الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > معارك وبطولات

« آخـــر الـــمـــشـــاركــــات »
         :: قيس عيلان عتيبة (آخر رد :أبو مروان)       :: هل تاريخنا مزور ام صحيح (آخر رد :أبو مروان)       :: هوازن وحقد المؤرخون (آخر رد :أبو مروان)       :: هوازن عتيبة شبابة (آخر رد :أبو مروان)       :: بني هلال حقيقة (آخر رد :أبو مروان)       :: مسمى القبائل الجاهليه والمعاصره لرسول صلى الله عليه وسلم (آخر رد :أبو مروان)       :: الشبكه العنكبوتيه والعنصريه القبائليه (آخر رد :أبو مروان)       :: حذف مشاركة المحنك اخو جوزاء (آخر رد :أبو مروان)       :: قيس عيلان ليست خندفية (آخر رد :أبو مروان)       :: سبيع الغلبا الهوازنية اعتذار (آخر رد :أبو مروان)      

إضافة رد
 
أدوات الموضوع انواع عرض الموضوع
قديم 01-Sep-2015, 05:06 PM رقم المشاركة : 1
معلومات العضو
محمد فهد الدعجاني
عضو فعال
إحصائية العضو






التوقيت


محمد فهد الدعجاني غير متواجد حالياً

افتراضي أيضاح الحقائق ودحض التزوير والتأليف

السلام عليكم ورحمة الله وبركاته

وانا اتصفح منتديات القوم واللتي تعج بالكذب الفاخر

لقيت ها البيت

الشايب اللي ماتحلل عظامه\عيت تبيده الليالي والايام

ولقيتهم ناسبينه للامير تركي بن حميد

ويقولون يطلب السماح من ابن قرمله

هههههه - يالربع رويدا رويدا يارعاكم الله

ولعلمي بربعي وثقتي في تاريخهم المشرف
حبيت اوضح البيت هذا وسالفته
لكي لاينخدع فيهم الغير
ماعاد معهم حيله الا الكذب
------------------------

عنوان الموضوع هو بيت مشهور من قائله وماهي مناسبته
هالبيت يذكر انه لراكان بن حثلين قاله في محمد بن هادي بن قرمله شيخ قحطان . حيث يذكر ان
الشيخ شافي بن شبعان شيخ قبيلة بني هاجر حل بينه وبين أحد القبائل الآخرى خلاف
وأركب للشيخ محمد بن هادي شيخ قحطان يطلبه النجده وقلــد الذلول هملا وهو من نوع من
تستعمله البادية لطلب النجده من القريب فان أراد المرسل إليه مساعدتهم قطع القلادة من الذلول وراعيها
هذه الآبيات يذكر فيها أن جنباً تجمّع بني هاجر وعبيده من قحطان ويذكره أنهم أقرب لبعضهم فقال
هاذي هي قصيده الشيخ شافي الهاجري

يــاراكــب حــمــرا بـلـونــه سـحــامــه
ترعى الزهر لين الشحم فوقها زام
فــوقــه صــبـــي مـاتـغـيــر كــلامـــه
يـدي الخـبـر يــم الرفـاقـه بــالأولام
يـاجـنـب تـركــوا الــرثــا والـحـمـامـه
احمـوا لنـا مــن قـبـل حــل التـنـدام
صبـيـان قحـطـان غشـاهـم مـلامـه
ولــهـــا صــبـــان جـــنـــب تــلــمــلام
حـنــا كـمــا مـايــح ثمـانـيـن قــامــه
هيمـا وفـي جيلانهـا تسعـة اهيـام
مايظهر المايح من أقصا غمامـه
خـطــر عـلــى جيـلانـهـا بـالـتـهـدام
حـنــا شـــوي وحامـيـنـهـا الـقـرامــه
قطـاعـة نـنـطـح ولـــو كـمـلـوا يـــام
ارمـاحـنـا وســـط النـديـنـه عـلامــه
مـع الصحابـه قاتـلـوا ذيــك الايــام

