 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
26-Jun-2003, 04:16 PM
|
رقم المشاركة : 1 | |||||
|
يا الله ياربي للشاعر الكبير مخلد القثامي العتيبي
مخلد القثامي مخلد القثامي ( مميزه )
الشاعر الكبير مخلد القثامي العتيبي رحمه الله ، شاعر له اسلوب خاص ، شاعر يعتز كثيرا بقبيلته و له العديد والكثير من القصائد التي تسطر شاعرية هذا الرجل ، مخلد له قصائد حربيه يقال انها ممنوعة لانها تصف الوضع في عصره وايضا حروب قبيلة عتيبة المتتاليه وسيطرتها على جزء من ارض الجزيرة العربية بقيادة قائدها تركي بن صنهات بن حميد العتيبي ، اليوم معنا احدى قصائد مخلد القثامي وهي عن ان مخلد بعث برسول لدياره يخبرهم بالربيع ويصف للرسول المكان وكل شي عن قبيلته ويحث الجميع على القدوم إليه. يالله ياربي يا الله يا ربي عليك التسانيع وان ضاقت البيبان بابك وسيعي كريم يا برقا نخيله وراء الريع ونخيله بأطراف وادي النقيعي يا راكب اللي من سلايل مرافيع اسداس حيلا ما تلاهن رضيعي قطم السماري ما هوتهن مراقيع تاطا الحثاث و سبتهنه متيعي إيزوعن إليا بداء الفجر تزويع ولهن غذاي اليتامى وديعي ما فوقهن الا العيال القواطيع طريحهم بالعج ماله منيعي حط البهار ونطع الليف تنطيع لين السوالف بين اهلها تريعي واخذن من غدران حاذه قراطيع من ماء المطر ما هو بعدا رجيعي ويازينهنه بالسليله مخاريع للحيَهنه في اللواحي قضيعي باطرافهن مثل السباع المجاويع من ذل اهل ركبا عليهم يفيعي واليا بدن حلي كشب المضابيع أدروا عليهن عقب مسرا شنيعي ولازم تشوف الطرش حمرن مراتيع والا تشوف النار تلمع لميعي وزع عليهم ردتي بالتوازيع وخص العيال وكل قرما رفيعي ونجل العيون مخوتمات الاصابيع هيم البطون وخل عنك القظيعي وان سايلوا عنا بوادي المرابيع اتراب و الخيبه بهكاء البقيعي صعوطنا القبعي وعج المدافيع وان ثارت القله غدينا مزيعي اخيامنا مثل الطيور المواقيع ولا ديرتا زينه ولا من نفيعي والحي لابده يجي بالمراجيع واللي دعاه الموت يقعد وضيعي * كما ان القصيدة ذكرت بالترتيب التالي ايضا : يا لله ياربي عليك التسانيع ليا صكت البيبان بابك وسيعي كريم يا برقن نخيله ورا الريع بالقطر عنا يم واد النقيعي أنا ليا مني بغيت المناجيع عقب الليان اغصون قلبي صريعي ياراكب اللي من سلايل مرافيع اسداس حيلٍ ماتلاها الرضيعي قطم السماري ماهوتها المراقيع تاطا الحثاث وسبتهنه متيعي يزوعن ليا بدأ الفجر تزويع ولهن غذاي اليتاما وديعي مافوقهن الا العيال البواتيع طريحهم بالعج ماله منيعي قدامهنه يسبرون المضابيع وخلافهنه يسبرون الفريعي باطرافها مثل السباع المجاويع من خوف اهل ركبن عليهم يفيعي اخذن من غدران حاذه قراطيع من ما المطر ماهوب بدعٍ رجيعي واليا بدن احلي كشب المقاويع ادروا عليهن عقب مسراً شنيعي اما تشوف مخضبين المساويع ولا تشوف النار تلمع لميعي وصدوا بهن عن البرود اللواسيع وشبوب اهلهنه بسمرٍ خليعي ودق البهار ونطع الكيف تنطيع لين السوالف بين اهلها تريعي وهن بروكٍ ف السليله مخاريع للحيهنه باللواحي قريعي ولفوا على شباب عيد المجاويع الشاة حايل والمعزب بزيعي سلم عليهم كل شخصٍ بترفيع خص القروم وكل شخصٍ رفيعي وهيم البطون مخضبات الاصابيع نجل العيون وخل عنك القضيعي ون سيل عنا يم واد المريبيع لا عيشةٍ زينه ولاماً نفيعي اخيامنا مثل الطيور المواقيع ون جاتنا القله غدينا مزيعي والحي لابده يجي بالمراجيع واللي دعاه الموت يقعد وضيعي نرجو ان تحوز على الاعجاب --------------------------------------------------------------------- زماننا غير زمانهم وحتى نتذكر الاولين اخوكم ابن نجد |
|||||
|
|
|
|
|
|
|
|
|
|
27-Jun-2003, 04:49 AM
|
رقم المشاركة : 2 | |||||
|
كذلك هذه احدى روائع مخلد القثامي العتيبي
يقول مخلد عند باب الحرم ون بالمدعى ياعارفين المكاني أقدامنا واقدام خلي تناصن فى مطرح عنه الطريق ايحاني أول عذاب القلب من عنبر خن والمسك والريحان والزعفراني واتلا عذاب القلب شقر يهلن على عنيق كنه الخيزراني جاني يجر أهدوم مدري وشنهن لابس على الدفه حرير يماني أربع سنين اقرع كما يقرع الشن ياواصلينه علموه ابمكاني واربع اسنين حب سيدي على ظن واربع سنين زادنا ما هناني ودي أسايل عنه واقول من من به لو كان سيدي خابره ما غواني ستين منظيه من الجيش ينقن أيضا ويقفاهن عشر وثماني عشرين منه مع شفا نجد هفن وعشرين منه يم وادي اقحطاني وعشرين منه فى المدينه يرسن وثمان منه يم وادي اشهراني والعشر الاخرى فى سويقه يحلن ويدورونه فالغبا والبياني أوسط وعد ليلة فطور يهلن وأول وعد ليلة هلال ارمضاني وآخر وعد يوم المحامل يدقن فى لمة الحجاج ليلة ثماني إن كان جابن الحبيب عليهن أبا انشر البيضا ولج الغناني ون كان ماجزيته على الله جزاهن والموت خير امن الهوى والهواني عهدي بهم يوم المحامل تصاكن في لمة الحجاج يوم الثماني ونرجو من يعرف المزيد من قصائد مخلد كتابتها بهذه الصفحه وشكرا لتواصلكم اخوكم ابن نجد |
|||||
|
|
|
|
|
|
|
|
|
|
|
28-Jun-2003, 07:23 AM
|
رقم المشاركة : 3 | |||||
|
الشاعر مخلد القثامي العتيبي غني عن التعريف
وشكرا جزيلا للأخ ابن نجد |
|||||
|
|
|
|
|
|
|
|
|
|
|
28-Jun-2003, 07:57 AM
|
رقم المشاركة : 4 | |||||
|
تسلم يمينك
وتشكر على مجهودك الطيب تحيااااااااااااااتي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
