قال ابويه لاتعجل بالعذاب وبالفراقي

[أبو فيصل الدلبحي]

السلام عليكم ورحمة الله وبركاته

مساكم الله بالخير

اطرح هذي الابيات بين يدينكم واتمنى انها ترتفع لذايقتكم

ياوجودي وجد منهو بالزمن جاه انغلاقي=جاه صياحن يقول الحق بعودن لك توده
قال وشبه قال موته جاه والدنيا سباقي=راح يركض والدعاوي من خفوقه مستمده
لين وقف عند منهو واصلن حد التراقي=يلفظ انفاسه وحاول بعض منها يسترده
قال ابويه لا تعجل بالعذاب وبالفراقي=قالها والدمع يجري بالحسايف فوق خده
ناظر الي كاس عمره حان فيه الاندلاقي=فالمنزل يوم ينزل والبشر ما من يضده
شد الاصبع بالشهاده والضناء بحلق وفاقي=وارتخاء والي بجنبه من مفاجيعه يشده
صاح والدنيا تزلزل من صدى صوت الزعاقي=كيف ابصمد بعد ابويه للهموم المستعده
بعد ابويه من بيدفني تحت شهب الرقاقي=والمدامع من بيجعلها على قبري مهده
كان هو الي تبقاء من صواديف البواقي=ماتت امي قبل عام وزايدن بالوقت مده
ثم حشره الي بصدره بين همن وحتراقي=واللباس الي عليه امن الغبينه بان قده
ضم ابوه وصارت انفاسه مخاتيم العناقي=ونحفر قبره وقبر العود بالتوصيف سده
كل وجدي لجل عين الي تعجل بالشواقي=ميسمه في عرض صدري باينن للشوف عده

تحياتي / تركي

[/quote]

[السميــــــري]

يالدلبحي ..
قصيدة توجد .. تسلسل في الأبيات ..
صح لسانك يامبدع ..

لك التحية يابو فيصل

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو فيصل الدلبحي]

السميري ...

صح بدنك والابداع انت منبعه

الف شكر على مرورك الجزل

[ماجد المحياني]

الله عليك يابو فيصل


ياخوك حزنتنا

[أبو فيصل الدلبحي]

ماجد المحياني ...

الله يبعد عنك الحزن وعن عتابه الحي والميت منها

الف شكر على مرورك الزاهي

[عقاب بن سقيان العتيبي]

اخي الشاعر ابو فيصل الدلبحي

كتبت ما يجمع العبره في العين خصوصا من مر عليهم مثل هذا الموقف
دائما توجد الشعراء قوي كقوة شعر من هذا توجده.....................................
جعلنا وياك ما نفقد غالي..............................
حازت على اعجابنا.....................
اتمنى لك التوفيق دائما...........

[الراسي الراسي]

صح السانك وعتلا شانك
تقبل مرورى المتواضع

[عبدالله بن طلال]

القصيـــدة هــذي أنا سمّيتــها الشهيـــدة


إنولـدت بــ ألــم

وعاشت بــ ألــم

وقضـت بــ ألــم


صـــح لســـانك يا أبوفيصــــــل وجمعـــك الله بصاحـب الميســم

إن كانه ( حَبيب ) يداوي آثار الكيّة . وإن كانه عدوّ تعطيه كيّتين


ولا عدمنــا بوحك ياغالي

آخر تعديل عبدالله بن طلال يوم 05-Dec-2008 في 03:32 AM.

[أبو فيصل الدلبحي]

عقاب بن سقيان ...

الله يبعد العبره عنك وعن من تحب وعن عتابه والمسلمين اجمعين ........

الوجد مايجي الا من جرح ملتهب .......

اللهم امين........


وهذا ماكنت اتمناه انها تنال على اعجابكم .....


الف شكر على مرورك الجزل

[أبو فيصل الدلبحي]

الراسي ...

صح بدنك يالغالي

ومشكور على مرورك الطيب