كون العصمة على الدواسر وذبح الشيخ هادي بن نادر

[عكاش]

السلام عليكم

غزو العصمة بقيادة الشيخ والفارس مانع ابالعلا على الدواسر في ديرتهم الوادي
ومع اول تطارد الخيل ذبح الشيخ مانع الشيخ هادي بن نادر الودعاني
ويوم شافو الدواسر شيخهم مذبوح انكسرو من المعركة وتركو اباعرهم
واستاقوها العصمة وخذوها

يقول فارس من العصمة

يومن على الوادي.......في وقت عصرية
مانع ذبح هادي........مع اول الهية


والي يعرف عنها تفاصيل اكثر لايحرمنا منها

[النووي]

مشكور ياعكاش

على هذه القصه وماقصرت

تقبل تحياتي

[الشرس]

مانع ابالعلا ياعكاش مالحق على المغازي ممكن سلطان ابالعلا او جزاء ابالعلا

[القطامي]

تسلم ماقصرت

[عكاش]

النووي والقطامي

تسلمون على الرد الطيب


الشرس

الذابح اسمه مانع

(((( مانع ))) ذبح هادي........مع اول الهية

مهوب جزاء ولا سلطان

والغزو للعصمة على الدواسر فالوادي والمذبح اسمه هادي من شيوخ الوداعين

ومانع الذبح عصيمي من العصمة وان ماكان من العلوات فهو من فريس العصمة

والاحدية الي قالها العصيمي بينت هالشي ولاحدد مانع هو من العلوات ولا لا

لكن الي ذبح هادي هو مانع مهوب غيره

[قاطع طريق]

يومن على الوادي = في وقت عصرية
مانع ذبح هادي = مع اول الهية

تسلم يا عكاش

وهذي من عوايد آلآد عاصم قطمان المحازم

يحسمون امرهم مع أول الهية في كل شي

[صـويب الرمـــش*]

سلمت يمينك ياعكاش ,, والله يطول بعمرك
بس لي طلب وسؤال بنفس الوقت :
متى صارت هالمعركة؟

[العكام]

يومن على الوادي=في وقت عصرية
مانع ذبح هادي=مع اول الهية

والله ونعم بالادعاصم قطمان المحازم

ومن عوايدهم مثل هذي وغيرها ولايذبحون غير الشيوخ


يقول الفارس شديد الحثري يوم ذبح ببندقة لحاله بس تسعة من مطير

قال العصيمي بادي ٍ راس قنه=في قنة ٍ عد يت عالي رقيبها
من الاد عاصم كل ماجا دعيه=تذيل الحجه وتفلج طليبها
وان جاعليهم من خصيمن حرابه=ربعي مضراتن بلطمة حريبها
تفدع شيوخ القوم في حومة الوغي = بمسلبن تشلح ترايب صويبها
نشهر عزاوينا ونطلق مهارنا = ونطلق للي طامحن من خطيبها
كم من عيطموس من جراير فعولنا = غبة نهار الكون تبكي حبيبها
ذبحي من الصعران تسع ببندقي = بالمارتين اللي سريعن ند يبها
وخمسة عشر جيش وعليه الاهله = وباقي عدايدها لمن يستنيبها

[عكاش]

مشكورين يالربع

وياصويب الرمش وقتها يوم مطاحن الفرسان قبل توحيد السعودية

[كاسب الطيب]

يومن على الوادي = في وقت عصريه
مــانـع ذبـح هـادي = مـــع أول الــهـيه

ونعم والله بآلادعاصم ( قطمان المحازم )


هاذي عوايدهم وقت اعتراك الفرسان ، يوم كلن يشوح ويلووح .


وألاد عاصم لهم صولات وجولات مع كل القبايل


وهاذي القصه صحيحه كما ذكرها الاخ ( عكاش ).





تقبلوا تحياااااتي