بسم الله الرحمن الرحيم
في ليلة بهية واحتفاء بشاعرنا المبدع
المستشار الأدبي والإداري في منتديات الهيلا
الشاعر الخلوق : علي فلاح العضياني
اقام الشيخ صنيتان الضيط وقبيلة العضيان حفل دعم وتكريم لهذا النجم الصاعد
في قصر جوهرة الحوية يوم الأحد الموافق 3 - 3 - 1432 هـ
شاعرنا علي العضياني والشيخ صنيتان الضيط
اعضاء الهيلا من اليمين ( العتيبي - مشاري - الشاعر: علي فلاح - الشاعر: عيضه الثبيتي )
وكان لمنتديات الهيلا وادارتها الحضور والتغطية الالكترونية
شكر خاص لمشرف الهيلا ( ابو فايح ) على ما قدمه من مجهود جبار وضخم لتغطية هذا الحفل ...
================================================== =================
صور من استقبال الضيوف
وصول الشيخ صنيتان الضيط حفظه الله
وصول آل ميشع وبرفقتهم ادارة الهيلا
رجال الأعمال : الشيخ زبن بن ميشع والشيخ زابن بن ميشع
رئيس ادارة منتدى الهيلا هايف العضياني و عارف بن سعيد بن ميشع
الشيخ زابن بن ميشع ورجل الأعمال محمد بن زبن بن ميشع
وصول الشاعر عيضه الثبيتي - اداري منتديات الهيلا
وصول الشاعر عواض الشهيب وعضو منتديات الهيلا مشعل الجعيد
ثم بدأ الحفل بآيات من الذكر الحكيم قرأها الشبل
عبدالله العتيبي
ثم نبذه تعريفيه عن الشاعر علي فلاح العضيانيألقاها الأستاذ تركي مسعود العضياني
ثم كلمة للأستاذ القدير فلاج بن سعد العضياني رحب فيها بضيوف الحفل ثم أوصى بتقوى الله وبين فضلها في الدنيا والأخره ثم هنأ الجميع على سلامة خادم الحرمين الشريفين ثم تحدث وأثناء على الشاعر علي العضياني وتحدث عن بعض خلقه من خلال تدريسه له في مراحله التعليميه .
ثم كلمة مع المحتفى به الشاعر علي العضياني رحب بجميع ضيوفه أجمل ترحيب ثم تحدث عن المسابقات الشعريه ومميزاتها وأن أكبر ميزه فيها تلاحم أبناء القبيله الواحده مع بعضها كما هي هذه الليله ثم شكر جميع من حضر لتكريمه ودعمه من مشائخ وأمراء وزملاء .
ثم كلمه مع راعي الحفل الشيخ صنيتان الضيط رفع فيها أسمى التهاني للمجتمع السعودي خاصه والمجتمع الإسلامي عامه بمناسبة سلامة خادم الحرمين الشريفين ثم رحب بالجميع وأعلن تكريمه ودعمه للشاعر علي العضياني سواء ماديا أو معنويا وشكر جميع من لبى الدعوه وحضر هذا الإجتماع الطيب .
ثم قصيده ترحيبه للشاعر علي بن خالد العتيبي
يا مرحبا باللي لفانا وشرف = فالحله اللي تكرم الجار والضيف
عداد ما تكتب حروف (ن)تزرف = و عداد وبل المرزمات المراديف
أقولها وأنا أفتخر وأتشرف = عن ربعي عتيبه هل الخيل والسيف
اللي ليا شان الزمان المصرف = من والي الدنيا ومجري العواصيف
وجاء للسيوف مع الرصاص المطرف = فعلن على صوت النخا والغطاريف
تثبت بوقت اللازمه ما تطرف = مثل الجبال الراسيات المراديف
وكل القبايل نعم مابه تطرف = سجلها التاريخ نبذه وتعريف
وختامها للي لفانا وشرف =حياكم الله عند من يكرم الضيف
عداد ما تكتب حروف (ن)تزرف = و عداد وبل المرزمات المراديف
ومن طاف بالبيت الحرام المشرف = وعداد ما تبدأ النجوم المشاريف
أقولها وأنا أفتخر وأتشرف = عن ربعي عتيبه هل الخيل والسيف
ثم قصيده للشاعر الرائع والمبدع عبدالكريم المحينيش
بسم الذي بامره يهونن الاصعاب=ابني بيوت العز وانهض عمدها
العزم بالله والامل فيه ماخاب=وهل الجهود الله يقوي جهدها
اليلة الماقف على الرجل غصاب=ومواقف الابطال هذا وعدها
والماقف الغصاب ماعنة مجناب=عند الرجال الي يذعذع سعدها
وانا حمد الله يوم الي ربع واقراب=قبيلتن ماخاب منهو قصدها
لو الغنيمة دونها يكلح الناب=لاقام راس القوم اخذها بيدها
الضيظ لن راحت على فتل الاشناب=مواردة ماغيرة احداً وردها
لوهابو الهياب يعنك ماهاب=له وقفتً يشهدبها من شهدها
ذخر الشيوخ الي يقودون الاسراب=يومنها تبرق و يرزم رعدها
شيخً يعقد الراي ويحل الانشاب=لوتصعب الدعوى يحلحل اعقدها
تشريف ابو فواز نحسبلة احساب=ومعزته في صدور ربعة وجدها
عد الروى للربع والا للا جناب=بحر يمد ومدته مافقدها
بال وسيع ومجلسً فاتح الباب=ويمنا تقلط حشوها مع نجدها
ياربعنا وشيوخنا قبل الاسهاب=وقفاتكم ماعاد نحصي عددها
الله يجملكم على كل ماطاب=جمايلً يفخر بها اللي بعدها
