بعض شعار عتيبه الهيــــــــلا

[فيصل القثامي]

خلف بن هذال الحافي العتيبي



من قصائده:
البارحه اللـــــيل ماغمضت به كـلـــــه أراقب الصبــــح جالــــــس واتـحرالـــه

أبعث شــــريط مضى وأطويه وافلــــه وأقــــول مــــن يحفظ التاريخ لجيالــــه

قل للــــــــــعراقي يفتش جعبته قلـــــه يلقابها شـــــيء مايطري علــــى بالـــه

الهم والغم والطاعــــــــــون والعلــــه حقـــــــــه لحاله كفايــــــه حقه لحالـــه

من صفعة ذاقهــــــا بانت به الخلـــــه يذكـــــــر هزيمة شهر شعبان وهلالـــه

قــــام الثعل يشتغل ويشاغل الشلــــــه عـــــــزت وطارق وعد عدي وأمثالـــه

يذبـــح ويصلخ يدها حمراء ومبتلــــه شـــــــــــيء يخلي جبين الحر يندالــــه

ياناس ياويل مــــــــن هذا زعيماً لـــه الشعب فــي وضع يوسف له ويرثالـــه

شعب شرب كـــره وأكل كره كره لـــه يتفل علـــــى صورته ويدوس تمثالــــه

تبت يــــــدى أبو لهب تبِ وتب لــــــه واللـــــي معه بالحطب للـــقوم حمالـــه

مقبــــل على طبخة بالحيل تعمل لــــه يـــــــوخذ بها الثأر والثورة تسوالـــــه

الله مايهمـــــل الظالـــــــم ويمهــلــــه وأن طال به عمره خس شوي وأرذالـه

الحــــــــكم منهار والأحزاب منحلـــــه ماخس مــــن حالةِ فيـــــها ولا حـــالــه

مــــن ردي حظه فأهل بيتـه يزولـــــه صــــار الشجر قــــــوم بعيونه يورالــه

مـــن كثر مايرتميه يخاف من ظلــــــه ومن يعلم الغيب لا صار عدي قتاله

صدام أنا بأنشدك ويش إنت عايشٍ له مثلك بغبنه يموت ومونه أشوى له

الجــــيش يرزح تحت ذل من الذلـــــه والشعب مسكيـــن تضحك له وتغتالـــه

وإذاعتــــك ياسويد الـــوجه منشلـــــه ماعـــــندك إلا يالالــــه يـــــــاللا لــــــه

وإلا أنت مهزوم لامـــــذهب ولا ملـــه مقطــــــع أربـــــــع تطيح بكل محبالــه

حـــــدد مكانه بتلسكـــــوب وانـــزلـــه انـــــزل رويــــدا رويـــدا واكبس الالـه

ترسم هدفها على الليزر وترسل لــــه اشــــارة الضبط والمضـــــرب تهيالـــه

ماتحمــــــله ترفعـــــه مترين وتهلـــه مــــع ذرة الشمس في قصـره تحمالـــه

تعطيـــــه ضربه تدك القبــــــو بالفلــه والشـــــــر فاله وفــــــال الله ولا فالـــه

في سبّع له الارض تحفرله وتدفن لـه مـــــن تحت الانقــاض والانقاذ ماشالـه

ثــــــم خل غيره يشوف ويعتبر خلـــه اللـــــــي يبي مثلهــــا بالحـــال تثنالـــه



رشيد بن زيد الزلامي


من قصائده:
حنا بدار دلهت صـــــــدر من ضاق ..بــلغ ســــــلامـي لـلزلامـي وقـله

ياعابد الصوره على بيض الاوراق .. دارك عـــــــرفـناها وعــلتك عـله

وان كان حبه محـــرق قلبك احراق ..شــد الـرحــال ودرب عــمك تدله

فرد عليه الزلامي بردود اشتهر كثيرا فقال

انتم بدار دلهت صدر مـــــــــن ضاق .. وانا اتخيل صـــورته مخلص له

ما تعـــــــــــرفونه يا رديين الاعماق .. هذا الفهد ذخر الفـــهد في محله

اللي اذا جفــــــــــــت ويبسن الارياق .. انته وانا ومعـــــزبك تحت ضله

والله احبه حــــــــب مخلص ومشتاق .. واحب حتى صورته فـي المجله

واهل الحسد ماهم على باب الارزاق .. رزقي على اللي كون الكون كله

حنا سعودييـن يا طـــــــــاق طربـاق .. احــــرار ماعشنا بعــيشة مـذ له

رجالنا لو هــــــو على مكسر الساق .. حب الكــــرامه والوفاء عادة له



كديميس بن صالح العصيمي


من قصائده:


