قصة محمد بن مهلهل الشعلان

[ابن كشب1397]

:
كان على محمد ابن مهلهل دم بسبب قتله لأحد ابناء عشيرته .. فجلا عن قومه ( أي رحل عن قومه بعيدا ً )
مده طويله من الزمن عند احدى القبائل المجاورة , ثم أن اهل القتيل سامحوه
ورضوا بالديه .. فعاد فرحا ً مشتاقا ً الى أهله بعد طول غياب ....

ويوم وصل لمشارف قبيلته شاف ظول( الظول او الظلاله هم الجماعه من الناس ) عند مارد الما .
ويسمع اصواتهم عالية فتوجه لهم ..... يبي يشوف وش عندهم بدافع الفضول ؟

ويوم قرب لقى ناس متهاوشين ..!!
وهم يجونه اثنين منهم يركضون واحد يطرد الثاني؟

ويوم وصله الاول قاله : بوجهك تراني بوجهك يارجل!؟
وهو يصير ورى ابن مهلهل ويحتمي به؟
وجا الثاني معه سيف يبي يذبحه ..؟

قاله ابن مهلهل : دخيلي يارجل ... عين خير دخيلي؟
لكن هذاك جاي ذبــّــاح؟ وماطاع يبي يضرب دخيله من وراه!؟
وهو يسل ابن مهلهل سيفه وهو يقتله ..دفاعا ً عن دخيله..؟!
وهو يرجع مع اثره...!!
جلا عن ربعه وتغرب مره ثانيه!؟

وقال هالقصيده الجميلة اللي اخذت اصداء واسعه في وقتها

يــامـن لـقـلـب ٍ كـل هم ٍ يمسـه = مـس الـحبال مهاوزات الأظـــلــه
ولي عجوزٍ كل حين ٍ تعسـه = حـتـى سـفـيـه الـعـرب جـايـز ٍ لــه
طس السبيل من اصفر اللون طسه = الشاوري يجلي عن القلب عله
من كيـس قرمٍ دايم ٍ مايدســه = تـلـقـاه مـقـروط ٍ عـلـى جـال دلـه
لاشفت ظول الناس بالك تعسه = لاجنـبـك شـر المخاليـق خـلـه؟
لو عندنا من غيب الايام رسه = الآدمي مـصـلـوح نـفـسـه يدلـه
يالله ياللي كل صوتٍ تحسه = عقد الـبـلـش غير انـت محدٍ يحـله
تفرج لمن مثلي زمانه يرسه = علـيـه من بعض الـمعاني مـمـلـه
عليه من بعض المعاني محسه = ساعة خرج من عـلـة ٍ جـاه عله
البوم يفرس والفهد صار بسه = تـبـدلـت دنـيــــــــاك يافـطـن ٍ لـه
سبع الخلا كيف الضواين تنسه = والصلح من راع الغنم ماحصل له
الـقبس يورد والظوامي تلسه = والمـزن عطشان والوطـى مايـبله
لاصار عن حقك سلاحك تدسه = ماينقعد لك في حضون الـمـذلـه

[ابن نميان]

ابن كشب قلم رائع يسعدني أن أكون متوجد في ماينثره من إبداع

سلمت وسلم إبداعك

لاكن أتمنى لو عندك ايميل غير الياهو تضيفه لي لني سعيد

بالتواصل معك


أبن عمك

أبن نميان العازمي

مودتي

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عقاب الحويماني]

أخوي /ابن كشب

قلم رائع ومجهود تستحق الثناء عليه

لاهنت موضوع شيق بالغالي

لك الاحترام والتقدير




تحياتي أخوك / عقاب الحويماني