وياعلي بيتك له مناسيب واطناب=واركون عز عزها من عمدها
يرد عنك الرمح من كل حراب=ويذريك عن شمس تزايد وقدها
ياسيفنا اللي له مقاضيب وانصاب=لك ضربة من ذاقها ماجحدها
شعرك مثل سيف ليا ناش الارقاب=ينطل جماهي روسها عن جسدها
حث القدم والذيب لو قدمه اذياب=ياصل مداه وليلته مارقدها
شمر عن الذرعان واعمل بالاسباب=ومفاخر عتيبه بالامجاد زدها
اكرب حزامك واعصب الراس باعصاب=وارسم كروكي خطتك واعتمدها
وحنا معك والسيف ماعنه مجناب=يمنا الشجيع نشدها ونعضدها
اضرب بنا الكايد شباب وشياب=واصعد بنا القمه مع اللي صعدها
ربعك عتيبه والله ونعم الانساب=نسل الحرار اللي ينومس هددها
قبيلة عدت على كل مرقاب=بافعالها غصب على اللي حسدها
يفتح لها التاريخ مع كل الابواب=وليا بغى يزتاد يطلب مددها
يامولف التاريخ سجل للاعراب=قدايم الامجاد واللا جددها
واحفظ حقوق الطبع من كل لعاب=اللي على التحريف ربي قردها
حتى ولو صدر على كذبه اكتاب=اهل العقول الناقصه من نشدها
هذا الكلام وطيب الشعر ماطاب=والطيبه محد يبا ينتقدها
من قدح راس لا بغا يجيبها جاب=وسود الوجيه وبيضها ماعبدها
ثم قصيده لـفارس الصحراء الشاعر وليد الغربي
سلام يا اهل الطيب وطيور الفلاح=من هاجس ٍ لو طال دربه مستريح
عن تلبية دعواتكم ما اطلب سماح=حتى ولو عندي لكم عذر ٍ صريح
يستاهل الوقفات من لبس الوشاح=لو طاحوا الشعار عزمه مايطيـح
شاعر وله سيفي مكلـل بالنجـاح=فالشعر مايحتاج تسويـق ومديـح
كان الشعر حسنه وقبيحـه مبـاح=واصبح قبيحه حسن ٍ وحسنه قبيح
تستاهل التشجيـع ياعلـي فـلاح=مثلك يمثلنا على الوجه الصحيـح
وحنا ليا جا الجد مافيهـا مـزاح=لك وقفت ٍ عليلها يصبح صحيـح
ثم قصيده لـعضو المنتدى الشاعر عبدالله الأصعر
يا مرحبا في حفل ذربين الأيمان= عداد ذعذاع النسيم وبراده
باللي حضر ضيف وقبيله وشيخان = أهل الفخر والمرجله والرياده
ما أخص في ترحيبي فلان وفلان = يعم ما يقصر عن الحفل ماده
وياهاجسي حضر مادام الوعد حان =خلك معي وأنت إلك بالطيب عاده
عادتك فالميقاف ما أنته بجبان = معك على فعل الجمايل شهاده
لكن ساعدني على نظم الأوزان = من الكلام الزين عطني جياده
اللي يثقل وزنها كل ميزان= من طيبها الناقد ما يلقى انتقاده
وأنا علي أعزك بقدر الإمكان = وأبعدك عن درب الردى والنقاده
لبيت دعوة صاحب الأمر والشأن = في حفل تكريمه وثالث عياده
النادر اللي من سلايل كحيلان = حر(ن) ينومسنا بساعة هداده
جاي(ن) لأبو فالح وجاي(ن) لمشعان = بالطيب والشعر وتحقق مراده
له ماقف(ن) مشهود في كل ميدان = عنده على الميقاف عزم وجلاده
لكن ياعتيبه طويلين الأيمان = يا فزعته يا مسنده يا عتاده
أنتم لكم وقفات من ماضي الأزمان = وميقافكم دين وعليكم سداده
أقفوا معه يا أهل القدايم على شأن= يأصل لمقصوده بكل إجتهاده
وصلوا على خير البشر نسل عدنان = عداد ذعذاع النسيم وبراده
ثم قصيدة لعضو المنتدى الشاعر عيضه الثبيتي
يا هاجسي بسـم الله الرحمـن=حضّر معي ثم أعسف القيفـان
دوّر من أجزال البيوت أسمنها=والك عليّ أن العلـوم أسمـان
عزيمة العضيان مـا ننساهـا=باليـوم والتاريـخ والعنـوان
ومع كثرة الأشغال مايعذرنـي=حتى لو ألقى لي عذر مليـان
واجب خويً مع خويّه ياقـف=ناقف مثل ما تاقـف الضلعـان
علي فلاح الشاعـر المتميّـز=في واجبه ناقف كما الاخـوان
الشعر من عنده وصح لسانـه=والدعم من ربعً طوال أيمـان
عتيبه الهيلا ليا صحـت الهـا=قالوا سوا بسـم الله الرحمـن
وبسم ثبيت أهل الوفاء والطاله=لمرجحين الـوزن والميـزان
سلام رديّـه عريبـة منسـب=واسم الثبيتي فوقهـا برهـان
تـدور للحضـار دور الـدلّـه=اليا أستدارت دلّـة الرسـلان
وفنجالهـا الأول بليـا قاصـر=ينساق لك يالظيـط ياصنيتـان
والدول من يمناك يمشي يمشي=للّي حضر من ساير العربـان
ياصل سلامي كل من يسمعنـي=لأهل المحل/ والرّبع/ والضيفان
ويثنى لك الفنجال يابن محمّـد=لأنّك ليا جات اللـزوم حصـان
تاريخك وتاريخ أبوك وجـدّك=وتاريخ أهل عمهوج والعضيان
علـمً يشرفنـي ليـا عدّيتـه=وعلمً يشرّف ربعـي العتبـان
لو ننشد الاتراك عن وقفتكـم=رمت طواقيهـا وقالـت وأن؟!!
