محمد خالد القحطاني

[ماجد العصيمي]

هلا يامرحبا باصحابنا فالموقع الجذاب=تراحيبن محد غير العتيبي زيد رحبها
بني قحطان كيف اوضاعهم وسهيل نوره غاب=على نور السروج اللي صلا النيره يعذبها

[& محمد خالد القحطاني &]

صح الله لسانك ياماجد واعتلى شانك


دقايق ويجيك الرد

[ماجد العصيمي]

صح بدنك في انتظارك

[& محمد خالد القحطاني &]

يدوم الك البقى في موقع الاقراب والاجناب=عسى ربي يبارك في الرجال اللي نصاحبها
بني قحطان مثل الجدي وبخيرات ياشباب=وهذي لاتبعدها وهذي لاتقربها

[ماجد العصيمي]

غدا ديك قحطان ولا بقا في عشة الاصحاب=سوا باق الدجاج اللي محد فالسوق يجلبها
فتحت الباب وادري ودك بسرعه تصك الباب=وتبقا اهل المناصب ياقحطاني في مناصبها

[& محمد خالد القحطاني &]

تهرج يالعصيمي وانت هرجك ماعليه احساب=مدام ان لحيتك ماهيب تحماها شواربها
ترى الرايات منشورة وضني في الجبل ماخاب=ترف بهامته والناس مختلفة مذاهبها

[ماجد العصيمي]

على هونك علامك عود كبريت . . امسك الاعصاب=هجوسي عاقبت بعض العرب ربي يعاقبها
لا ترجي من ورا المجنون والدرويش والنصاب=تسبب للحميه نوع من جلطه وتعطبها

[سـعـد الـعـصـيـمـي]

هجوسي عاقبـت بعـض العـرب ربـي يعاقبهـا

في هذي صدقت ههههههه

صحت السنتكم

متابع

[ماجد العصيمي]

المشاركة الأصلية كتبت بواسطة سـعـد الـعـصـيـمـي

هجوسي عاقبـت بعـض العـرب ربـي يعاقبهـا

في هذي صدقت ههههههه

صحت السنتكم

متابع

الاعتراف بالحق فضيله هههههههههههههه


صح بدنك ولاهنت على المرور

[& محمد خالد القحطاني &]

ترى مافيه يابن عاصم الا السيف والمشعاب=هواجيسك علينا بالردى لاعاد تشعبها
ليا حدك زمانك مالك الا البيت ابو محراب=واقول الناقة الجربا تعود لحظ جالبها