شبه نصيحة

[سعود العصيمي]

السلام عليكم ورحمة الله وبركاته

اعضاء وطاقم ادارة منتديات الهيلا المحترمين
بعد التحية اهديكم هذه المختصره امل ان تحوز
على رضاكم وهي تشرح نفسها.

شعر المدح في غير راعيه لاجل أيش = لاصار ماهو في محله بلاشي
ماني براعي كلمةٍ جات من طيش = ولاني صحيب لقوم طاش وماطاشي
ولاني رفيق اهل القلوب المغاشيش = واهل البقر والا ّ رعاة المواشي.
أنا رفيقآ للرجال المداغيش = اهل الوجيه المطلقات البشاشي
ومن لايصدّق قلت له قول حتيش = العلم والبرهان والسلم كاشي
الحر مابه حر غير اشقر الريش = وروس العرب ماهم بمثل الحواشي
ومن يمدح اصحاب العقول الدراويش = درويش لويلقى وراهم عراشي
لاتمدح الدرويش لاجل العراميش = ارفع مقامك عن مدح كل لاشي
وليامدحت امدح مروي المعاطيش = اللي على الطالات والعز عاشي
وابعد عن اللي مرجلتهم بخاشيش = وسرقآ من اهل السدره ام الغواشي
والاّ من التدليس جتهم تناطيش = ومضمونها من تحت حيد الفراشي.
وان كان تبغى الرزق والخير والعيش = وجّه بوجهك يم منش المناشي
يرزقك خلاق المزون المراهيش = رزق ٍ حلال ولاحلال القراشي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[حمود بن خيشوم العصيمي]

ماأقشر من المدح لاجل حطام الدنيا فيمن لايستاهل المدح

أبدعت ياسعود صح لسانك وعلا شأنك

تحيتي

[سعود العصيمي]

المشاركة الأصلية كتبت بواسطة حمود بن خيشوم العصيمي

ماأقشر من المدح لاجل حطام الدنيا فيمن لايستاهل المدح

أبدعت ياسعود صح لسانك وعلا شأنك

تحيتي

هلا وغلا

بصديقي الي يحبني موووت

ههههههه



صح بدنك وقلبك وكلك يابن العم
وشكرآ لاطرائك وماتفضلت به .
تقبل ودي وتقديري

[عبدالرحمن المبطي]

وليامـدحـت امـــدح مـــروي المعـاطـيـش
الـلــي عــلــى الــطــالات والــعــز عــاشــي

وابـعـد عــن الـلـي مرجلتـهـم بخـاشـيـش
وسـرقـآ مــن اهــل الـسـدره ام الغـواشـي

والاّ مــــن الـتـدلـيـس جـتــهــم تـنـاطـيــش
ومضمونهـا مـن تحـت حـيـد الفـراشـي.

الشاعر سعود العصيمي

صح لسانك وسلم حالك

نصيحه في محلها وهذ حال الاكثر

في هذا الزمان الله يصلح الحال

تحياتي

[ابن ركيبين]

صح الله لسانك