يقلون فاسطنبول تنشد عنكـم=تبى تشاهـد سيفكـم شامـان
كنه مروّعهم علـى ماسمعـوا=ممّا حصل في ساحة الميـدان
وتبى تنشّد عن عـدد موتهـا=وتأخذ عبر ودروس بالمجـان
وألا القضاء ياعنك مايمديهـم=مادامت ابن سعـود فالأوطـان
حكامنا وأعـزّ مـن يحكمنـا=أهل الكرم والجود والإحسـان
مليكنـا عبـدالله وعـبـدالله=مع طالة يمينه وسيـع بطـان
يعيش ابو متعب زعيم الأمـه=ويالله تحفظه ياعظيـم الشـان
ويرجع لنا سالم معافـا طيّـب=ويكون عيدًا من قبل ما كـان
هذاه أبو متعب ملكنـا الغالـي=اللّي عضوده نايف وسلطـان
عيال عـودًا ياعسـاه الجنـه=ملوكنـا لا عـدّوا الشجعـان
وختامها علـى محمـد صلّـوا=والشكر والتقديـر والعرفـان
ثم قصيدة للشاعر محمد العضياني
الاولـة يـا مرحبـا يـا مرحبـا بالحاضـريـن=ترحيب غالي والقصايد مـا تعبـر عـن غـلاه
والثانيـة سـوق التهانـي للرجـال الغانمـيـن=واجب وحنا مع وجوب الطيب فـي كـل اتجـاه
مبروك يا راع الحصان اللي تخطـى الحاجزيـن=حاجز ورى حاجـز بحـزم وعـزم خلاهـا وراه
من طيـب خيالـه وطيبـه فايزيـن وكاسبيـن=المركز اللي صعـب تحقيقـه وصعـبً مشتـراه
ابن فلاح اللي عسى الله يحرسه من كـل عيـن=قولوا يا ما شاء الله علاه ان قلت ماشاء الله علاه
انا اشهد انه داحـم الفريـس بالجنـب المتيـن=حتى على غيـره مـن العالـم تميّـز مستـواه
وافي ولاله موقف الا الموقـف الجـزل السميـن=والناس لن شافت مواقيفـه ولـن شافـت وفـاه
ماهـم لهـا مستغربيـن ولا لطيبـه منكـريـن=لا صار من قـومً لهـم تاريـخ ترويـه الـرواه
ربعه عتيبه للعـوارف دار عـرف ومنصحيـن=يعطون حق ويصرفونه صرف من بنـك الغنـاه
وان عـودت للجهـل قـومً يلطمـون المعتديـن=من طـاح بيديهـم مخيّـر فالخسـاره والوفـاه
لا ينقـل همـوم الليالـي دام ربعـه مرتكـيـن=للكايـدة قـدام حـتـى لا يوصيـهـم وصــاه
هذي حقيقـة والله الوالـي علـى الدنيـا يعيـن=المستعان الواحد اللـي مـا يخيـب مـن رجـاه
ثم قصيده لـعضو المنتدى الشاعر نايف المحينيش
جتني بيوت الشعرتمشي وتختال = يسوقها الهاجس كتيبه كتيبه
تبغى لها في قمة الطيب منزال = روس القمم ماهي عليها صعيبه
لعيون من غنى له المجد موال = والشعر يرقص بالفرح محتفي به
علي ليا دارت سواليف الأبطال = الاوله ماهي عليه بغريبه
ما راح له فالملعبه دق وأجلال = ولا ضاع له بين الذهايب ذهيبه
شاعر جزل وإن جاك ماجاك بهزال = يا جعل عينك يالردي ما تصيبه
حنا معك ندعمك بالحال والمال = خل الحسود يموت ما أحدن دريبه
حنا لها دام المواقف لها رجال = إما تجي بالطيب وألا غصيبه
ميقافنا واحد على كل الأحوال = وعادانتا مانرتضي بالغليبه
لا عودت للمجد فالمجد لازال = والحمدلله مجدنا ما غدي به
بسيفنا عمهوج يا طيب الفال= اللي مضاريبه فالأعداء عطيبه
سيف الفخر والعز تضرب به أمثال = من سطوته بالترك دوم تحكي به
لا والذي نزل تبارك والأنفال = يا شاعر المعنى نجيبه نجيبه
حتى لو إن السيف ما غير تمثال = لكن يكفينا اللقب يا عتيبه
ثم قصيدة لـعضو المنتدى الشاعر غالب ابو كتيفه العصيمي
مع ميبسات الريق لي سابق علاقه واتفـاق=علاقـةٍ مـا يجهلـون الطيبيـن أسبابـهـا
ولا عاد لي عن ربعي الغالين صدّه وانـدراق=لا والله الا جيت والحفلـه تفـوح أطيابهـا
ياالله تجنّبنا الرياء والعلم الاقشـر والنفـاق=والكلمه اللـي مـا تجمّلنـا ليـا جينابهـا
وإنّك ليامنّ المكان بحضرة أهل العرف ضاق=تهدي لساني للكـلام اللـي يثيـر إعجابهـا
والنيه اللي ثوبها أبيض ما يخالطهـا زراق=الله يوفقهـا ويـرزق بالنجـاح أصحابهـا
حب الوطن بقلوبنا وارقابنـا دونـه تسـاق=والعيشه اللي ما وراها عـزّ مـا عشنابهـا
اليا دعى داعي الوطن جيناه وخطانا سبـاق=نرد المنايا عمد يـوم إن الرخـوم تهابهـا
ونرد بالصوت الجهوري ياهل الصوت الدقاق=ونطفي الفتنـه ليـا منّـه قـدح مشهابهـا
واللي نسينا في سنة تسعين مع جيش العراق=والطايرات اللي تزلـزل بالجبـال اسرابهـا
خله يذوق من الغبن ويشوف ماشافـه وذاق=هو ليه ما يحسب لعاقبـة الامـور حسابهـا
نشت مخايلنا وصبت وبلهـا وبـل ٍ حقـاق=واللي تحتها ما يعيـن خيـر مـن صبّابهـا
قمنا مقام ٍ يرفع الهامـه وضيّقنـا الخنـاق=لين الحيايا الرقـط ردّت روسهـا لاذنابهـا
عهدٍ علينا ما نبوق ولـو ردي الحـظ بـاق=عهد الرجال اللي تمـوت وعهدهـا برقابهـا
دون أمّنا اللي مالها من ذمة الشايب طـلاق=ابشر لك بحربه تسـد العيـن يـا خطابهـا
