تسعين ضابط من قبيلة عتيبة

[محمد مذكر المغيبي]

تلبية لدعوة الضباط الخريجين من كلية الملك فهد الامنيةالجامعيين

هذا العام 1433من قبيلة عتيبة نسال الله لهم التوفيق والنجاح

لهل الوفا اللي مجدهم مضرب امثال=واهل المبادي والفعول الصعيبة
والله لخلي صادق الشعر يختال=وانحت على صم الصخور الصليبة
في حفل تخريج المناعير الابطال= (تسعين) ضابط كن قبيلة عتيبية
مبروك يااهل الطيب ذربين الافعال=يااهل الوفاء اللي كل صعبٍ تجيبة
باالامس فاالتعليم واليوم لازال=وبكرة ميادين الشرف تحتفيبة
قايد لصعبات المغاليق حلال=وفكاك مبهمت الامور الكئيبة
تحيةٍ منا لكم قدر وجلال=ونفخر بكم يااهل العقول اللبيبة
حنا عتيبة مجدنا فوق ماطال=رجالنا عزٍ لمن ينتخيبة
يشفي لمن يزهم ونقاض فتال=واللي يرافق طيبٍ يقتديبة
قومٍ لنا في قمة المجد منزال=ونفرق مابين المخطية والمصيبة
برقا وروق مطوعت كل عيال=لن ضيع القداي ممشى النجيبة
عز الدريك اللي علية الدهر مال=ومنصاً لمن ضاقت علية الرحيبة
وان صارو العقال بعقول جهال= انفوسنا ماهي بترضى الغليبة
وتارخنا يروى من اجيال لجيال=مصدر فخر واغلى مكارم وهيبة
مجدٍ تليد اكبر من القيل والقال=يبدى بة الراوي ولاينتهي بة
وحقوق خلق الله مانضربها الجال=كل القبايل مجدها يندري بة
وصدق الولاء منا بلا شك وجدال=لال السعود من المهد للنصيبة
نفخر ببو متعب ونفدية باالحال=اللي غمر كل الجزيرة بطيبة
مليكنا اللي كنة الغيث همال=على البلاد الطاهرة والحبيبة
وللمسلمين وللعرب عز وظلال=وخادم حرم مكة ومسجد حبيبة
وولي عهدة يمة المدح ينهال=اللي من السرحان ياخذهذيبة
نايف صليب الراي ومعرب الخال=حلال عسرات الامور الصعيبة
بكفة يهد جبال ويكرم سبال=ويخلص اللي ماخلص من طليبة
وصلو على المختار ماهل همال=اعداد من طب الحرم يستعيبة

آخر تعديل محمد مذكر المغيبي يوم 26-May-2012 في 01:38 AM.