الوليف اللي معذبني صدوده

[متعب ثواب الجعيد]

بسم الله الرحمن الرحيم
هذه الابيات تعبّر عن ظاهره دخيله غير مريحه تفشت في مجتمعنا سواء داخل البيوت
او اجتماعاتنا في كل المناسبات وهي كثرة استخدام اجهزة الاتصالات حتى في المجالس
اصبحت مزعجه و اصحبت المجالس عديمة الفائده لانشغال كل واحد بجهازه
اتمنى ان ترتقي لذائقتكم الشعريه وتحوز على رضاكم

البلاء فالناس زايد عن حدوده = من حضاره جاتنا والله شمازه
من برامج للتواصل . لا يعوده = شتتوا شمل التقارب وامتيازه
فالمجالس عودوا مثل القروده = كل واحد جالسٍ يفلي جهازه
والعيون مبحلقه باذل جهوده = بالاصابع يشتغل طق وهمازه
كل واحد يختلف طبعه ومووده = ما نفرّق بين طيبه والخنازه
معرفتهم عودت رطنة يهوده = (انتر) و( ديليت) وال(نك نيم ) فَازه
(آدد) والا ( أقنور) بالاصحاب فوّده = و من يعكّر خاطره ب(بلوك) حازه
(قانق ستايل ) رقصهم تَطرب وفوده = عذّروا باتراثنا صاير جنازه
الولد ما جاز اله ماضي جدوده = والصبايا ما لهن بالأمس عازه
ليه ماضينا تبدل يا شهوده = كيف مجلسنا تغير في طرازه
السوالف والقصايد في بروده = والعلوم الطيبه صارت طَنازه
ما استفدنا منه لوكثرة عدوده = غير تدمير البناء خرّب عَزازه
والهوى العذري تغير طِيب نوده = صار شكوى العاشقين بها ابتزازه
فالـ(تويتر ) يشتكي لا وا وجوده = قال واينه غايتي زاد اعتزازه
الوليف اللي معذبني صدوده = كان بالواتس اب ياخذها اتنهازه
لوعلى ماسنجري يرسل ردوده = والسكايب صورته مثل القزازه
وان بغى( فيبر) و(تانقو) عن ودوده = يكبس زرار الحظر فك احتجازه
ما نقول الا عسى ربي بجوده = يصلح اجيالٍ تباهوا بالشمازه

[ياسر.]

صلت وجلت وقلت ماهي عليه بعض المجالس ابدعت بحر الرمل روعة وانت اروع
صح لسانك ودام هتانك وشمل الله مجالسنا باخر دعوه لك بقصيدتك الرائع

[عثمان الثبيتي]

(قانق ستايل ) رقصهم تَطرب وفوده
عــــــذّروا بـاتـراثــنــا صـــايــــر جـــنــــازه
الـولـد مــا جــاز الــه مـاضـي جـــدوده
والصـبـايـا مـــا لـهــن بـالأمــس عـــازه
لــيــه مـاضـيـنـا تــبــدل يـــــا شــهـــوده
كــيــف مجـلـسـنـا تـغـيــر فــــي طـــــرازه
صح السانك يامتعب

صار واقع يجب التعايش معه والقبول به سلب وايجاب

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[عبدالرحمن المبطي]

صح لسانك يامتعب

قصيده تكي حال الكثير من الناس

في هذا العصر ولاشك انها ظاهرة

غير جيده خصوصا في المجالس العامه

ولكن كمايقال في المثل (لكل عصر لبوسه)

وهذ عصر الفيس بوك والتويتر وغيرها

لا هنت وشكرا على هذا الابداع

[محمد@الجعيد]

ياسلام ياسلام يابو فهد صح لسانك وصدقت فيما قلت والله انها ظاهره مزعجه لكن هذا هو عصر الفيس بوك وتويتر والواتساب

[متعب ثواب الجعيد]

المشاركة الأصلية كتبت بواسطة ياسر.

صلت وجلت وقلت ماهي عليه بعض المجالس ابدعت بحر الرمل روعة وانت اروع
صح لسانك ودام هتانك وشمل الله مجالسنا باخر دعوه لك بقصيدتك الرائع

الاخ : ياسر

تحيه طيبه

مرورك اسعدني وصح بدنك يالغالي

تقبل مني اجمل تحيه

اخيك

متعب الجعيد

[وصل الشهيب]

شعر كتب بإحساس شاعر أصيل وغيور على الأصاله

الأخ الشاعر

متعب بن ثواب الجعيد

صح لسانك

دمت ودام عطاؤك

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[ابن ركيبين]

صح الله لسانك يامتعب