لعيونها في كل يوم نقـدم أشلانـا صـداق=من الجماجم مهرها ومن القلـوب خضابهـا
الله يا ماحلى درهـا ولغيرنـا مـرّ المـذاق=وابعد من المريخ عن بعض اللحى واشنابهـا
هذي وطنا مالنا عنهـا ليـا اشتـدّ الوثـاق=نعطي الرصاص نحورنا ونموت دون ترابهـا
ديرة هل العوجا عريبين المناسب والعمـاق=عيال من ساق النجايب ليـن طـق أبوابهـا
عيال من لم الشمل وانهى التناحر والفـراق=وانهى العصبيّه بكـل اشباحهـا واحزابهـا
ثم قصيدة للشاعر غلاب العالي
قاع البحر ماياصلـه كـل غطـاس=وموج البحر مـن دون دره ولولـه
ومن منجم الابداع حضرت الالماس=وأهديتـه اللـي ماتخجـل فعولـه
أنا قصيـدي فالمواقيـف حسـاس=موكب شعر كـلٍ يراقـب وصولـه
والشعر: ماهو للرياجيـل مقيـاس=(كم شاعـرٍ مافيـه ذرة رجولـه)
ودك عريب الجد والخال والسـاس=ماياقـف ألا فـي مواقـف بطولـه
شروى العضياني علي شامخ الراس=اللـي عمالقـة القصيـد شهدولـه
تو الهدد لك زان ياطيـر قرنـاس=وانتـه تمثـل فالمواقـف حمولـه
قبيلةٍ مـن دونهـا كتـم الانفـاس=يشهد لها التاريخ عرضـه وطولـه
ماكن ربي خالقـن قـب الافـراس=الا لفرسـان الزمـان وزحـولـه
اعتيبه الهيلا هل السيف والطـاس=اللي لهم فالوقـت صولـه وجولـه
قومٍ تدوس الـراي قـدام ينـداس=لامـن كـلٍ قـام يشعـب ذلـولـه
من طيبهم ماكن من حولهـم نـاس=واختارهـم ربـي خـوال لرسولـه
من غير قاصر فالقبايـل ولابـاس=قولي جميع اهـل الحقايـق تقولـه
مانستمع في هرج خايـب وبـلاس=راع الحسد واللي معه صفقـو لـه
عطوان في لندن وعطوان في واس=هرجه مايلقـى فالمجالـس قبولـه
التجربه فشلـت ياعبـاس فرنـاس=كم شايـبٍ عقلـه بسـن الطفولـه
ياللي تجيب علوم من كل قرطـاس=وتزم لك نفـسِ جهولـه زعولـه
يلعبك الغربي ليـا هـب نسنـاس=وتطمع بشـي منـت قـده وحولـه
ان كان في راسك نغاميش و عطاس=فقّـد ونقّـد فـي كـلامٍ تقـولـه
لاصار منته من بعيديـن الارمـاس=ويمناك عن فعل الجميـل معقولـه
لا حي يرجونك ولاعندك احسـاس=وكلمة نعـم ماتستـوي بالسهولـه
ثم قصيدة العقيد والراوي المعروف الإستاذ سعد بن عبدالعزيز الذيابي
بداية بأسم الكريم اللي يحل الكرب = ويدي لراعي الكرم والجود مديتها
وأدعوه جعله يوفقني لما يستحب= وأكسب رضى الرب لو الخلق ما أرضيتها
يا سامعين الكلام الشعرعين وهدب= لعلي أكحل عيون الشعر ما أعميتها
راوي مؤرخ وماهر في فنون الأدب= وكم ناس قبلي فالشعر تحديتها
سلام تسليم مكتوب بمداد الذهب = يا عزوة (ن) ينشرح صدري ليا جيتها
يا عزوة (ن) تفتخر في دينها والحسب = قبيلة(ن) بأفضل أسمى المجد سميتها
عضيان أهل سرد خيل وعز سيف (ن) حدب = وأهل الكرم والمكارم يوم عديتها
هم قمة المجد والتاريخ عنهم كتب = ولهم مزايا كثيره جد ما أحصيتها
ياعلي أنا معك في لازمك وقت الطلب = وأباك تسمع بيوت(ن) فيك سويتها
سلام يا سيف روق أهل الكرم والأدب= لك نخوة عتيبه اللي ذايع(ن) صيتها
شاعر وقاضي ومتعلم سلوم العرب= وأعداء عتيبه تبا تذبح عفاريتها
والسيف رمز الشجاعه يا عريب النسب = أفعال عمهوج تكفي كم ليا أطريتها
الترك من فعل أهل عمهوج ذاق العطب= وأهل الجزيره تعرفه يوم سميتها
يستاهل المدح رجل(ن) للمكاسب كسب = والمرجله والقضاه أصلك عمر بيتها
لك بارق الشعر أخذته طيب وألا غصب = تستاهله قمة الأمجاد رجيتها
وتستاهل العود الأزرق والوفاء والشبب = لأنك ليا قمت في مهمات سديتها
أقول تستاهل التشجيع حق(ن) وجب = ياللي ليا شطت بحكمتك هديتها
وختامها صلوا على اللي فالمشاعر خطب = وضحت أنا الدين وأنا السنه أديتها
ثم قصيدة للشاعر جميل حوال الثعلي
سلام يا ربع(ن) على الطيب ناشين = وقفاتهم تبهر عيون الحسودي
ربعي عتيبه ملحقين المخلين = لجاء نهار(ن) فيه نقص (ن) وزودي
ذباحة الحايل ولطامة العين= عين المعادي لن تعدى الحدودي
برقا وروق مرجحين الموازين = ربع(ن) على الطالات ترقى سنودي
تاريخهم من ماضي الوقت للحين = يشهد لهم ماهم بحاجة شهودي
إلي الشرف ربعي كعام المعادين = أفخر بمدح معربين الجدودي
والنعم في باقي الرجال الشجيعين= الطيب في وجيه الرجال معقودي
في دعم من يستاهل الدعم جايين = طبع الكريم من الكرامه يجودي
وأبو فلاح اللي له الناس عانين= رجل(ن) على الطاله يحث الجهودي
مجهد وراء حوش المراجل من سنين = دون المراجل ما هناه الرقودي
شارك ونافس في جميع الميادين= ورد على هداج بين العدودي
شاعر ويقطف من ورود وبساتين= ينحت صخر ويجيب زين الردودي
