صورة الشيخ/مناحي بن جدي بن زريبه رئيس مركز الزربان

[سفير الجذعان]

صوره للشيخ مناحي بن جدي بن زريبه رئيس مركز الزربان حفظه الله

[سفير الجذعان]

هذه القصيده مدح في الشيخ :مناحي بن جدي بن زريبه

..

يابـن زريبـه طـول الله لياليـك=يالشهم يالنـادر طويـل الذراعـي
الطيب ورث ورثـوه لـك اهاليـك=ورث مورث من شجاع لشجاعـي
ومن اسمك الاول ليا تال اساميـك=أسـم رفيـع ويستزيـد ارتفاعـي
تصحا القلوب ليا توحت لطاريـك=وتطري عليها المسبعه والسباعي
قرم تجلت فـي عتيبـه مواريـك=بالجود والفزعه وحسن المساعـي
ياقل ياخو نـوره اللـي يضاهيـك=وياقل من ذكره سواتـك يشاعـي
مافيك عاثور عن الطيـب يثنيـك=ولال الضعافه في حياتـك دواعـي
بين العرب دايـم بعـاد هقاويـك=على النقا منتـه بـراع الخداعـي
ومن شبتك ربعك تشوف السعد فيك=ماراح فيك الكـد هـدر وضياعـي
وختامهـا ياميـر لبيـك لبـيـك=لحتجتني تامـر علـي وتطاعـي

الشاعر :سعود بن حسن العريفي

آخر تعديل سفير الجذعان يوم 30-Jul-2010 في 04:54 PM.

[سفير الجذعان]

هذه القصيدة في حفل لشيخ مناحي بن جدي بن زريبة بمناسبة عزيمته لشيوخ قبيلة حرب عند ذوده فالشمال

