الهجاد ياشعار |||||||||| عمدة الروقه

[ماجد العصيمي]

الي مده وانا ناوي على الشعار بالمهجاد=ابهجد من رفع راسه واهجد اللي رز ذنبه
على حسب القوانين الهمل ماهي تطب الماد=لكن اباسم ساحليه من سبيل التجربه

آخر تعديل ماجد العصيمي يوم 20-Oct-2010 في 03:52 AM.

[رعد الروقي]

الله الله

لو انك قبل تسري مستخير وناوي المقعاد=سلمت من الضما والتهلكة والليل والكربه
لكن اعدل جدار المنزل اللي حافه الهداد=قبل يقربك بالبكلين وانته ما تبا قربه

[ماجد العصيمي]

اعرف اهل الوفا اللي فالبلاد ويملكون اشداد=وراهم من يحذف الناس وهوه غادي ابدربه
ابمشي فالبلد والناس ماتجهل من العقاد=ترى العقاد له حربه وتعرف وشهي الحربه

[رعد الروقي]

الله الله

حبال المعرفة والطيب مع عنتر ولد شداد=ومن عارض طريقه يابيض اللحية غدى شربه
ترى العقاد ما يفتح عليه ابواب للنقاد=ولا راحت رجوله حد نص الساق فالتربه

[عبد الكريم العازمي]

الله الله


صحة الأسنتكم

وليلكم ساري

[رعد الروقي]

حياك الله يا عبد الكريم الروقي والزم الصف




نورت وشرفت بطلتك




صح بدنك ولا هنت

[عبد الكريم العازمي]

طيب طيب


أزهل الصف ولا يهون زميلك

[حمود بن خيشوم العصيمي]

متابعين للابداع لاهنتوا

[ماجد السميري]

لكن اعدل جدار المنزل اللي حافه الهـداد
قبل يقربك بالبكلين وانته ما تبـا قربـه





ماجد العصيمي & العمــــــــده


صحت السنكم ولاهنتم

التوقيع

قالوا ليا غاب العصيمي وابوفيصل مع رشيد=تبى تنافسنا على الساحه شواعيـر البلـد قلت اطمأنوا ياعتيبه واسمعوا علمن وكيـد=موجود حمدان ووصل والعازمي وابوسعـد افضل خلف لفضل سلف والعد راهي بالمزيد=والله لتبطي رايـة الهيـلا ترفـرف للأبـد مــــــــــــاجد العــــــــتيبي ambh90@hotmail.com

آخر تعديل ماجد السميري يوم 22-Oct-2010 في 03:35 AM.

[رعد الروقي]

حمود // شيخنا ابن عاقل



هلا ومرحبااااااااااااا



شرفتوناااااااا بطلتكم الغالية




صحت ابدانكم