بمسابقات الشعر جاله براهين=ما جابها بالواسطه والنقودي
باسمه وبأسمي مرحبا بالميامين = في حفل ابن عمي وابا أثبت وجودي
يا مرحبا وأهلا ميات وملايين = بشيوخنا اللي فالمواقف فهودي
ميقافهم باقي على الرأس والعين = الله يديم شيوخنا فالوجودي
ويا مرحبا فاللي على القلب غالين= ضيوفنا اللي شرفونا وفودي
أهلا هلا وعداد خط الدواوين= ومالاح براق(ن) ودنة رعودي
حياكم الله عند ربع(ن) مهلين = على شحم حايل وشط القعودي
ثم قصيده للشاعر ناصر القاضي
من هجوس الشاعر اللي يكتب الشعر ويجيده = يا سلام الله على الحضار تسليم الموده
سنة الإسلام وأبدأ الشعر وإثبات القصيده = بالثناء والشكر للي مدنا من فوق مده
خالق السبع الشداد وفوقها تمشي عبيده= والدروب لجنة الفردوس بيضاء مجرهده
ثم قيض للبلاد المومنه دوله رشيد= تحت حكم اللي عسى الخلاق من نصره يمده
خادم البيتين أبو متعب مليك الشعب سيده = ....... نرفعه ونعاهده ونضد ضده
والولاء موصول للشهم الكريم أخه عضيده =والي العهد الأمين بلين وألا وقت شده
ما تزعزعنا الوشاوش والدعايات المكيده = مع ولاة الأمر ناقف للطغاه المستبده
علموا من هالمكان العالم السذج البليده = من نوى يعكر صفو بلادنا ملعون جده
واكتبوا له فالمجله واكتبوا له فالجريده = صاحب الارهاب لو إنه حدينا ما نعده
ضمن تعداد البلاد اللي على شرع وعقيده = لو شهادة مولده في نجد وألا أطراف جده
بيننا ماله مكان يرافق الجن المريده = منكر المعروف والأحسان ناطى فوق خده
مثل هذا ان مانقص شعب السعودي مايزيده= موته أفضل من حياته والمقابر مستعده
وبعد هذا مرحبا وأيامنا حلوه سعيده= وأسعد الأيام يوم نلقى فيه من نوده
مرحبا بإسم الشيوخ اللي مواقفهم سديده =.... عمهوج سيف(ن) يرهب العدوان حده
يا سمي اللي لحق هالك القعود وفك قيده = يوم طار الستر عن راس الهنوف اللي تكده
جابها ذيب السرد وبعيرها طلق حديده = يوم بعض الناس ماله فالجمل والبنت نده
من وراء رخم الجموع اللي مواقفها عنيده = رجع العطفه وباقي(ن) فعله يعده
جيت أزف لك التهاني والبشاير يا حفيده= يوم شيد للمعالي صرح قدك وأنت قده
سير وحنا معك والأيام والدنيا مديده = ربعك العضيان توقف كل طاغي عند حده
ربعك العضيان أهل مبدأ ووقفاة(ن) مجيده= ومدهم يغني الفقير وجمعهم ما أحد(ن) يضده
يوم كل (ن) في كتاب المجد مكتوب (ن) رصيده= قسمنا رأس السنام ليا تعلينا الأشده
الولد منا يسد الدرب والمضرب يجيده= يجذبه عرق الوفاء من رأس أبوه ورأس جده
الشكاله والشهامه دم يجري في وريده = قدرة(ن) من عند مالايعلم المخلوق سده
في زمان (ن) فات يومنا بديده مع بديده = كم هنوف (ن) من مضارب هندنا راحت محده
وقت زل وفات جعل ربي مايعيده = والسلام ختام واللي فات ربي لاترده
ثم قصيده مع شاعر الهيلا / زبن القاضي - عضو منتديات الهيلا
هجوسي فالزوم الازمـه ماتخلـف الميعـاد=ولاقط اخلفـت ميعادهـا فـي ذمتـي ذمـه
اوردها على هداج تيمـاء ساعـة الميـراد=ولاتصدر من العد القـراح الا علـى القمـه
على قمة بطولات ومهابات وفخـر وامجـاد=وتاريخ الرجال اهل الكـرم والعـزم والهمـه
عتيبه والفعـول شهـود للاجـداد والاحفـاد=وكلٍ وارث الامجاد من خالـه ومـن عمـه
زحول الارض ستر العرض يبقى مجدهم ماباد=هـل الامجـاد بالامجـاد والتاريـخ مهتمـه
كأن الله خلـق هـذا القبيلـه لديـار اوتـاد=رواسي ويتذرى فـي ذراهـا معظـم الأمـه
سلام الله على ربعي عتيبه والبيـوت جـداد=سلام ٍ من عتيبين يفوح الطيـب مـن دمـه
سلام الله على اللي ذودهم فازت على الاذواد=بجايزة المؤسس يـوم كـل النـاس ملتمـه
يذكرني عددهم رقـم متميـز مـن الاعـداد=عدد من شاركو عبدالعزيـز العـود بمهمـه
ثم قصيده للشاعر علي الحلافي
فالك التوفيق يا ابو فلاح وللأمام =- من اخوك اللي يعدك من أقرب الاقربين
صح كل (ن) له قبيله وكل (ن) له حزام = لكل الطيب له القدر عند الطيبين
ياعلي يالشاعر اللي كسبت الإحترام = أنت تستاهل وربعك رجال(ن) غانمين
جيت أشاركم في حفل (ن) يثير الإهتمام = موقف(ن) غالي وحفل (ن) يسر الناظرين
ياسلام الله سلام(ن) ينصى للكرام = يا عتيبه يا هل المجد من ماضي السنين
كاسبين المدح لصتكت صفوف الزحام = كابر(ن) عن كابر(ن) مدحهم متوارثين
اسمهم في صفحة المجد عام(ن) بعد عام(ن) = بالمكارم والشيم دايما متزعمين
نعطي أصحاب الوفاء حقهم وافي تمام = أهل الوقفات والفعل والشور السمين
