زبن القاضي وصقر سليم ( طاروق التحدي )

[ابو فايح]

طاروق رائع وقوي جدا

فيه من النديه والتحدي الشي الكثير


بين صقر سليم وزبن القاضي

صقرسليم

سلام ومرحبا والجود يلقى في محل الجود=سلام لربعنا والضيف اله واجب نحييبه
انا من عادتي لن شفت فالموضوع قدح زنود=اشب النار وزن النار واحرق شاعر عتيبه

زبن القاضي

يدوم الك البقا فالثانيه والحاضرين شهود=وهلا يامرحبا بي عندكم مليون ترحيبه
وانا عمهوج سيفي للعدى واهل الفتن مجرود=ادور لي على شاعر مثل شرواك اضحيبه

صقرسليم

وانا حييتبك مير انت طماع(ن) تحب الزود=الا واهيلتي في زبن مادري ويش اسويبه
تقول السيف مير السيف يامجنون لابن سعود=ليا وقع على راس الجمل ماتت عراقيبه

زبن القاضي

انا اعرف سلمكم ياسليم واعرف قصدك المقصود=وشيخ القوم عند القوم ماتنقص مواجيبه
ورثت السيف عن جدي لكن انته ورثت العود=وراع السيف يغزيبه وراع العود يغزيبه

صقرسليم

انا اعرفكم عرب لكن فالحيله تقال يهود=ولكن اليهودي مالقى معبد يصليبه
ترى سيفك مع المشعاب مثل الحاضر المفقود=ليا باين لك المشعاب راسك ماتواميبه

زبن القاضي

وانا اعرفكم عرب لكن في روس الجبال السود=هذا ضلع(ن) تحول منه والثاني تعديبه
صقر معه خشبه لكن قدمه صارم(ن ) محدود=ليامني جرت السيف رد العود في جيبه

صقرسليم

اشوفك ماتغير منهجك من فكرك المحدود=لكن اخذ الحذر وامسح على دقنك واشانيبه
علوم(ن)مالها ناتج تراها ماوراها فود=وانا مبغاك تهرج لك كلام(ن) مانت داريبه

زبن القاضي

على حسب العمل نجزاك والدنيا سهود مهود=ابا امسحكم من ارض المملكه والغيبه والغيبه
على هداج تيما البدو تارد والضميا ورود=وهداج المسمى ماحد(ن) غثرب مشاريبه

[محمد الذيابـــي]

محاورة خطيرة

وتحمل العديد من المعاني


كل الشكر لك يابو فايح,,,,,

التوقيع

التوقيع محمد الذيابـــي

[الكاايد]

طاروق حامي .. اعجبني زبن في النقض

لاهنت يابو فايح

[جمال منير]

.
.
.
ياسلااااام ياسلااااااام

محاورة عمالقه

وطاروق اطربني في معناه ومغزاه وقوة بيوته وبحره

والبيت هذا بيت الطاورق كله

ولو ماقال غيره ابو نهار كفاه

ورثـت السيـف عـن جـدي لكـن انتـه ورثـت العـود
وراع الــســيـــف يـغــزيــبــه وراع الـــعــــود يـغــزيــبــه


* ابو فايح حب لي على خشمك,,,