سعود العصيمي=
اشوف سلطان الجذع في خاطـره علمـآ كبيـر=يأكل ويشرب معـه همـه كـل يـوم وليليـا!!
ياليت ضلعه من حجر ماهوب غصن ٍ من حضير=حتى يجيب العلم والموجـز مـع التفصيليـا.!!
سلطان الجذع=
همي وغمي فالشداد اللي على ظهر البعير=من يوم فالطرقة برك للشيل والتنزيليـا!!
لا ياحزامي كل ماراحت عبوسِ قمطريـر=أذن وصل وكثـر التكبيـر والتهليليـا!!
سعود العصيمي=
أنتم جماعة خير مار الخير ماجيتم بخير = صحيح مال الخيل غير معسفين الخيليا!!
وان كان جيتونا بناتج عن اهل سودة عسير= عشيتكم ظهر البعير شعيل ياهل اشعيليا!!
سلطان الجذع=
يبا يعّود بالغنايم راعـي السيـف الشطيـر=وانت على مركاك جالس بين قال وقيليـا!!
هل تعلم انا لو نصب الكحل في عين الضرير=ماشاف شمس ولاتقدى بالجدي وسهيليـا!!
سعود العصيمي=
يجيبها اللي فاللوازم يدهن السير ويسيـر=اجمال مثلي تبرك لحملاتهـا واتشيليـا!!
مافيه طير بغير ريش اليا بغى الطيره يطير=وانتم طيورآ يالجذع خيّم عليها الميليـا!!
سلطان الجذع=
كبير بعلومك يابو طايل وبفعولك صغير=الا اليا نادوا وحيوا فوق فطح الحيليا!!
كل الطيور تطير غير انته محلك تستدير=لغزٍ بسيط ولايبا رمعـة ولا تحليليـا!!
سعود العصيمي=
كبير بعلومي وبفعولي أمير ٍ وابن أمير=والحايل اللي منك افضلها بعد تفضليا؟
لابالله الاماش طير ايطير وجناحه كسير=لكن ياراع الدلال الصفر صب الهيليآ!!
سلطان الجذع=
ماانته مصرفها بعد جاتك على الضلع القصير=اظن مالـك حيلـةٍ فيهـا ولا لـك حيليـا!!
أحيان خيطٍ من قطن واحيان خيطٍ من حرير=اللي يخيل المزن لابـده يـذوق السيليـا!!
سعود العصيمي=
ضويتها من فوق راسك من ورود ومن صدير=ودك تحولهـا ولكـن مالـهـا تحويلـيـا!!
دربي على مثلك لياحان الوعد درب ٍ عسيـر=ياهل الدخل لاتنظرون بعين لاهـل اشبيليـا!!
« آخـــر الـــمـــشـــاركــــات »
22-Apr-2011, 02:18 AM
العرض العادي
