الفارسه سعديه العصيميه, تهزم عدد من الفرسان

[فهدالنفيعي]

مشكور اخوي شرس

[عتيبي نجد]

المشاركة الأصلية كتبت بواسطة عكاش

يالشرس ماعرفنالك يوم من برقا ويوم من روق
من كثر اساميك فالمنتدى معاد نقدر نعرفلك اسم


لسعدية العصيمة قصة صحيحة ذكرها ابن بليهد
لكن هالابيات الي انت جبتها فيه رواه يقولونها وفيه رواه يقولون ابن عامر ماهوب سعدية

والرواية الصحيحة والاشهر والي تدخل العقل هي انه ابن عامر والي اوردها العريفي في كتابه حداء الخيل

والابيات الصحيحة هي الي قالها الصل

شيخ الجحادر في جناب عصيل == من رمح ابن عامر قزى
يوم الهلالي كب تالي الخيل == وفي قاعة الهضبه وزى

هذي الصحيح يالي مرة برقاوي ومرة روقي


والدليل لو ان الابيات في سعدية كان جاء لها صيت وسمعة مثل الفارسة مسفرة المطيرية وقالوها الشعار في المحاورات

اخواني الاعزاء القصه معروفه وهي للفارسه سعديه العصميه ولقد ذكرت في اكثر من مصدر وهي قصه متعارف عليها عند رواة عتيبه وبعدين القصه هاذي ليس فيها شي من العيب اخوي عكاش علشان اتضايق واخونا الشرس لم يأتي بالقصه من فراغ بل ذكر لك المصدر لمذا هذا الاعتراض وبعدين الشرس عتيبي سوائن كان روقي والا برقاوي ليس لبرقا وروق دخل في قصة سعديه العصيميه هذا ما احبيت اضاحه اخي العزيز وتقبل تحياتي

[عليان]

يا اخوان سالفة سعدية معروفة
يوم اخذت فرس القحطاني
يوم جاء الغزو وسعدية عند الحلال ويوم اقبل القحطاني مطمش وسعدية تناوله بالعمود ( مهوب رمح)
ويوم هازته بالعمود وهو يخبط من ظهر الفرس لينه في الرقة
وعلى طول تناول الهضبه ووزى فيها
لونه ما تناول الهضبة كان صارت اعلوووووم هههههههه

****

وبعد مده كان هذال رايحٍ يخطب ويرافقة ثلاثة من الشيابين (كلهم على ركايب)

وفي طريقهم خطروا على العصمة وتغدوا عندهم
قامت سعدية تعاين في ركايب هذال
وقالت يا هذال انتم على جيش والطريق اللي تبونه خطر وانا ذالة يجيكم قوم مار اخذ الفرس افتك ابها ربعك
طبعاً هذال يعرف السالفة من قبل
ويوم ركب الفرس
واخذ بها شوط لينها اصيلة
وتهيض يقول

شيخ الجحادر في مفيض اعصيل = قدام سعدية نزى
تعلمت فيهم قلع الخيل = والشيخ فـ الهضبة وزى

هذا ما أخذناه من شيباننا ولعلكم تلاحظون ان الحداه عند الشيبان فيها اختلاف بسيط عن ما هو موثق

وتقول يالشرس (نريد أمثله للشجاعه النسويه ,,)
وانا اقول الامثله واجد
بس ما ودنا نجرح احد إلا إذا استحق الامر الجرح
يعني مثلا سالفة (عسرة الخراصية) اللي قتلت اثنين من ابنا القبائل الخنذفية المجاورة لعتيبة من الجهه الشمالية
0
00
000

[ابن هوازن]

المشاركة الأصلية كتبت بواسطة عليان

يا اخوان سالفة سعدية معروفة
يوم اخذت فرس القحطاني
يوم جاء الغزو وسعدية عند الحلال ويوم اقبل القحطاني مطمش وسعدية تناوله بالعمود ( مهوب رمح)
ويوم هازته بالعمود وهو يخبط من ظهر الفرس لينه في الرقة
وعلى طول تناول الهضبه ووزى فيها
لونه ما تناول الهضبة كان صارت اعلوووووم هههههههه

****

وبعد مده كان هذال رايحٍ يخطب ويرافقة ثلاثة من الشيابين (كلهم على ركايب)

وفي طريقهم خطروا على العصمة وتغدوا عندهم
قامت سعدية تعاين في ركايب هذال
وقالت يا هذال انتم على جيش والطريق اللي تبونه خطر وانا ذالة يجيكم قوم مار اخذ الفرس افتك ابها ربعك
طبعاً هذال يعرف السالفة من قبل
ويوم ركب الفرس
واخذ بها شوط لينها اصيلة
وتهيض يقول

