بعض النصائح قبل شراء السلاح

[روق والسماء فوق]

نصائح قبل شراء السلاح المستعمل ، ويمكن تلخيصها في النقاط التاليه :

1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .

2/ تفحص السبطانه وتأكد من اهنا تخلو من الصدأ ، ملاحظه
( الصدأ مسأله بسيطه يعني لاتدقق فيها لانه الصدأ سببه اهمال التنظيف )

3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل .

4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ

5/ تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )
6/ عب المخزن كامل مع بيت النار واسحب القير بسرعه يعني لقم البندق ورى بعض جرب هل هي تنفض جميع الفشق والا لا عشان تتأكد من ان الناتوش يعمل بشكل صحيح .
اما اذا كان السلاح ام وحده ام ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا .

7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .

8/ تأكد من وجود قطع الغيار قبل شراء السلاح .

9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد ،

10/ تفحص الخشاب وتأكد انه يكون خالي من الكسر او الشعر . او الخدوش العميقه

11/ اخيرا تجربة السلاح ، وهي المهمه ـ فالتجربه خير برهان

[ابو عتال]

اما نصيحتي للي يبون يشترون



سعوط المجانين كـــــلا شـــن كوف

اولا / تأكد من ان جميع ارقام السلاح هي نفسها الموجوده علي جميع القطع

ثانيا / يوجد زمبرك خلف الأقسام التي في بطن الرشاش ،، تأكد من ان هذا الزمبرك قوي

وصعب الظغط فكل ما كان كذلك كلما كان الرشاش جديد وقليل الاستعمال

ثالثا / تأكد من ان السـبطانة // اي الماصورة // ســـــليمة ، بان تميز بنظرك انه ليس هناك

كسور في الحلقات الحلزونية في داخل الماصورة

وايظا قم بإدخال رأس طلقة رشاش في فوهة ما صورة الرشاش ،، فإن دخلت فإن راعي

الرشاش محرقن ابو جده بالرماية وإن لم تدخل فهذا جيد

رابعا // مجموعة الأبرة + المكبس ، وهاذه تكون داخل بطن الرشاش تأكد منها بأن لايكون في

المكبس رجة او لونه قديم

اما الأبرة فميزها جيدا فقد يكون فيها وفي جرمها كسور

خامسا // بنسبة للبوية لتأكد من انها بوية بلاده ،، افرك الرشاش بقطعة قماش ناعمة

// عشان راعيه ما يفرك خشتك على الجدار //

وإذا وجت لون اسود على الخرقة

اعرف ان الرجال داهن الرشاش بشحم خاص للسلاح يخليه اســـــــــــــــــــــــــود

اخيرا الرشاش ابو عطفة يسوى من 600 ريال إلى 100 ريال على حسب نظافته

والرشاش الأخمص كـذالك

اما بن لادن فيصل إلى 1200 ريال ، وابو عطفه احسن منه ، ولكن في الرماية للأهداف

فسلملي على الأخمص

تحياتي للأخوان

[الأمــير]

لاهنت على المعلوماااااااات

[ذيب السبايا]

لاهنت يالغالي

[البقعاوي99]

مشكووووووووووووور على الطرح




أتمنى منكم زيارة هذا الموضووووووووووووووووووع هاااااام
http://www.otaibah.net/m/showthread.php?t=31512

[عالي مقامه]

معلومات قيمه ولاهنت

[فهد النفيعي]

روق والسما فوق موضوع اكثر من ممتاز تشكر عليه يا غالي