سبعه من شيوخ القحاطين بفرسانهم يشوفون البل ويعودون والسبب !!!!!

[ماجد العصيمي]

الشيخ : محيميد بن طلمس العقيلي

هو آخر من قتل من ابناء الشيخ طلمس وكان لمقتله أثر بالغ في نفس شيخ القبيلة ورجالها فقد قتل شابا ولم يتولى مشيخة القبيلة وشارك في عدد من الغزوات والمعارك وكان من أشجع فرسان القبيلة حتى أنه في أحد مغازيه على قبيلة مطير كسب إبل وعبيد منهم واحد اسمه (مبروك) عاش مع العقايلة خادما لهم إلى أن توفي.
كان يطلق عليه (الموت الحمر) لشجاعته يروي الشيخ فهد بن جروه وهو من أمراء قحطان عن والده يقول غزينا عتيبه سبعة شيوخ من قحطان كل شيخ معه 100خيال وسبعمائة فارس وعندما وصلنا الى وادي عصيل شاهدنا الإبل المغاتير كأنها العبلان جمع عبل وهو الجبل الأبيض ووجدنا أحد الرعيان وقبضنا عليه فقلنا من هي له الإبل قال إبل العصمة وقلنا تكذب وضربناه وقلنا هذي إبل بن درعان النفيعي فحلف أنها إبل العصمة فقلنا له محيميد العقيلي موجود قال نعم قلنا مزيد بن مغيرق موجود قال نعم قلنا مسيمير المطابق موجود قال نعم يقول فرجعنا وكان معنا بن مريحه وهو أحد أمراء قحطان فقام ابن مريحه يتوحوح ويقول يا ويحي ويحاه أشوف البل وأعود فقال له ابن جروه إيه اتعود يا بن مريحه البل دونها الموت الحمر دونها محيميد العقيلي

[أبو مرحبا]

وهذه ابيات للشاعر والفارس شويمان ابالجلادا رحمه الله
يتوجد على محيميد العقيلي ومعه فرسان العصمه الفارس قبلان - وأبو مرحبا الفارس مزيد بن مغيرق والفارس ولد راقي والفارس جزاء الصماح

ألا ياوجـودي يالعقيـلـي وياقـبـلان=وأبو مرحبا وان جوا هل الهجن ينصونه
والاخر ولد راقي والاخر من الصمحـان=جزاء وافي الاشبـار ماقـط يشنونـه

رحم الله الشيخ الفارس محيميد العقيلي

لاهنت ياماجد العصيمي على النقل الموفق

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد بن غازي]

بارك الله بكم على ذكر والتذكير بهذه الكوكبه من الفرسان الشجعان ...

[مشاري الحبردي]

ونعم والله فيكم يالاد عاصم


وبيض الله وجهيكم

[ماجد العصيمي]

مرحبا يا ابوها هههههه


لاهنت على تشريفك الموضوع



محمد غازي لاشكر على واجب ولاهنت على تشريفك


ولد حبرود مشاري ماعليكم زود ياربعنا لاهنت على تشريفك الموضوع ابيض وجه

[احمد منير الواصل]

اخوي ماجد الله لايهينك وتسلم والله
ونعم والله بالادعاصم
ومادل على ذلك انه فيه رجال دونها والموت الحمر مثل ماقال القحطاني
رحم الله الفارس الشيخ محيميد العقيلي
وشكرأ لك يابو مرحبا بعد على الابيات التوجد على الشيخ محيميد .
.

[ابن بشيّر]

بيض الله وجهك ياماجد

وبيض الله وجه ابو مرحبا


وانعم واكرم بآلاد عاصم


ولاهي غريبة عليهم العلوم الطيبة

[ابو محمد الدعجاني]

رحم الله الشيخ محيميد العقيلي

ونعم والله بالعصمه العقايله .

وونعم والله بلاد عاصم .


لاهنت يالغالي.

[عبدالله البراك]

ونعم بهم وبالعصمه كافة

والله يرحمهم

العصيمي تقبل مروري

[الدقيق]

اي والله جنب عن الموت الاحمر

اسلم تسلم