الاولــه ابــدا بـذكــر الـلــي الـــه اسـعــى واطـــوف = واخشـاه وادخـل فـي بيـوتـه خــوف واصـلـي بـهـا
واسجد لوجهه واشكره وارفع له بطـون الكفـوف = وادعـــي دعـــاة كـــل مـسـلـم فـالـزمـن يدعـيـبـهـا
يـاالله تـزرع فـي قـلـوب محاربـيـن الـديـن خــوف = آمـيــن يـــا مــــن تـعـلــم الـدنـيــا وتـعـلــم غـيـبـهـا
وتحط مـن يسعـون للتخريـب فـي عيـن تشـوف = وتـسـلَّـط الــدولــه عــلــى مـنـهــو يــبــا تخـريـبـهـا
وتجعل جهدنا يـا ولـي العـرش والكـون مخلـوف = وتــهــدي بـصـايـرنـا لـمـخــرج ســكـــة نمـشـيـبـهـا
والثـانـيـة عــــداد مــــا هــلــت هـمـالـيـل الـقـنــوف = لـيــا طـرَّحــت عـنـهـا الـعـوالـي والـرعــد يوحـيـبـهـا
المدلـهـمـات الـحـقــاق الــلــي عـوايـرهــا وقــــوف = تـامـربـهـا قــــدرة ولــــي الــعــرش واتـنــهــي بــهـــا
يا مرحبا يا شيوخ حرب اهل البيارق والسيـوف = قــــــوم تـجـمـلـهــا فـعـايـلـهــا ويـــعــــرف طـيــبــهــا
ياهل المواقـف سالـم مسـروح يـا ستـر الهنـوف = فـي ساعـة يعـرف بهـا طـيـب الـرجـال و عيبـهـا
من حد حرب اهل القصيم ليا القرا واديار عوف = تـسـرح تـحـت هيـبـات حــرب الـقـود وتفـلـي بـهــا
تفضـلـوا عـنـد الامـيـر الـلـي لـيـا جــوه الضـيـوف = مــــن عــادتــه ايـقـلــط الـضـيـفـان ويـهـلــي بــهــا
للجـود مقيـال وذرا وعـن الــردى نفـسـه عــزوف = والـطـيـبــه يــدفـــع عـلـيــهــا الـــمـــال ويـنـاديـبـهــا
يقـدم الجـزلـه كــرم مــا يلـحـق الجـزلـه حـسـوف = والـطـيـب عـيـطـا والـرجــال اهـــل الـوفــا تبديـبـهـا
مـــا كـلـفـتـه الـكـايــده لــــو انــهــا فـيـهــا كــلــوف = يـــــوم اكــثـــر الـعــربــان يــقــدرهــا ولا يـحـريـبـهــا
مــن السـخـا يـذبـح جـمـل قــدام لايـذبـح خــروف = واللي ما تصخيهـا العـرب لجـل الكـرم يصخيبهـا
شيخ الشيوخ ليا حضر وابو الارامـل والضعـوف = والعـيـن عــن عـوجـا الـرفـيـق البـيـنـه يغضيـبـهـا
واللي ما حاش الطيب مثله في لياليه محـذوف = ويمـنـىً مــا ذكــرت بالـكـرم والـجـود يـفـرا جيـبـهـا
راعـــي شـــداد مـــا تـظـويـه التـمـانـي والـشـفـوف = مــاجـــابـــه الا قــــــــدح راي وقــــالــــة يـوفـيــبــهــا
هذا مناحي ما اخـذ الشيخـه عطـا والا معـروف = الا بــــحـــــد الــمــرهــفـــات وبــــنـــــدق يـرمــيــبــهــا
حاش المراجـل كلهـا رغـم المصاعـب والظـروف = ولا لـــد عـيـنـه لـلـظـروف ولا حـســب لصعـيـبـهـا
راس تـهـوش بهيبـتـه روس المنـاكـب والـكـتـوف = أمـــارتـــه تـفـخـربـهــا الـعـتــبــان وتـــمـــا ريــبــهـــا
ولـد جــدي سـمـي جــده فالسـنـام عــن الــردوف = مــن راس مــن ثـبــت قـواعـدهـا وسـمــا صيـبـهـا
زريـــب راع الاولـــه يـــوم الـمـشـاكـل والـحـفــوف = سـاق الجمـل فـي نجـد ليـن انـه نــزل فشعيبـهـا
يـضـرب بشـلـفـا حـدهــا يـفــرا الـتـرايـب والـدفــوف = يـعـشـي بـهــا سـبــع الـخــلا الجـيـعـان ويغديـبـهـا
والا بـرمــح زرقـتــه مظـرابـهـا فــــي كــــل جــــوف = الـلــي قـظــا مـنـهـا قـظــا والـلــي سـلــم يبطيـبـهـا
وان راح يـم الجـد الاخـر محتمـي حــم الشـعـوف = الـقـر مشـبـع ضبـعـة الهـضـبـه ومـشـبـع ذيـبـهـا
مــفــرش ســهــوه سـنـافـيـيـن والـثــالــث لــحـــوف = والـرابــع الـلــي كـلـتـه الـخـوصـه قــــدم ياعـيـبـهـا
بعد لحقهم في غزال الضلع من عقب الغسوف = هـجــاد لــيــل وحــبــة الـبـنــدق عــلــى تصـويـبـهـا
حنا الجبال اللي مـا تخلفهـا الهبايـب والشعـوف = والا الغـصـون ادنــا هـبـوب مقـريـه تـومــي بـهــا
جذعان يوم ان السباع الضاريه تسـري تحـوف = كــم ليـلـة ظـلـمـا سريـنـاهـا مـــا احـــد يسريـبـهـا
حـنـا مقـابـيـس الـوغــا حـنــا مـشـرعـت الـرفــوف = واهــل البـيـوت الـلـي لاجـاهــا الـلاجــي يذريـبـهـا
وحنا هل البل يـوم وقـت البـل مفرقـت الصفـوف = مركـاظـنـا تـركــم بــــه الـلـحـيـة ويـطـلــع شـيـبـهـا
تاريـخـنـا عـجــزت تـوفـيــه الـقـصـايـد والــحــروف = وامــجــادنــا وافـعـولــنــا كــــــل الـــمـــلا تـدريــبــهــا
حقايـق التاريـخ مــا جــوده وكــل شــئ مـعـروف =مــــا هــــي رعــيــة واحــــد يــســرح ولا يـظـويـبـهـا
تمت وصلى الله على سيد البشـر رغـم الانـوف = مـحـمــد الــلــي كــمــل الـســنــه عــلـــى تـرتـيـبـهـا

الشاعر / يوسف بن حمود القر الجذع

[سفير الجذعان]

