قصيدة محسن بن فالح الشكره الدوسري في عتيبه

[عبدالعزيز الدلبحي]

هذه القصيده القيت في مهرجان الكويت للموروث الشعبي عند قلبيلة عتيبه الذي اقامه عضو مجلس الامه سعدون بن حمّاد المقاطي وهي للشاعر محسن بن فالح الشكره الدوسري .. وقد طلب مني نقلها إلى منتديات عتيبه حتى تصل إلى أكبر عدد من ابناء القبيلة .. وللعلم فالشاعر محسن الشكره رجل دمث الاخلاق .. محب لقبيلة عتيبه ... ونحن بلا شك نبادله الحب والتقدير له ولكافة أبناء قبيلة الدواسر الكرام .. يقول محسن:

الله يديم الخير ويعز الاسلام = ويوفق اللي يجتهد بالنجاحي
حضرت اسوق الركب واحث الاقدام = من دولة آل سعود لآل الصباحي
اخوان مريم بلسم قلوب الايتام = وبالعز هبي ياهبوب الرياحي
معرفة الطيب على طول الاعوام = مثل الذهب فالبنك والا السلاحي
وسعدون بالدعوة ملبسني وسام = وبسم الدواسر جيت والشعر فاحي
انا بذلت الجهد فالموقف الهام = وابغى عقولٍ للقصيدة مواحي
سلام ياربع يضدون الاخصام = ياعتيبه الهيلا وساع المناحي
قبيلة يركز لها المجد الاعلام = والجود معها من جميع النواحي
تاريخها يتعب على الصحف الاقلام = مثل العدود الراهيات القراحي
لطامة العايل بعجلات الاولام = وهدف السيوف ومزرجات االرماحي
وذباحة الحايل صخيين واكرام = يوم السنين القاسيات الشحاحي
حطوا لهم في نجد بالفعل مرسام = تربعوا عقب التعب والكفاحي
من فوق سرد مثل كردوس الاورام = ومواصل الغارات ليل وصباحي
برقا لها جمع للاخصام دحام = وآلاد روق سوات سمٍ ذحاحي
يفرح بهم من ضدته شهب الايام = وحطته بقعا بين عوج اللواحي
متعثرٍ حظه ليا طاح ماقام = وأن قومه بالعزم عود وطاحي
يفرح بهم عودٍ غدت ذوده اقسام = وقفوا بذوده مبعدين المشاحي
أمسى ملي يدين في خير وانعام = واصبح خلي يدين وابيض مراحي
في هيبة عتيبه محطمة الارقام = تامن بهم عرب البكار الطياحي
واللي يقول الحق ماهوب ينلام = ومن لايقول الحق ماهو مباحي
ومشاركتنا حفلكم واجب تام = ورسم الوفا موجود ماهوب ماحي
وحق القبايل عندنا فرض ولزام = حسب العوايد ياطيور الفلاحي
وسعدون وقفاته مع الخاص والعام = يلبس على بيض الفعايل وشاحي
يفرح به اللي من عنا الوقت منضام = لاجا يناحي ماعرف وش يناحي
لازلتنا اذكر وقفة الطيب العام = ومن ينكر المعروف ماهوب صاحي
والله يوفقكم وطير السعد حام = على الخليج مرفرفٍ بالجناحي
هذا كلام بصمته بصمة ابهام = وينظم مثل نظم الخرز فالسباحي
وصلوا على اللي مبعثه نور وختام = واذا حصل تقصير فأبغى السماحي