راشد السحيمي وسفر الدغيلبي..

[أحمد المويعزي]

السلام عليكم..

مساء الخير..

طاروق حفلة البدائع..

راشد السحيمي:
ياسفر قدام تسع شهور مرسل لك رساله=لاغريبه كان تم الاستلام انشدك عنها
يامطير أشهد شهادة حق مافيكم نذاله=النذاله من يمارس شغلها يدفع ثمنها

سفر الدغيلبي:
آه يامكثر مراسيل السحيمي واتصاله=يمكن احذف بعضها بعد امتلى الجوال منها
مع مطير وحرب وعتيبه قوانين الشكاله=القبايل ماتجيكم بالرديه من جهنها

راشد السحيمي:
أثر جوال القصير عالج اوضاع البطاله=عنده الفاطر يعلفها ويعطيكم لبنها
مع مطير وحرب وعتيبه ترى حالتك حاله=يازعيم الشله اللي شامها يكره يمنها

سفر الدغيلبي:
القصير صاحبي ياحيه وياحي فاله=هبت الريح انت وش يقصر يدينك عن صحنها
قدر ضروف الزميل وقدر ضروف الزماله=لاتشدد واليهود مشدده والله لعنها

راشد السحيمي:
كل واحد ياطويل العمر ياكل من حلاله=وش تدور بالمدينه تمتحنك وتمتحنها
واحد"ن"ماهو مصفي نيته يجلس لحاله=انت ماتقدر ترد البدو لاساقت ضعنها

سفر الدغيلبي:
آه ياوجدي لو الاخلاق سلعه فالبقاله=كان نضمن لك صفات الطيب كان الله ضمنها

[ابو فايح]

لاهنت يا أحمد


هذه المحاوره كلها حش عراقيب



سفر والسحيمي حطوا المعنى في الميزاني في هذا القاف


ثم جاء سوار الذهب وطلب فواز العزيزي وحط المعنى فيهم



بيت السحيمي الثاني مجنون يأتي مدح ويأتي ذم وسبق أن قام بتركيبه حمدان العصيمي بصيغه قريبه من ذلك

[برنس العتيبي]

مشكور احمد الف شكر ع النقل مشكور ابو سعد مشكور راشد مشكور استاذنا ابو فايح ع تحليلك القيم

[محمد الذيابـــي]

طاروق رائع بين سفر الدغيلبي وراشد


من أجمل ماسمعت


شكرا لك يااحمد

التوقيع

التوقيع محمد الذيابـــي

[مهجرس]

صح لسان العمالقة سفر و راشد

و صحيح يا ابا فايح و الله ان بيت السحيمي مجنون

[ابن مغير]

لاهنت يااحمد



ولاهنت يابو فايح

[سفير المرجله]

اختلف معك اخوي ابو فايح بخصوص المعنى والاختلاف في وجهة النظر لايفسد للود قضيه

المعنى كان على موضوع خاص بين سفر وراشد ولم يكن على الميزاني والميزاني استشك بالمعنى وطلب بعد الطاروق فواز

المعنى بين راشد وسفر بسبب اخلاف سفر لموعد بينه وبين السحيمي وانا متاكد مئه بالمئه


تحياتي للجميع

[قاسي العتيبي]

محاورة قوية قوية بين شعراء عمالقة لكنها قصيرة حسبي الله على الميزاني ليش يغيّر كل مازانت الطواريق حاسها

[منيرالروقي]

سفرالدغيلبي

راشد السحيمي


وغيرهم من مدارس الشعر لايمكن التنبؤ بمعانيهم

يستطيعون اللعب على معنى واحد بأكثر من  أسلوب

الخبره

الموهبه

التجربه

إكتمال الأدوات

إلخ

هي مايدعوهم لتنوع الأساليب حسب أجواء وظروف الحفلات


شكرا أحمد