ابراهيم الجذع

[عبدالرحمن العقيلي]

انا شاعر ولي مبدا وطبع يخالف لمبداك=وكل اللي تشوفه جزل يابراهيم يعنيني
تبي لك شاعرٍٍٍ يقصر حروفه رغبةٍ بارضاك=اناماهمني لاصبحت بكره ماتدانيني

[ابراهيم الجـــــذع]

والا يا الشاعر اللي منت داري وش يجيك وجاك=تسولف والسوالف ما لها عندي براهيني
أنا اعرف ويش في علمك وأنا اعرف ويش في مخباك=والا يا عزتي من نكبة الشعب الفلسطيني

التوقيع

الذم ما يهفي للأجواد ميزان=والمدح ما طول قصار الأيادي

[السبيعي فلاح]

المشاركة الأصلية كتبت بواسطة ابراهيم الجـــــذع

ترانا من قديم الوقت نعرف علتك ودواك=ليا منا كوينا القلب وسعنا الشراييني
والا ياللي توال الليل جيت بغمرك وحناك=تبا تشتال حملٍ عاجزه عنه البعاريني

ياسلام ياابراهيم على الرد وانا بصف ابراهيم الجذع ولا يهون قبيله؟؟؟

[رائد الكيرعاني القحطاني]

أنا خابرك هاوي يا العقيلي شوف عود الراك
ولـو أن الجمـا مــا باقـيـن بــه غـيـر سنيـنـي



يا سلام يا سلام



صحت السنكم وقلوبكم ثنييييينكم



وانا بين الصفين العب على هالطارووق المسرّي




واصلو

[ابراهيم الجـــــذع]

هلا وغلا أخوي فلاح

والصف يزهابك طال عمرك

اشكرك على الإطراء

شرفنا مرورك

[ابراهيم الجـــــذع]

هلا وغلا أخوي رايد

صح بدنك يا الغالي

شرفنا مرورك

[عبدالرحمن العقيلي]

الا ياالشاعر اللي دون قاصر دوب حلقك ماك=علامك قمت تقصر فالوحي كنك تعزيني
الا ياعزتي للي نصاك ومحتميٍ بحماك=صراحه لانت حامي لادخيل ولاانت موحيني

[ابراهيم الجـــــذع]

موردكم على نهر الفرات وتغترف بيداك=لكن المشكله فالفرق وين أنته وأنا ويني
ترا مالك ومال العلم الأقصى لو جاب اقصاك=عن التفصيل فالأخبار يكفن العناويني

[عبدالرحمن العقيلي]

على طاري نهر بغداد وش ولعك فالاتراك=علامك ماتصلي لك صلاة مع المصليني
تبي فرقاي باابراهيم انا اللي صدق ابي فرقاك=وصراحة كلنا باللعب والشعر متساويني

الختام عندك ياابر اهيم وبيض الله وجهك

للجميع وفيتو وكفيتو تصبحون على خير

[ابراهيم الجـــــذع]

ورا ذيك الحدود اليوم وش جابك و وش وداك=مولعنا بهم ربٍ مولعكم بثنتيني
ابا فرقاك قدام الملازم لا يجي يجزاك=يسلمك الخفاره عند بيبان المساجيني