حنا عتيبه محمتين المخليـن
بعنا بسوق الطايلات وشرانا

حنـا مراجلنـا علـى هبـة الريـح
لاخالف الواجب عيال الرخومي

اليا زعزعـوا عتـاب كـل ابلـجٍ ملحـوم
يخلون حذف الروس كنه حصا الحره


عصام بن عباس المرشدي


من قصائده:
أنا في عفيف مولع القلب ما أدري ليه غلاه انطبع بين المعاليـق واشقانـي

أحبه وأنا ما لي مصالح ولا لـي فيـه عمايـر ولا بيعـه ولا نيـب سكانـي

إلا مـن كـل للإجـازه طـرا طاريـه تركت السفر للشرق والغرب بالعانـي

توجهت لديارٍ هواهـا العليـل اشريـه تقول أن فيها صوت داعـي ونادانـي

تمشيت فيها لو ضحك واحـد ناسيـه ما بي الغرب لو جات الحجوزات مجاني

هوا نجد هو شفي وروحي عليه اهديه ولا ابيع حبـه لـو بغاليـة الأثمانـي

صحيح الكلام اللي زميل الوفـا بانيـه صدقت بكلام المعرفه يا *ابن شامانـي

ترا كل قافٍ لك بنجـد العزيـز جنيـه وفي وفـاك لموطنـك دون الأوطانـي


نايف بن صقر الدلبحي


من قصائده:

يقولون الشعر وصل القلم والصفحه الطرقى وانا اقول الشعر قدح الخيال ونـار صوانـه
حبيبي والبحر سور التراب ودفتر الغرقـى لو اني ماكتبتـك لامنـي ملحـه ومرجانـه
حبيبي لاهمت حبر العروق الغيمـه الزرقـا على رمل الورق دمي سحـاب هـل هتانـه
حبيبي كل ماذعذع جفاك وناحـت الورقـى يتل البال قلبي واهـدي السجـات جنحانـه
حبيبي وانت مرقاب الشجون وهاجس المرقى ترى كلٍ يموت الا الوفـي بعيـون خلانـه
حبيبي والجروح اللي سببهـا ليلـة الفرقـا ضما يدها الوصال اليا ظما المحروم حرمانه
حبيبي لو يسامحك البحر وتبيحـك الغرقـى أنا ما اسامحك لو لامنـي ملحـه ومرجانـه



مشكوووورين واسف عالاطالهـ واعذرونا عالقصور

اخوكمـ : فيصل القثامي

التوقيع

[فهيد مقعد الرويس]

سلمت ولاندمت يافيصل

مشكور على نقل هذه المجموعه من القصايد لعدد من الشعرا

تحياتي وتقديري

[فيصل القثامي]

المبتدي اشكرك على مروورك

والله يسلمك وذا الواجب علي ياعيال عمي

القثـــــامي

[ابوسعودالقثامي]

اخوي فيصل


مجهود تشكر عليه


تحياتي

[فيصل القثامي]

العفو يابن العم وهذا الواجب

[احمد المقاطي]

الف شكر لك يا القثامي على القصائد الرائعة

بيض اللة وجهك

[ابـن نـعـيـس]

لاهنت


بيض الله وجهك


تحيااااااااااااااااااااااااااااتي

التوقيع

[سحاب الصبيحي]

الله يعطيك العافيـــــــــــــــــة


مجهود تشـــــــــــــــــكر علية حقيقة


تحيااااااااااااااااااااااتي

[فيصل القثامي]

أحمد المقاااااطي

ابن نعيس

سحاب الصبحي

شاكر لكم مروركم واليكم اجمل تحيهـ

القثـــــــــامي

[اسير نجد]

الى الاخ اللي كتب عن بعض شعراء عتيبه اين الشعراء التالية اسماءهم شقير الجذع ومتعب العطاوي وعبد الرحمن العطاوي والشاعر هذال بن نشار الدلبحي وملفي المورقي ولماذا لاتتطرقون لاخر اشعارهم ولماذا تتجاهلون فحول الشعراء وتتناولون بعض الشعراء المبتدئين هل هو من باب التشجيع لهم (اعطوا كل ذي حق حقه )