رثاء :: الشيخ صنهات بن شارع الغويري ::

[ابن آخي صنهات]

بسم الله الرحمن الرحيم

..

مرحـوم يااللي ماله أمثال بالنـاس = مرحوم ياللي فاز بأحسن خصايـل
بالدين وافي وبالكرم ماله أجناس = ولاهوب يسمع قول قيلـ(ن) وقايل
ومن خلقته ما قدّم الخط بلاّس = ولاقط قالوا فالمحاكم يحايل
عارف حقوقه وياخذ الحق بقياس = وإن جاه عايل هو عمى عين عايل
من غيرشكوى وكتبـ(ن) بقرطاس = بالصدق والصملة ينتهي كل مايل
شيخـ(ن)ولد شيخـ(ن) شهدوا له الناس = شارع أبوه مورخـ(ن) له مثايل
أخذ خويه غصبٍ دايخ الراس = قول المطيري يوم شاف الهوايل
من الحبس جابه قهر بأشهب ألماس = قهر الشريف ومن معه من قبايل
وصنهات عقبه فعله يرفع الراس = بالبذل والكرمه لمن جاه سايل
ليا جاه ضيفـ(ن) من أية أجناس = يقوم بالماجوب ولاله يسايل
يذبح له الحايل وبنٍ بمحماس = وترحيبتـ(ن) من قلب راعي الصمايل
ماهو مرائي ناس ومسيب(ن) ناس = يكرم لوجه الله ولاهو يخايل
يالله يالمعبود ياجامع الناس = تعطيه ماعديت لأهل الجمايل
أنت الكريم وكرم غيرك أفلاس = وأنت العليم بكثرها والقلايل
وصلاة ربي كل ماهب نسناس = على نبي(ن) وضّح إلنا الدلايل

وسلامتكم



( ابن المرحوم بإذن الله تعالى صنهات بن شارع الغويري )

- فهد بن صنهات الغويري -


//

[ابن آخي صنهات]

يرفع....................

[أبو فيصل]

صح لسانك يابن اخي صنهات و لسان الشاعر

و الله يرحم الشيخ صنهات

لاهنت على النقل

تحياتي

التوقيع

لا إله إلا أنت سبحانك إني كنت من الظالمين

[ابن آخي صنهات]

اشكرك على مرورك

ولا هنت ياطيب

تحياتي

[شــغــمــوم]

الله يرحم ااااالشيخ صنهاااااااااات



وصح لسااااان الشاااعر ولساااااانك

[((دسمــان))]

الله يرحم الشيخ صنهات الغويري ويسكنه فسيح جناته


والله والسبعة أ نعام بجميع الغواريه

[الدلبحي 1]

والله ونعم ما ادري عن اخبارهم وش سووى في قطر انشالله انهم بخير وعافيه

[فواز الدهاس]

- رحمه الله و بارك بالحاضرين و لكن أعذرني أخي الكريم فهل توجد بعض

الأخطاء الكتابية في النص ؟!!!!!!!

[شيخ الغواريه]

الله يرحمه ويسكنه الجنه

[لطام الخشوم]

الله يرحمه ونعم الرجل كان لايذي ولا يستاذي عطاه مقحم بن عصاي الثماله

وكان نعم الجار ويستاهل الشيخه


ولكن اخوي ياليت تتأكد من القصيده لان فيه كسر واضح واتوقع انه خطأ مطبعي

والقصيده جميله بس الخل واضح

واشكرك