وعد مالاحت بروق المخايل فالغمام = التحيه للقبايل وكل الحاضرين
ولحضور الحفل أثني التحيه والسلام = شعراء وشيوخ(ن) له قدر ومشاركين
حفل تكريم العضياني لكفو ء الهمام = المشاعر واحده والجميع مشجعين
هذا ماعندي من علوم في هذا المقام= وادري إن للشعر ناسه وله متذوقين
ترجمة الافكار فالشعر وإيجاز الكلام = يخدم الشعار ويرضي شموخ المستمعين
وخير ما توج به القاف في مسك الختام = ياصلاة الله على المصطفى الهادي الأمين
ثم قصيد للشاعر عيسى صقر السواجي
يا مرحبا باسم الشيوخ اللي لهم قدر ومكان = كيف (ن) سوات الشاذليه للجميع نسوقها
بحضوركم زاد الشرف والحفل فيه النور بان = فيه القصائد والقوافي ما تغيب بروقها
بحضور ابو فواز شيخ (ن) فالقبيله له كيان = يالله عسى صنيتان شمسه ما تغيب شروقها
في حفل علي معرب الجدين وأضمنها ضمان= لو يلتطم موج البحور الهوج غاص عموقها
الشاعر اللي إبتدأ الموقف وحان الوعد حان = وقامت صفوف الملعبه تلعب على طاروقها
يفتل وينقض فالمعاني والفصاحه فاللسان = ماينثني دون الهقاوي دون اللزوم يفوقها
وحنا معه بالمال والوقفه على طول الزمان = ولاعاش من هو ما يوفي لللرجال حقوقها
يالله عليك الاعتماد ويالله ابك الاعتصام = إبك اعتمدنا واتكلنا وانت ما غيرك وكيل
والهاجس اللي له ثلاث شهور طول فالمنام = لا لا تباطونه ليا من جت لزومه ما يميل
الموقف الغصاب يجبرني على شد الحزام = الزم حزامي واكربه واكتب على الطرق الجميل
وأقدم ليا جات المواقف قدم فالصف الأمام = واثبت وانا ليا مني ثبت أثبت وأنا وزني ثقيل
من رأس فيصل وارث(ن) شعرا على صدري وسام = وفيصل ليا عدوا فحول الشعر له باع(ن) طويل
ميقافنا نوره صطى والنور جلاي الظلام = في محفل رجال القبيله بإسم شاعرنا النبيل
يا ربعي عتيبه تحية خير يقفاها سلام = يا مسطرين المجد جيل وصانعين المجد جيل
أمجادنا تشهد لنا في كل وقت وكل عام = والمستحيل بسلمنا يهون ما هو مستحيل
وشيوخنا الرأي واحد ما يجي فيه إنقسام = برأيهم كم من كبود تغل ويبرد غليل
فيما مضى نكسر جموع القوم ونضد الخصام = وقت المعارك لأقترب خشم الزناد من الفتيل
رمح(ن) يوقع فالنحر سيف(ن) نقص ابه العظام = يوم اصتفاق القوم والفزعات فالوقت المهيل
وباقي القبايل ما نذم أفعالها وقت الزحام = كل (ن) خذا قسمه من الأمجاد والعلم الجزيل
ماننقص حقوق الرجال بكل قدر وإحترام = ولا ينقص حقوق الرجال ألا الذليل ابن الذليل
واليوم في حكم السعود إخوان والعدل استقام = قاداتنا اللي كلنا تحت أمرهم ما نستقيل
وحنا ولانا بالفعل موثوق ماهو بالكلام = مانستمع في كلمة مابين قال وبين قيل
عهدنا علينا محتمينه من على عصر الأمام = راضين بالحكم السعودي ما نبا غيره بديل
ويا خادم البيتين جعلك في حياتك ماتضام = سلامتك تبهج قلوب الشعب بهجه ما تزيل
يالحاكم اللي ما مشيت بدرب ظلم ولا حرام= تبقى حمى للملكه بالشرع والسيف الصقيل
يا قاضب (ن) كل الدعوي والقضايا بالزمام = للدار والا للعروبه زاد فضلك يا الفضيل
يا من بمدك عاشت الأيتام من سن الفطام = الله يديمك للوطن ويمدك بعمر (ن) طويل
لو المرض يعرف مزاياك الحميده بالتمام =ماجاك لكن الله اللي وامره جعله يزيل
الشعب كله في انتظارك حب وأشواق وهيام = والمملكه تبكي غيابك كل شبر وكل ميل
ويدوم عزك يا وطن وتدوم بأفراح وسلام = والله يردك بالسلامه يالاصيل ابن الاصيل
ثم قصيده مع عضو المنتدى الشاعر محمد رشيد الزراقي شيله وقصيده
جينا نسوق الك التهاني يا علي =وجوك النشاما من قريب ومن بعيد
شاعر وصدرك بالجزاله ممتلئ =وعندك مع أهل المعرفه عرف ورصيد
ماهو جديد من الزمان الأولي = هذا الصحيح ومن بغى العلم الاكيد
بالطيب حظك يا ابن ثعي معتلي = وفالشعر ما يحتاج شاهد لك رشيد
سلام لأهل المجد وأهل التواريخ=واهل الفعول اللي مايحصى عددها !
واهل المهار اللي تبوج التخاتيخ=واهل السيوف اللي تحنيّ غمدها !
يوم السنين الاوله والمناويخ=تاريخهم وفعولهم من جحدها !
سجّل لهم في نجد بالسيف تاريخ=وفزعاتهم برقا وروق اتحمدها !
قدام وقت العولمه والصواريخ=وقبل السنين الماضيات وبعدها !
قبيلة ترقا الجبال الشواميخ=اللي قليل المعرفه ماصعدها !
لضيوفهم دايم يديهم مباذيخ=وعلى العدى وقفاتها امر وادها !
(عاضي ) مرسّخ فيهم الطيب ترسيخ=ابيوت عز ٍ ماتغيّر عمدها !
عوايد ابناها من الورع للشيخ=ومن راس شايبها يورّث ولدها !
