((((( قصيدة عن عقوق الوالدين وقصيده مبكيه جدا جدا جدا ))))))

[يوسف ناصر الرويس]

بسم الله الرحمن الرحيم

السلام عليكم ورحمة الله وبركاته

قصيدة مؤثره جاتني على الايميل واحببتم ان انشرها في المنتدى لانها من جد قصيدة حزينة

*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال والبيت أعلاه يبكي حتى القلب القاسي

اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن

[عبدالرحمن الهيلوم]

ابداااااااااااااع
وصح الساااان قايلهاااااااااااااا

شكرالك

[صقر المقطه]

مشكور اخوي عللى القصيده مؤثره

[خالد نوار العتيبي]

مشكووووووور أخوي

علي القصيده المحزنه

الهادفه

تحياتي لك

[أبونواف]

ترقد على صوتي وحضني يدفيـك =ما غيرك احدٍ ساكن فـي حشايـا
واليا مرضت اسهر بقربك واداريك = ما ذوق طعم النوم صبـح ومسايـا
ياما عطيتك من حنانـي وبعطيـك =تكبـر وتكبـر بالأمـل يـا منايـا
لكن خساره بعتني اليـوم وشفيـك = واخلصت للزوجه وانا لي شقايـا

يوسف ناصر الرويس
أشكرك أخوي وقصيده مؤثره جدا جدا جدا