يـــاذيـــب

[الذيب المقاطي]

قصه قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من منزلهم قلد صوت الذيب وقام يعوي , سمعته أخته لكن ماتقدر تطلع عليه خايفه من حماتها إخت زوجها فقالت هذه الأبيات


ياذيـب ياللـي جـر صـوت عـوى بـه
مدري طرب وإلا من الجوع ياذيب
يـاذيـب لاتـقـهـرك عـنـهـا المـهـابـه
يامجفـل الغـزلان حـنـا المعـازيـب
الـبـوش كـلـه يـــم خـشــم اللهابـــه
في فيضة السرداح والبل عوازيب




سمعتها حماتها فظنت أنها تناجي عشيقا لها وأنشدت الحماه


يابنت ليا الذيـب ينهشـك نابـه
يقذلك من بد البني الرعابيب
تراك مثل اللي جلب له جلابـه
لادارها السّوام يلقى عذاريب





فردت البنت بهذه القصيدة موضحة الأمر لحماتها ...





وحيـاة جـلاب المـطـر مــن سحـابـه
إني عذيّـه مادخـل عرضـي العيـب
أنــــا كــمــا عــــدٍ قـلـيــل شــرابــه
مادوّجـت عليـه حـرش العراقـيـب
الذيـب أخـوي اللـي يشيـل الكسـابـه
يوم ان نجوم الليل مثل المشاهيب
واللـي ظلمنـي جعلـهـا فــي شبـابـه
وتـحـدّره مــن عـايـات المراقـيـب

[مشعل المقــاطي]

مشكور يالذيب على القصه وعلى القصيده ولاهنت

[الذيب المقاطي]

مشعل المقاطي
لاهنت على المرور

[فارس الطايف]

مشكوووووووووووور ذيب على القصه والقصيده

طيب ولا تجيب الا الطيب الله يعطيك العافيه

[الذيب المقاطي]

فارس الطائف طيب الله فالك
ولاهنت على المرور وعلى الرد الجميل الذي يكشف عن نفس جميله لاهنت مرة أخرى

[فارس مكة]

مشكور يالذيب ونأمل تزويدنا بالمزيد

[الذيب المقاطي]

فارس مكة
لاهنت على المرور

[نواف العصيمي]

يعطيك العافيه ..ياذيب

وصح لسان شاعرها

ولك التقدير والإحترام

التوقيع

[الذيب المقاطي]

نواف العصيمي
لاهنت على المرور

[حمود النخيش]

لا هنت يا الذيب