قصيدة للشاعر عطاالله بن محمد بن عمر العضياني

[ابن عمر العضياني]

(قـــــــــصــــــيــــدة تـــــعـــبــــــر عـــــن نــــفــــــســـــهـــا)

الكرم والطيب خصله ومن خير الخصال= مكسب الوافين والطيب هو نهجلها
عادتاً لااهل المواقف كريمين السبال= الرجال اللي صعاب الامور تحلها
والضعافه تاج راس الضعيف من الرجال= الضعيف اللي علومه رديه كلها
عنه عد الكيف لاسيق من صفر الدلال= والمجالس عنه تقفل ماهو كفولها
يحسبن المرجله في شماغه والعقال= مادراء ان المرجله صعب من ياصلها
دقستاً ماميز الناس مردي الخوال= في ذراء امه دايماً عايشاً ظلها
بارداً وجهه بدنياه عباد الريال= دايماً عينه على الناس وش يحصلها
لو لحق وقت المقتال وساحات القتال= السيوف الحدب مثله تراء ماسلها
كان يصبح للحنادي مجيف فاالعبال=والذياب الجايعه فاالوطن عشنلها
عاش في وقتاً به الخير وافر لايزال= ماحسب سود الليالي ولايفطنلها
لو نشدته مايفرق حراماً من حلال= الردي دايم علوم الرداء يدلها
الضعيف النذل ياسعود ماعنده ظلال= شجرتاً فاالقضيض مااحداً يجي في ظلها