وهذه القصيد في حفل الشيخ مناحي بن جدي بن زريبه لشيوخ حرب

باسم ربٍ بعث فينا نبيّه نصرةٍ للدين=وجعلنا مسلمين وعزنا فالكون بكتابه
بدينا والبداية بعدها الترحيب باللافين=عدد من طاف محرم في حرم مكة وصلابه
هلا ياشيوخ حرب اللي قبلتوا دعوة الداعين=وشرفتوا محلن كل من ينصاه حيابه
لكم قدر ومعزّه عندنا في كل وقت وحين=ولكم تاريخ كل متابع التاريخ يقرابه
بنيتوا مجدكم يوم القنا والسيف أبو حدين=وهذا علمٍ ثبات وقوة البتار بنصابه
أهل جيرة وأهل سلم ووفا من ماضيات سنين=وأهل سيف ليا جت حاجته معروف مضرابه
حضرتوا في محل اللي على سلم الوفا وافين=أهل بيتٍ عوا صيف الدهر ماهزت اطنابه
محل شيوخنا الزر بان شوخن مثل سور الصين=ذرا وحمايةٍ للي زمانه كشر أنيابه
لهم وقفات في وقت القسا منها الحديد يلين=ليا منه ذكرها الحر الأشقر كف مخلابه
من عتيبة هل المجد التليد ومقتضين الدين=قبيلة يفتخر فيها الحجاز ونجد وهضابه
أهل يامرحبا وأهل المروة والمقام الزين=ومقسمهم ببيت العز من بابه إلى بابه
وكلن فيه حقه من بعيد الناس والأدنين=على ماقيل كلٍ قد جسمه يفصل ثيابه
وحنا وحرب في هامة وطنا مثل عين وعين=شبابه كل موقفنا سواء والنار شبّابه
ذكرها لافي الغيداني الحربي قبل عامين=يقول اقرب ثنينٍ من بعضهم حرب وعتابه

الشاعر/ طراد بن عبد الهادي الضميان الجذع

[سفير الجذعان]

هذه القصيده القاها الشاعر الكبير/ جميل بن عوض العازمي العتيبي في حفل الشيخ / مناحي بن جدي ابن زريبه رئيس مركز الزربان لمحافظ الطائف الأستاذ / فهد بن عبد العزيز ابن معمر

.

مرحبا بك يا بو فيصل عن خيال الأصيلـه=عن شيخ يكرم الضيفـان ويعـز قصـراه
في محل الوافي ابن زريبه شيـخ القبيلـه=شيخته ماهي جديده ورث من جـده وبـاه
مرحبا ترحيب ينساقلك مـع بنـه وهيلـه=من خويك شاعرك وانت العزيز من اخوياه
يازعيم المرجله والجود كسـاب الجميلـه=من رجال بالوفـى تاريخهـم كـل قـراه
يشهد لجدانك الميـدان بسيـوف صقيلـه=يوم جيش موحد الدوله تحقـق لـه منـاه
الزعامه والشهامه والرجولـه والفضيلـه=احتواها بن معمـر والله والولـي عطـاه
والله انك راعي الميقاف ومنجـي دخيلـه=ابن شيخ واللها نه مايضـام الـي نصـاه
يفخر بك الطايف المانوس في يومه وليلـه=في زمانك عانق الغيمه في جبال السـراه
انثنى لجبـال البـراق ورعـود المخيلـه=لينه اصبح كل عام احلى ومقبـول حـلاه
كل غصـن بالشمـوخ وبالمعـزه ينثنيلـه=والثقافه والتـراث عكـاظ معمـور بنـاه
ويتباها بالجمال اليوسفي وارضه ضليلـه=امتضلل بالسحـاب ورده معطـر سمـاه
المصيـف الأولـي للملكـه مابـه مثيلـه=جاه فهد بن معمـر ثـم رفعلـه مستـواه
انته اللي نفتخر بك وانته فعولـك جليلـه=وانت عز الطايف المانوس في كل اتجـاه
تبذل جهودك وتسعى للقرى باحسن وسيله=وكل عام تزورها وتحقق الها الـي تبـاه
يفتخر شعري وانا افخر فيك ببيوت جزيله=شاعر يعسف مار الشعر وتطيع العصـاه

[سبع الخلا]

	يستاهل ولد جدي ابن زريبه المدح هذا واكثر وصح الله لسان الشاعر/العازمي والشاعر/الجذع والشاعر/طراد الجذع والشاعر/العريفي ومشكووووووووووووووور ياسفير الجذعان

[سفير الجذعان]

الشاعر / مدله بن عبد الهادي الضميان مدح في الامير مناحي بن جدي بن زريبه

هذا الامير اللي يشرف وجوده=شيخاً كلامه مااختلف عن مباديه
على سنام المجد قرر صعوده=ركز علم فخر المراجل باياديه
الله شهد له والخلايق اشهوده=لعل حظه للمعالي يباريه
حراً على الجزلات يرخي عضوده=يملك عزيمه ماتغير هقاويه
وعداد همالاً ترازم رعوده=اقبل كلاماً واضحاتاً معانيه

[روقي عفيف]

ونعم الرجل ذخر الشيوخ الابطال

[سفير الجذعان]

معالي محافظ الطائف ابن معمر وبجانبه الشيخ / مناحي بن جدي بن زريبه



الشيخ/ بن زريبه

[سفير الجذعان]

المشاركة الأصلية كتبت بواسطة سبع الخلا

سبع الخلا لاهنت على المرور منور الصفحه