الغزل ياهل الغزل:::: سلطان بن نايف بن عواد الرويس

[هلال الدوادمي]

مساكم الله بالخير ماكان ودي اجيكم بعد غياب طويل شوي وايدي فاضيه
قلت اونّس الربع والجماعه بها الغزليه اللي والله انها ناقصه فيها بيوت شوي
واللي تحضره البيوت الناقصه الله لا يهينه تحت تحت يشكها""

جابتني القدره على درب مشروع=وقابلتلي غرو من البيض فتان
حرام ماقد شفت زين بهالنوع=حورية الجنه على هيئة انسان
يوم انطحتني كن في صدرها شموع=وكن المعنق يصطلي غيه نيران
وشبهرتبه جسم به النور مسطوع=وعنق زهابه عقد لولو ومرجان
حورية التوصيف والجسم مربوع=والعين سوداء كنها عين شيهان
والجسم عود اراك ماجاله فروع=عنق وطول وردف والعود ريان
ونهد نبا بالصدر ماهوب مرضوع=في صدرها نابي كما طلع رمان
شفته من المفصل اليا حد هالكوع=ومن ركبته اليا حد ماطاه لي بان
حرام ياعيني تشوفين ممنوع=والله محرم كشف عورات الابدان
لو كان ماشفتيه ماجاء على الطوع=لكن له حد على القلب بيبان
شفته وانا سالي وعدت مفجوع=وامسيت عقبه بالتفاكير عمسان
قالت حسن منه السخا دوم مفجوع=بالله ريّع ليه يازين عجلان
قالت بدوي ثوبك على المتن مرقوع=فاتك زمانك تتبع الابل والضان
واليوم مالك فالبلد واحد اسبوع=طامع بغالية الثمن وانت فقران
قلت حدك والغلط وقال مرجوع=زعلت ويا شينك اليا صرت زعلان
قلت بدوي يابنت والراس مرفوع=والبدو اهل شيمه وقيمه وفرسان
وانا بدوي شبري ترى للردي بوع=واضرب على الكايد ولانيب بحلان
وحب الابل يابنت بالقلب مزروع=وهايب الرحمن حلوات الالبان
لو مامضى من دونها نلبس دروع=نرخص لها الارواح في كل ميدان
ومن جابها طامع صار مطموع=ومن فعلنا ومن دونا شبل سرحان
واليوم امان وامن ماعاد ابه روع=واللي بهم روعات في وقتك ابدان
(وانتي ترى خيرت اساميك دلوع)=(تستاهل التدليع في كل الاحيان)
قالت بغيت امزح وسويت مشروع=وانا اسفه والله مالي بها شان
والبدو اهلن لي ولي معهم ربوع=واليوم منهم ومعهم اليوم قطان

سلطان بن نايف الرويس

[السّامي]

هـلال صـح لـسـانـك ولـسـان الـشـاعـر سـلـطـان بـن نـايـف الـرويــس

هـلال نـور الـمـنـتــدى بـوجـودك مـبـدع دائـمــاً وحـيـاك مـن جـديـد


إخـيــك الـنـفـيـعــــي_الـنـيــــر ,,,

[هلال الدوادمي]

يا هلا يالنفيعي النور والاناره وشركات الكهرب مرورك يالغالي
والمنتدى منوّر بأهله طال عمرك

تحياااااااااااااتي وتقديري

[سطام الرويس]

يـــــــــــــــا مرحــــــــــــــبا ياابن عمــــــــــــي

اسفرت وانورت انت مبطي وانا مبطي

صح لسان المريبض
الله لا يهينه على هالقصيده الرائعه
.
ولا هنت على النقل الرائع

[هلال الدوادمي]

مرحبا والله ياسطام

واجبي طال عمرك تجاه المنتدى ..بعد اهله

ولاانت يالغالي

[ابوبجاد الرويس]

لاهنت اخوي هلال الدوادمي

وصح لسان ابوطلال

وبيض الله وجهكـ على النقل ,,,,,,,,,,,,,,,

[هلال الدوادمي]

مرحبا والله يابو بجاد

على المرور الفريد من نوعه

ولاهنت يالغالي

احترامي وتقديري...

[أخو جوزا]

صح لـــــســـانه

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[محمد العتيبي]

صح لسااان الشاعر / سلطان الرويس


على هذه الرائعه



لاهنت ياهلال ما قصرت ..


تحيتي
..

التوقيع

للتواصل عبر twitter تويتر al_bargawy@