شيخ الجحادر في مفيض اعصيل = قدام سعدية نزى
تعلمت فيهم قلع الخيل = والشيخ فـ الهضبة وزى

هذا ما أخذناه من شيباننا ولعلكم تلاحظون ان الحداه عند الشيبان فيها اختلاف بسيط عن ما هو موثق

وتقول يالشرس (نريد أمثله للشجاعه النسويه ,,)
وانا اقول الامثله واجد
بس ما ودنا نجرح احد إلا إذا استحق الامر الجرح
يعني مثلا سالفة (عسرة الخراصية) اللي قتلت اثنين من ابنا القبائل الخنذفية المجاورة لعتيبة من الجهه الشمالية
0
00
000

هذي هي السالفه الثابته والصحيحه يا عليان


وعز الله أنك جبتها ......وقصرت عنوتنا


وهذال قال هالأبيات في سعديه ولم يقلها في غيرها أبداً


وهذا ما سمعناه من شيابنا


وآفة الأخبار رواتها .....الذين حرفوا هذه القصه لرجل وليس لإمرأة !!!!

[عكاش]

يالربع ماحد انكر قصة سعدية العصيمية وذكرها ابن بليهد والعصيمي

بس الابيات المشكلة لها روايتين واحده انها لسعدية والثانية انها لبن عامر


واكثر المتعارف عليه انها لبن عامر وذكرها العريفي في كتابه وذكر اسمه كامل

[الشرس]

أشكر
الاخوان على مرورهم

وأخص بالشكر الاخ عليان ,على أضافاته التي اوضحت حقيقه قصّه الفارسه سعديه العصيميه ,, وليست غريبه على آلاد عاصم (العصمه).
فقد , قتلوا كثير من فرسان القبائل , كابن عبود , وابن شفلوت , وابن حشر

لكن , من هو الشيخ الذي قتلته الفارسه سعديه العصيميه ؟؟

تحياتي
عايض بن فهيد الشيباني

[الصل]

الاخ الكريم الشرس

الشيخ الذي قتل في شعيب عصيل هو

محمد الجليم ، الملقب بالهلالي وهو شيخ الجحادر في حينه من الخنافره من قحطان

والمشهور عند رواة العصمه ان الذي قتله هو ، محمد بن مطير بن عامر من المغارقه من العصمه

وذكر في حداء الحيل للعريف والصويان وهذا يوافق موروث العصمه

الخلاصه لا ظرر ولا ضرار في كل الحالتين تقبل تحياتي

[الشرس]

اخوي الصل
ان قائل الحدا هو الشيخ هذال بن فهيد الشيباني , وفي موروث الشيابين الشعبي , ان هذال قال القصيده في الفارسه
سعديه العصيميه . وقصتها مع خيل قحطان , بل انني سألت اكثر من شايب من جماعتنا الفهيدات , والمباركيه بالتحديد, وأكدوا ان هذال قالها في سعديه ,العصيميه , لكن الرواه بعد ذلك تناقلوها منهم من ابقاها على الفارسه سعديه,العصيميه,وهم أكثر, رواة عتيبه , بما فيهم رواة الشيابين انفسهم,وكذلك اثبتها الشيخ ابن بليهد في كتابه صحيح الاخبار,,,واكد ان قيلت في سعديه ,ووجاب قصتها مع خيل قحطان (وابن بليهد اقرب الرواه للقصه) ,,,,وهناك رواه بالتحديد من العصمه رووها لاحد فرسانهم ,ليكون المدح لرجل وليس لمرأءه ,, رغم ان المدح للعصمه وهم يستحقون المدح الآد عاصم (قطمان المحازم ),,سواء كان لمراءه او لرجل ,

لكن قصّه سعديه ,العصيميه مثبته بالمائه مائه .

تحياتي
عايض بن فهيد الشيباني

[الشرس]

رحم الله موتى المسلمين

[تركي القحطاني]

اكرر ردي على كاتب الموضوع

هل يعقل ان مره بتتغلب على رجال وتصوب وتذبح , وهي حرمه وحده وذولاك رجال


الاخ تركي نتمنى ان لاتخرج عن الموضوع , وكما تشاهد الموضوع موثق , ولذالك نتمنى منك ان تلتزم بإداب الحوار , وان لاتخرج عن صلب الموضوع لمواضيع اخرى.


الإدارة