والضيط تاريخه ماهو بأي تاريخ=مقدام ربعه فاللزوم و سندها !
امشيّخه عمهوج بالفعل تشييخ=يوم المغازي والسنين ونكدها !
ماهي بشيخة من جيوبه منافيخ=بأمواله اللي في حسابه رصدها !
اللي عن اللازم ركابه مناويخ=ويوعد ولايوفي الرجال ابوعدها !
لو يكشخ اببشته مع الناس تكشيخ=من لا يحل اعقودها ماعقدها !
يكرم عنه من ورّخ العز توريخ=شهادة ٍ عمهوج قبلي شهدها !!
جيت ومعي ياهل الوفاءوالتواريخ=امشاركه في حفلكم واعتمدها !
شاعر ولد شاعر وشيخ وولد شيخ=وقصيدتي مافيه شاعر نقدها !
وان قلتها بين الرجال المطانيخ=يطرب لها الجمهور ويقول عدها !
ثم قصيده لـعضو المنتدى الشاعر سلطان بن حامد العصيمي
أنا لا دعاني صاحب ٍ له مكان وشان=لو إنّه من أقصى النّاس أجبته وقدّرته
أجل كيف والدعوه بـ/ إسم شاعر العضيان=رفيق ٍ على كل الرفاقه تخيّرته
علي ّ الحرام إنّي لـ/ أزوره وأنا سلطان=ولو ّ آجد العذر القوي ّ ما تعذرته
أسج ّ القدم لـ/ أجله وأعدّي على ما بان=بعد ما وصلت وكايد البعد سخّرته
وأقول الكلام وسامعي يستمع لا هان=وأنا ما أنطق ألا كل ّ علم ٍ له ثمرته
سلامي على أهل الحفل يا بدر يا صنيتان=سلامي سلام ٍ لـ/ أجلكم ما تكاثرته
يعد ّ الولد ويشيب ما أحصاه مهما كان=وحتّى القلم ينشف لو البحر محبرته
وسلامي على عمهوج سيّد بني شامان=لـ/ حيث إن يمنى الضيط بـ/ البطش وامرته
ليا سلّه المنعور وأصهيل صهيل حصان=شيوخ الأكابر تندرج تحت سيطرته
وعمهوج دوره راح في ماضي الأزمان=وحل ّ الأمان بـ/ منزله وأضفت شجرته
وعمهوج هذا العصر يا حضرة العتبان=ابن ثعلي اللّي كل الأبطال خابرته
ليا اصطكّوا الشعار في ساحة الميدان=وكل ٍّ بـ/ زعمه لـ/ العلا قص ّ تذكرته
يجي فـ/ العلوم علوم يا شوكة الميزان=ولا كل ّ شاعر تعبر البحر باخرته
يجي لـ/ المعاني ضرب شلفا وحد ّ سنان=وكل ٍ حسب سابق خياله ومقدرته
أحد كاسب ٍ خبره وأحد مبتدئ لـ/ الآن=وأحد طول عمره يدّرج وسط دايرته
وعمهوجنا من طيب راسه فصيح لسان=ليا قال بيت النّاس عقبه تذاكرته
يسولف به القاصي من النّاس قبل الدّان=وراع النقد يبلش كيف ينقد محاورته
وبعد شاعر المعنى فتح لـ/ الأدب بيبان=لا بدّه يسجّل في سجلّه وذاكرته
ترى السيف جاله سيف والقول له برهان=ولا عاد يبغى منكم ألا مؤازرته
تراه الكتاب اللّي يشدّك من العنوان=ومن بين طيّاته معانيه شاهرته
ثم قصيده للشاعر سعيد الغامدي
صناديق الضماير كل صندوق = مفاتيحه على الطيب تحداني
أجيب المنادين واكمل حقوق= في تكريم الزميل اللي داعاني
ابن ثعلي من العضيان من روق = من عتيبه عريبين المجاني
تهامل قوة (ن) ورعود وبروق = على ديرة عشيره والمحاني
ونبت من سيلها خزامى ورقروق = وبختري(ن) وشيح وقحوياني
ودار الوقت والمطرود ملحوق = وابو فلاح دكتور المعاني
اخذها بطيب عرف وحسن منطوق = ماهي من شعوذة ساحر عماني
لاجاء في شهود غيره قدح وطقوق = شهوده من طويلين اليماني
شهادة حق ماهي هرج مطفوق= يمد الحبل ويجر السواني
بداها الهاجري والعلم موثوق = وثبتها السناني والزلامي
على برنامج(ن) ماهو بمسبوق = وراه الساحه وفكر قحطاني
بعد ما كان وضع السوق ممحوق = وسوى فلان ما سوى فلاني
هوامير (ن) كبار(ن) تحكم السوق = ومعهم ما احد(ن) يلقى مكاني
والا يا فارس المعنى لك حقوق = وهذا اللي على شانك دعاني
حضرت أشاركك فالحفل واتوق = لتكريمك بعد مالله عطاني
باسم غامد رجال(ن) مجدهم فوق =وزان الجدي وسهيل اليماني
أغني نظم والا أجيب طاروق = وأنا ما عودت عشري ثماني
اقدمها مع اهل العرف والذوق = واختمها وصح الله لساني
ثم قصيده للشاعر عادل العصيمي
ما جيت غير اقول كلمـة ياعلـي=أسم العتيبـي فالمواقـف يعتلـي
وأنته تمثل لابتـك وأنتـه كفـو=في مجتمع ما هو من الطنخة خلي
فيه الرجال اللـي لهـا وقفاتهـا=وقلوبها للسيـف تطبـخ وتغلـي
أكرب حزامك يالعتيبـي وأستعـد=الروس من فوح الحميا تصطلـي
لن كانها بالشعـر فأنتـه قدهـا=شاعر وصدرك بالمعاني ممتلـي
وان كانها بالدعم حنا هـا هنـا=ولا اجتمعنا غير لجلـك ياعلـي
اقولها باسمي وبأسم اللي حضـر=يوم اجتمعنا نب نقرر مـا يلـي
حنا نسـدك فالسـواري والدعـم=وأنته علاك تشيل مصقول الحلي
ثم قصيده للشاعر مستور الذويبي
