مصلح بن عياد ومحمد السناني الروس ما يتعب الحلاق تحليقها...

[بدر الشلوي]

مصلح بن عياد=
سلام والملعبه فيها فرح وأنشراح=من زين موضوعها زانت طواريقها
عز الله أني عرفت أهل القلوب الصحاح=في كل ساعه تجدد لي مواثيقها
محمد السناني=
يا مرحبا والمكان يزوّد الأرتياح=والناس تطلب من المولى توافيقها
لو كان تسمع دعاهم فالمساء والصباح=كل المطاليب ما يتعبك تحقيقها
مصلح بن عياد=
من طيبكم ما سمعنا في طرفكم صياح=امعلقين النيامس في معاليقها
يضفي عليكم جناح ويحترمكم جناح=واللي بقي من جواهر في صناديقها
محمد السناني=
الجيل الأول تعب فالمعركه والكفاح=واليوم صف الجماعه صعب تفريقها
أليا سمعنا الكلام اللي يداوي الجراح=يهمنا مصدر الكلمه وتصديقها
مصلح بن عياد=
يوم أنها للخناجر والقنا والرماح=ما همنا ساعة الدينا ولا ضيقها
الجيّد اللي قطع راس الصنم لين طاح=وأنا أعرف العلم والاصنام ما أطيقها
محمد السناني=
واليوم فالعولمه والعلم والأنفتاح=قدرتك ماهي كما كان الك تطبيقها
ماهي على كيفنا تمشي هبوب الرياح=وآلا نبا نبدي الريعان ونويقها
مصلح بن عياد=
أدعي لكم بالهدى والمرجله والصلاح=وأليا ضميتوا هذي زمزم وأباريقها
لا تقدحون الزنود ولا يثور الملاح=وأشب في عودها وأزيد تحريقها
محمد السناني=
دعوتك ماهي بزايدةٍ طريق النجاح=لابد يطلع لها مشروع ويعيقها
ذوب العسل لا تخلطونه بسمٍ ذحاح=والناس عطشا وباقيةٍ على ريقها
مصلح بن عياد=
تطرد ورى الحظ مار الحظ قفى وراح=ما قبلك من الجبال آلا شواهيقها
صبّحت بالخير يا وجهٍ تحب الصباح=الله يعينك على الجوخه وتبنيقها
محمد السناني=
كلمتك هذي وعد وآلا لكبح الجماح=بعض المعادن يغش العين تبريقها
صبّحت بالخير لا نادى منادي الفلاح=كان الجميل يقدر الحملات ويطيقها
مصلح بن عياد=
الكلمه اللي نصدرها عليها وشاح=عليك تنفيذها ما هو بتدقيقها
خلك بطل لا تليمها حرام ومباح=لا تتبع الروح تلحقها لواحيقها
محمد السناني=
ياما سمعنا التهدد والوعد والصياح=والناس نسمع على الاحداث تعليقها
أن كان لا أنته ولا أنا ما طلبنا السماح=الروس ما يتعب الحلاّق تحليقها

[قاسي العتيبي]

بدر الشلوي
جزل ولاتجيب إلا الجزل
محاورة طيبة لشعراء عمالقة
مشكور على نقلها

[الحافي 1]

محاوره طيبه واحدث عن الاحداث حول الشرق الوسط والعرب وتقصيرهم مع سوريا

[البتّار]

محاورة قوية لاهنت يالشلوي

[مهنـا العتيبي]

مــــصــــلـــــح بـــــــــــــن عـــــــيـــــــاد
من طيبكم ما سمعنـا فـي طرفكـم صيـاح امعـلـقـيـن الـنـيـامـس فــــي معالـيـقـهـا
يضفـي عليكـم جنـاح ويحترمـكـم جـنـاح واللـي بقـي مـن جواهـر فـي صناديقـهـا
مـــــــحـــــــمـــــــد الـــــســـــنـــــانــــــي
الجيـل الأول تـعـب فالمعـركـه والكـفـاح واليـوم صـف الجماعـه صعـب تفريقـهـا
أليا سمعنا الكـلام اللـي يـداوي الجـراح يـهـمـنـا مــصــدر الـكـلـمـه وتصـديـقـهـا


فتل ونقض على مستوى

[فيصل بن فهد الجهني]

يا الربع
حتى لو ما صدنا المعنى
يكفينا الفتل والنقض .. و الجزاله .. و القوه ..!!

لا هنت يا الشلوي ..!!

[هادي المهادي]

معناهم عن حكم السعوديه في القدم والحاضر
والدليل
الجيـل الأول تـعـب فالمعـركـه والكـفـاح=واليـوم صـف الجماعـه صعـب تفريقـهـا

لاتدورون وراي شي