فـــرد عـــلــيــه مــحــمــد بــن هــادي بــقــولــه

يـاســابــقــي تـسـتـاهـلـيــن الــســـلامـــه
الله يـجـيـرك مــــن بــــلا ســــو الايــــام
لابــــــد مــــــن يــــــوم نــطــيــر قــتــامــه
امـــا عـلــى الـمـطـران والا عـلــى يـــام
يــــاذا الـبـهــم والله تــبــاري الـجـهـامـه
حتى تجي من بين صفـوى والاوجـام
لــــي لابـــــة حـولـتـهــم مـــــن تـهــامــه
سـلاحــهــم مــــــخ الـفـرنــجــي والاورام
حــنـــا كــمـــا ســيـــل يــطـــم الــعــدامــه
حـول علـى طــاش البـحـر لــه تلـطـام
وان كــــان عــنــدك لـلـمـسـيـر كــرامـــه
عـجّـل تــرى ربـعــك مشـافـيـق وحـيــام
كــــرامــــة تــــــــرث عــلــيــكــم نــــدامــــه
تـصــبــح ذراريــكـــم مـرامــيــل وايـــتـــام
كــــم شــيــخ قــــوم مطـلـقـيـن حــزامـــه
من عقب لبس الجوخ قدوا لـه الخـام
وان كان تطري السيف تفصخ لجامه
لـو هـو علـى الدوشـان ماكـان تـنـلام

فرد عليهم الامير الفارس راكان بن حثلين امير قبيله العجمان

بـالـك تـطـاوع شـافـيـا فـــي كـلامــه
بالك تطـاوع شـور فضـاي الانعـام
الـشـايـب الـلــي ماتـحـلـل عـظـامـه
عــيـــت تـبــيــده الـلـيـالــي والايـــــام
لا شب له ضوا فـي راس العدامـة
قمـنـا نـربـط غـالـي الـقــش بـحــزام
ياذا البهم والله ان تباري الجهامه
اليـن توصـل بيـن صفـوا والاوجـام
ان كـانـكــم ســيــل تــحــدر قـمـامــه
حـنـا زبــاره نـشـرب السـيـل لاعـــام
وان كان جيت بلابتـك مـن تهامـه
حنـا لكـم فـي مقـطـع الــدرب قــدام
يـحـرم علـيـك الـنــوط فـكــه بـلامــه
مــدام يـذكـر واحــد مــن ظـنـا يـــام
ان كـان تبـغـي سابـقـك والسـلامـه
فــلا تـحـدر بالجـحـافـل عـلــى يـــام
وان كـان تبـي الـراى قـبـل يغـدابـه
فـلا تطـاوع شـافـي هــرش الانـعـام
---------------

وين تركي بن حميد فالقصيده وين طاريه
طبعا لايوجد
لكن رواة القوم قامو بتصحيف وتزوير القصيده
لعل وعسى تمشي الكذبه

والسلام عليكم















رد مع اقتباس
قديم 06-Sep-2015, 11:50 AM رقم المشاركة : 2
معلومات العضو
(مہودع دنہيأهہ)

رابطة محبي الهيلا

إحصائية العضو





التوقيت


(مہودع دنہيأهہ) غير متواجد حالياً

افتراضي

ياكثر التحاريف في القصيد النبطي اللي ماوثق في كتب معتبره
وصار في هالوقت كلن يولف له كتاب ويقرب النار من قرصه.
والعلوم معروفه ومخبوره.ماعليك من المراهقين وقحطان والعجمان والهواجر وعتيبه كفو وكل القبايل كفو كلن اخذ قسمه من الطيب.والله يهدي الجميع















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »11:28 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2022, Jelsoft Enterprises Ltd
اتصل بنا تسجيل خروج   تصميم: حمد المقاطي