البارحـه كـان ليـل العاطـفـه مخمـلـي=يقول لي : قول ! وآنا أقول له: ويش اقول ؟
لاصارقلبـي بأحاسيـس الـغـلا ممتـلـي=ومشاعر الحب في صدري تصـول وتجـول
لازم قصيدي يجينـي منهمـر مـن علـي=علـى لسانـي وتحيابـه جميـع الفصـول
أمـد لـه كـفـي المشـتـاق ويمـدلـي=ماينبـت إحسـاس ..ويحررقيـود العقـول
ماكنّـه ألاّ وحـي فـوق الـورق منـزلـي=وماكنّـي ألاّ لجـزلات القصايـد رســول
في ليلـةٍ لاجلهـا بالطيـب سقـت جملـي=وآنا وشعري على صدق المواعـد عجـول
(بينـي وبينـه مـلازيـم الرشاوالـدلـي)=أدق بابـه ويلقـانـي بطـيـب القـبـول
أي والله أجـيـك مهماصـارلـي ياعـلـي=وعن جيّتي حفل دعمك ماش شـيٍ يحـول
وأشوف هذا الحضور أبسط حقوقـك علـي=مادمت ابن عم وافي ..ياعريـب الاصـول
ياسيدالشعـر ..والاخــلاق ..والأولــي=في كل مافق على العيـا تقـول ..وتطـول
هـذا الشعرفـي حضـورك غمّتـه تنجلـي=بالفتل ..والنقض بيدينـك جميـع الحلـول
حضرت في شاعر المعنـى بفضـل الولـي=وغلك القبيله مـن الفرحـه تـدق الطبـول
حتى الشعرفـي حضـورك قال:مستقبلـي..=شوفـوه عنـد العضيّانـي كبيـر الفعـول
مـن عـزوةٍ مالهـا بيـن القبايـل حلـي=لاقالـوا :عتيبـه الهيـلا ..ذكرهـا يهـول
أهـل المواقيـف يالتفصيـل ..والمجملـي=رجالهـم لاوقـف مافيـه قـدره ..وحـول
فزعاتهـم غيـث لاشحّـت كفـوف الخلـي=لوتنتخي في عتيبـه جـوك مثـل السيـول
غيـرأول المجـد مهمـاصـار ماتقبـلـي=يالله عـسـى نجمـهـم نماينحدرلـلأفـول
وأنا أدري إن الصدورمـن الحمـاس تغلـي=وكلٍ على شاعر المعنى شعـب لـه ذلـول
لكـن بأقـول كلمـه ..وأسمعـوا مايـلـي=علـمٍ يجيـب الجبـال الشامخـه للسهـول
الشعـر فينـا ..ومنّـا عـلّـم الجهـلـي=اللي لفوا للشعر من بـاب حـب الفضـول
ياليتهـم يتركـون الشعـر لـك ياعـلـي=لأنّك أنت الوحيـد اللـي تقـول ..وتطـول
خلال فقرات الحفل انهالت مبالغ الدعم متتالية من معظم عتيبة شيوخ واعيان ورجال اعمال وشعراء وكذلك من خارج قبيلة عتيبة من زملاء وأصدقاء
لتحسد صورة من أجمل صور التلاحم والوفاء
وبعد القصائد المنبرية قام الشيخ صنيتان الضيط بتسليم الهدايا المقدمه من بعض الشخصيات للشاعر
منها
درع مقدم من منتديات قبيلة عتيبة الهيلا ( باسم أعضاء المنتدى كافه وادارته ) قدمه بالنيابه رئيس المنتدى هايف العتيبي
درع منتديات الهيلا يتسلمه الشاعر من الشيخ صنيتان الضيط و هايف العتيبي
سيف مقدم من الاستاذ تركي العتيبي
درع مقدم من الشاعر عبد العزيز الذيابي
سيف مقدم من الشاعر ممدوح سالم العطياني
ثم رحب بالضيوف على وليمة العشاء
وبعدها كانت المحاورة مع نخبة من الشعراء منهم على سبيل الذكر لا الحصر
زبن القاضي - ابن طمحي - عواض الشهيب- نايف العزيزي – راضي بن عتقان السلمي – كامل الحليلي -عبدالله الذيابي - فالح الغنامي - عيضه الثبيتي – عثمان الثبيتي
تركي العصيمي - عبدالمجيد الحجوري الجهني - متعب الزراقي - ممدوح العطياني – سعد الروقي – صقر السواجي – فهد السواجي – مرهب البقمي – علي الحلافي - فهد الغنامي – عبدالعزيز الذيابي – شاكر السفياني – عبدالعزيز الطويرقي- سلطان المنصوري
تنبيه: قد اعتذر كثير من كبار الشعراء
وذلك لتواجدهم في حفل زواج ابن الشاعر الكبير ابو مشعاب السلمي
سيتم عرض هذا الإحتفال على قناة الساحه في الأيام المقبله
صور لشعراء المحاورة والصفوف
الأستاذ مشعل الجعيد عضو منتد يات الهيلا
الشاعر المعروف مستور الذويبي
الشاعر الشاب ممدوح العطياني والشاعر المعروف فالح الغنامي وغيرهم
الشاعر عبدالله الذيابي والشاعر نايف العزيزي وغيرهم
الشاعر مرهب البقمي والشاعر عواض الشهيب وغيرهم
الشاعر متعب الزراقي والشاعر كامل الحليلي وغيرهم
شاعر الهيلا زبن القاضي
صور من الحفل والشخصيات
رجل الأعمال محمد بن زبن و اداري الهيلا مشاري بن زبن
رجل الأعمال محمد بن زبن و رئيس منتدى الهيلا
رجل الأعمال : الشيخ زبن بن ميشع
الشاعر الشاب والقادم بقوه متعب الزراقي يبتسم للكاميرا
الشاعر فالح الغنامي والاستاذ مشعل الجعيد يبتسمون للكاميرا
« آخـــر الـــمـــشـــاركــــات »
11-Feb-2011, 03:26 AM
تغطية حفل الشاعر:علي فلاح العضياني
العرض العادي
