال ان صار فالجو اعسمه
الـرجــل فـعـلـه مـايـبـيـن غـيـر قدام الخـصـم=يـبـا يـعــــدون الـقــروم اللي يـورد بـسهـمـه
يـقـولـه اللي لاوقــف يـعــد جـــزلات الـحـكـم=هرج العـوارف مكسـب ٍ كل النشـامـا تطـعـمه
نسـمـع مثل فـالمـجـتـمـع ينقـال في شد العـزم=قـال الـمـثـل مــن لايـغـبـر شـــاربـه مــادسـمـه
فرقـابـنـا بـيـعـة ولاء لولاة الامـر اهل الشيم=عـلى الكـتـاب المنزل اللي مايـبـي له ترجمه
حـنـا جـنـودك يـاوطـن بـالعـز رفـرف يـاعـلـم=لاجات سلات السيوف وجاك للخيل ارهمـه
أعـتـيـبه الهـيـلا هـل الوقـفـات كـسـابـة نـعــم=برقاء وروق امجادهـم عنوان صدر الـمـلحمه
وقفـاتـنـا دون الوطـن لاجات سـاعـات الحسـم=أصغر عـتـيـبـي للوطـن يفدي بدمه والحـمـه
مـن دون قـاصـر فالقـبـايـل كـلا ً أخذلـه قـسـم=واللي فـرق فالواجبه يا الله عساني ماعـدمـه
هـذي خـلاصـة فكـرتي ماجبت شين مـن عـدم=والخير من رب الملاء من حيث ما الله يقسمه















رد مع اقتباس
غير مقروء 21-Jan-2010, 08:13 PM رقم المشاركة : 2
معلومات العضو
ابـ فهد ـو
عضو
إحصائية العضو





التوقيت


ابـ فهد ـو غير متواجد حالياً

افتراضي

معلا إبراهيم الاسعدي


صح السانك يالقرم شاعر مبدع وبيض الله وجهك على ماقدمت وإلى الامام
















رد مع اقتباس
غير مقروء 21-Jan-2010, 08:21 PM رقم المشاركة : 3
معلومات العضو
الجودي
عضو
إحصائية العضو





التوقيت


الجودي غير متواجد حالياً

افتراضي


معلا الاسعدي

صح السانك سجل إعجابي


مودتي
















رد مع اقتباس
غير مقروء 21-Jan-2010, 08:25 PM رقم المشاركة : 4
معلومات العضو
الرحال511
عضو
إحصائية العضو





التوقيت


الرحال511 غير متواجد حالياً

افتراضي

صح السانك يامعلا




مشكور يابن سرحان على ماقدمت




لكم مني كل الود والاحترام















رد مع اقتباس
غير مقروء 22-Jan-2010, 11:51 AM رقم المشاركة : 5
معلومات العضو
نمرً المقآطي ] ’
عضو فعال

الصورة الرمزية نمرً المقآطي ] ’

إحصائية العضو






التوقيت


نمرً المقآطي ] ’ غير متواجد حالياً

افتراضي

مبدع يامعلا .. قصآئد رآئعه ،،

تشرح البآل ! ، آلف شكر يآبن سرحآن ..



آستمر ..















رد مع اقتباس
غير مقروء 22-Jan-2010, 12:28 PM رقم المشاركة : 6
معلومات العضو
علي الشهراني

شـــــاعــر

إحصائية العضو





التوقيت


علي الشهراني غير متواجد حالياً

افتراضي

صح السانك يامعلا




مشكور يابن سرحان على ماقدمت




لكم مني كل الود والاحترام















التوقيع
يا بو محمد وش عليه أتحسّر=لا مرقدٍ دافي و لا ماكلٍ حار
احسلّي اقصْر في شفوفي و اكسّر=اخير لي من عيشة الغار و النار
رد مع اقتباس
غير مقروء 29-Jan-2010, 12:06 PM رقم المشاركة : 7
معلومات العضو
طارق22
عضو
إحصائية العضو





التوقيت


طارق22 غير متواجد حالياً

افتراضي

معلا إبراهيم الاسعدي


صح السانك وعلا شانك


إلى الامام















رد مع اقتباس
غير مقروء 29-Jan-2010, 12:20 PM رقم المشاركة : 8
معلومات العضو
(النايف)
عضو
إحصائية العضو





التوقيت


(النايف) غير متواجد حالياً

افتراضي

معلا الاسعدي



صح السانك


بارك الله بك ,















رد مع اقتباس
غير مقروء 16-Feb-2010, 09:57 AM رقم المشاركة : 9
معلومات العضو
محمد ابن رووق
عضو مميــز

الصورة الرمزية محمد ابن رووق

التميز 
إحصائية العضو





التوقيت


محمد ابن رووق غير متواجد حالياً

افتراضي

صراحه ابيات رووووووووووعه



واللغز الاول قمه في الذكى















رد مع اقتباس
غير مقروء 22-May-2010, 08:35 PM رقم المشاركة : 10
معلومات العضو
معلا إبراهيم الأسعدي
شــــاعر نظــم

الصورة الرمزية معلا إبراهيم الأسعدي

افضل قصيده 
إحصائية العضو





التوقيت


معلا إبراهيم الأسعدي غير متواجد حالياً

افتراضي

اقتباس:
المشاركة الأصلية كتبت بواسطة ابـ فهد ـو مشاهدة المشاركة
معلا إبراهيم الاسعدي


صح السانك يالقرم شاعر مبدع وبيض الله وجهك على ماقدمت وإلى الامام



ابو فهد شكرا ً لك على المرور يالغالي















التوقيع
اضغط على الصورة لرؤيتها بالحجم الطبيعي
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:02 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي