مـنـاســـبــة فــهـــاد بن نـبـا القحطاني

[وصل الشهيب]

أخواني وزملائي أعضاء وزوار منتدى قبيلة عتيبه الهيلا

دعيت لحضور مناسبة زفاف الشاب / فهاد بن نبا بن عبدالرحمن آل خلف العاصمي القحطاني

المقام في محافظة النعيريه بالمنطقه الشرقيه .ليلة الخميس الماضي الموافق

10/11/ 1433هـ

نبارك للعريس ووالده وذويه

إليكم مشاركتي بالمناسبه

سلام الله سلام الشاعر اللي جا على الميعاد=من ارض الطائف المأنوس جا لارض النعيريه
دعاني بو خلف.قلت الله الله مابها مقعاد=و رفعت الهاتف المحمول لخطوط السعوديه
أنا مالي عذر من مثلكم يامعرًب الأجداد=ألبي دعوة رجال الوفا واهل الشهاميه
فرحنا من فرحكم يانبا بمناسبة فهاد=عسى الفرحه بعدها أفراح بأموالٍ وذريه
صداقتنا ثلاث عقود مرًت والسنين جداد=على مر الزمان تزيد والله يصلح النيه
ترا ذالليل عيداً بالسنه هو ثالث الأعياد=أقابل ناسٍ الهم بالصدر حب او محنيه
صداقه مع رجالاً ماجحدنا ملحهم والزاد=صناديد آل عاصم معرفتهم مفخره ليًه
قبيله كل منهم شيخ له قول وفعل وامجاد=لهم تاريخ يذكر بالشجاعه والفروسيه
إسمهم يعرف وراياتهم ترفع على الأشهاد=ونا.من عزوةٍ وقفاتها دايم بطوليه
رجال ثبيت.ساس البيت لعتيبه جبال أوتاد=من العارص الى الحرًه الى حد الجنوبيه

وسلامتكم

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

آخر تعديل وصل الشهيب يوم 07-Oct-2012 في 02:13 AM.

[فهد الزهراني]

الف مبروك

وانعم واكرم

بقحطان

وعتيبة

وانت وفيت وكفيت ياوصل تحياتي لك

[وصل الشهيب]

الأخ المميز بحضوره وسمو أخلاقه

فهد الزهراني

تسلم والله

ولا عليكم زود ياصبي زهران

أشكرك

تحياتي

[عثمان الثبيتي]

رجال ثبيت.ساس البيت لعتيبه جبال أوتاد
--------------------------------من العارص الى الحرًه الى حد الجنوبيه


صدقدت ياشاعر ثبيت لله درك

دايم وانت مبدع في اي مجال تطرقه


دمت كما تحب ايها العملاق

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[سعيد مرزوق العبد]

الله الله

صح السانك ياباشاااااااااا

ابدعت

[فيصل مطر]

ونعم بك ونعم الف نعم بربعنا ثبيت لاشك

وعلى قول المثل( لياء غنم غنيم اناغانم)ولاشك

واما

الساس مدري وش قصد الشاعر بالضبظ بساس البيت

ولاكن الاصل ساسه بني سعد

لقبيلة عتيبه قاطبتا,,الروقي والبرقاوي

ولاعتقد ان هاذا قصده ولاكني خشيت سوفهم المعنى وتصويبه لذالك

وصح لسانك مليون شاعرنا

وصل الشهيب

تقبل

مــــروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[وصل الشهيب]

المشاركة الأصلية كتبت بواسطة عثمان الثبيتي

رجال ثبيت.ساس البيت لعتيبه جبال أوتاد
--------------------------------من العارص الى الحرًه الى حد الجنوبيه


صدقدت ياشاعر ثبيت لله درك

دايم وانت مبدع في اي مجال تطرقه


دمت كما تحب ايها العملاق

الأخ الشاعر

عثمان الثبيتي

تسلم والله وهذا من ذوقك

أشكرك

تحياتي

[وصل الشهيب]

الأخ الشاعر

سعيد العبد

تسلم والله

أشكرك

تحياتي

[وصل الشهيب]

المشاركة الأصلية كتبت بواسطة فيصل مطر

ونعم بك ونعم الف نعم بربعنا ثبيت لاشك

وعلى قول المثل( لياء غنم غنيم اناغانم)ولاشك

واما

الساس مدري وش قصد الشاعر بالضبظ بساس البيت

ولاكن الاصل ساسه بني سعد

لقبيلة عتيبه قاطبتا,,الروقي والبرقاوي

ولاعتقد ان هاذا قصده ولاكني خشيت سوفهم المعنى وتصويبه لذالك

وصح لسانك مليون شاعرنا

وصل الشهيب

تقبل

مــــروري

الأخ الشاعر

فيصل مطر

تسلم والله

صدقت بني سعد هم ساس البيت لعتيبه قاطبة روقي وبرقاوي

وهذا هو قصدي مالي قصد غيره

أسعدني مرورك وماتفضلت به

أشكرك

تحياتي

[راعي القوافي]

صح لسانك واعتلا شانك ياوصل