رايد الكيرعاني

[خالد السويداني القحطاني]

يالكير عاني لاتفتش في ملفات المدير=حاول تغمض بالعيون الي طوال رموشها
حنا لقينا وسط ينبع مالقينا في سـدير=الديره الــي مانـــهاب رجــالها ووحــوشها

[عبدالله السرحاني]

محمد الجبرتي

صح لسانك ولسان رايد مقدما"




متابع لكم




تحيتي

[خالد السويداني القحطاني]

صح بدنك لاهنت يالسرحاني

[رائد الكيرعاني القحطاني]

يا محمّد انت تقولها وانت امتلحّف بالحرير = ويدينك اللي زاهيه بألوانها ونقوشها
الله عطاكم يا سليم الرزق والخير الكثير = لولا ابن عمّك ما قدرت تنولها وتحوشها

[خالد السويداني القحطاني]

المعذره على التأخير اتعشى يابوعبدالله

تكرم لحانا ياعميل الخير والدنيا تســـــــير=احدن تلبس عزها واحدن لبس طربوشها
احذر تجيب العيد ماحولي رحاتن تستدير=الله يخل الي معا العالم تدس عفووشـها

[رائد الكيرعاني القحطاني]

اثرك تدربيها كذا لكن ليتك تستشير = قدام لا تبلش بكارشها على مكروشها
ابنشدك وش في عيونك يا عما مدري بصير = أصبحت يا محمد ضمن ناس تعدّ قروشها

[خالد السويداني القحطاني]

الي مصيب يقول انا مخطي ولاقدت الضرير=ولاالعرب قامت تميز في مــــواري بــوشــــها
انا احمد الله ربنا الستار محيي كـــل طــيــر=اعرف طريقي والفروخ الصفر وسط عشوشها

[الحد الرهيف]

يالكير عاني لاتفتش في ملفات المديـر
حاول تغمض بالعيون الي طوال رموشها


البدع قوي

والرد قوي

يا محمّد انت تقولها وانت امتلحّف بالحرير
ويدينك اللي زاهيه بألوانها ونقوشها


بعد محاوره تستحق المتابعه

[خالد السويداني القحطاني]

لاهنت لاهنت
على المتابعه
تحياتي

[رائد الكيرعاني القحطاني]

يا صاحبي بيّن حضورك وانت رجّال كبير = عان الدول قامت تصف عيالها وجيوشها
تبغى الصراحه يا محمد يا عسى فالأمر خير = ما كان ودّي بالنتايج يا محمد .. كوشها