قصيـــدة دليــم الطر المرشدي

[أبن حشيان]

السلام عليكم ورحمة الله وبركاته ...



قال والدي _ يرحمه الله_ نقلا عن والدهـ حشيان _ يرحمه الله_ قصة غزو مقبول بن هريس الشلوي _ أمير الشلاوه_ على عد اسمه دغيجبه الروقـــه جنوبـ غربـ المويـــه و كان ذوي عطيه الخراريص و المهادله هم الأكثر على العد و قال شليويح في قصيدة


يشب ناره وزننا ما احتسانا ... يا عنك يا شبابها ما معك قيس



أربع وجاب مخيم فوق مانا ... بأهل الحجاز مدققين المهاريس


وجاء لذوي عطيه التعزيزات من المراشدة , من ضمنهم جـــدي حشيــان



وانتهتـ المعركــه بموتـ ابن معلج , وقيل بأن حمدان ابا الجوخ من ضمن المتوفين , هذا من جانب الشلاوى . أما من العتبان فأنتهت المعركة بخساير خفيفة من ضمنها موت فرس جــدي حشيان و كســر رجلــه ’ لان رجــل حشيان كان يجبرها الجبــاره ثلاث مرات كل ما فكوا الجبـاره لقوها عايبــه وكسروها حتى دار الحوض .



و جاءت قصيدة دليــم الطر المرشدي

يابادعين القاف انـا ويـش ابـا اقـول=اليـا بدعـت القـاف كلـن يــرده
وان جيت ابا اهاويلي من البيض مجمول=ولـيـن قـدمـي واحـــد زاد وده
وان جيت ابا اطلقلي من الزمل مرحـول=وليـن قدمـي يطلـقـون الاحــده
وان جيت اعدي مرقـب قلـت مجهـول=وليـا مباطحهـم مراميـس مـجـده
وان جيت ابرمـي بذنـي كـل ناجـول=وان جيت اسـد الريـع محـد يسـده
يراكـب مـن عندنـا كنسـن حــول=مافوقهـا كـود الـقـرب والاشــده
مثـل النعـام الربـد وان حقـلـه زول=وان عاطيـن مـع عبلـة مجـرهـده
اسلم وسلملـي علـى الشيـخ مقبـول=شيخ الشلاوى اللي ورى الضلـع قـده
تلقـاه فـي بيـت كثيـر بـه الضـول=ومشيـد كنـه علـى فــرغ جــده
وهـو كمـا عـد مـن البـدو مدهـول=احد قطـن واحـد نـزل فـي مهـده
وهو كما سيـف مـن الهنـد مسلـول=سيف صقيـل يفصـم الضلـع حـده
طريحنـا منهـم نشيلـه ليـا الحـول=وطريحهـم منـي كـلا الرمـل خـده
وحنـا شبابـه ناخـذ الفعـل بالـدول=حـبـل يمـدونـه وحـنـا نــرده

و السلام عليكم ,,

منقول

يمنع وضع الروابط