زحنا القبايل عن مناكب نجــــــد 000

[مقعد الدغيلبي]

هذه القصيده اللقيت ظمن ملتلقى قبيلة عتيبه الهيلا ومهما قلنا في قبيلتنا لن نوفيها حقوقها000

0000000000

بين الضلوع الحانيه سمعتلي ذيبً قنب=عيا يهيد الا بعد ماجبت بوكه وقلمه=
شرّد بنات الفكر تندبلي واللبسها ذهب=وانحت سخر واسبح بحر والقاف اصوغه وانظمه
نظم الهجوس المقتدر لآجات حزات الطلب=والرجل ماله عذر دون اللازم اللي يلزمه
البارحه راجتبي الذكرى على نار وحطب=ذكرت وقتً فات صفحاته عذاب ومشئمه
لكن ابه قومً تضد القوم في وقت النشب=الكل منهم فاللقاء يحداه شره وحدمه
ربعي عتيبه لحتما الميقاف واشتد الكرب=عدوها دايم بذل وبالمهند تكعمه
برقاء وروق اهل الشجاعه والحسب واهل النسب=واهل الفعول النادره وقت الليال المظلمه
لطامت العايل ليا دارت دواوير الغضب=ذباحت الحايل ليا شحت كفوف المكرمه
تقبل بجمعً يارد حياض المنايا ماحسب=هيلاً ليا هالت تشابه للمزون المردمه
زحنا القبايل عن مناكب نجـد والفعل انكتب=سقنا عنه من كان يرعابه زمان ويحكمه
من دون جزيه غير بالقوه تهوش وتختطب=رغم الزمان اللي علينا كان حامي ميسمه
نرعى بحد السيف ماسقنا قناطير الذهب=السوق سيف ورمح مع شلفاً تطش الجمجمه
هذا وأنا من لابةً تشهد لها كل العرب=تاريخها بين العرب تاريخ عز وملحمـه
ألآد (منعر)لآقنب ذيب المنايا واقترب=سم الكبود ومن يعاندها تقوم وتلطمه
في ظلهم ترعى الجهام ودونها ثني الركب=ترعى بأمان من الحجاز اليا سنام المردمه
ويوم القبايل سلمت غالي قلايعها بأدب=حنا عصينا الامر وحبال المعاند نبرمه
عيا عليها اللي يسوق اطول شنب وأطلق شنب=شيخً على صرح المعالي بالفعل رز أعلمه
أخزام اخو نوره خزام مطوعً كل الصعب=أيو الله خزام الخشوم وسعًد منهو محزمه
اليا نواها ساقها بمشوكً نار ولهب=فيه الشجاعه تطًبخ من حد راسه لقدمه
وكل القبايل والنعم والها فعولً تنحسب=الها مواقيف وفعول الها فعول ومعلمه
واليوم حنا خوان مافيها نزاع ولا نشب=عبدالعزيز ارسها قواعدها عسى الله يرحمه
قضاء على الفتنه وسلها هل السيف الحدب=اعياله اللي حكمهم كله نعيم ومرحمه
وارجوا السموحه كان ابه فالعلم نقصان وعتب =الكامل الله وام أنا سر الليالي ماعلمه

التوقيع

[الشنباوي]

ماشاء الله ماشاء الله

الله لايضرك


عزالله انك مبدع هذا الكلام ولا بلاشي

جزل بمعني الكلمه واعتبرني من متابعيك

يامقعد الله لايحرمنا من قصيدك

[مقعد الدغيلبي]

اخوي الغالي

الشنباوي

00000

ماعليك زود وجزاك الله الف خير

000000

ومتابعتك شرف لي طال عمرك

00000


لك خالص ودي وشكري وتقديري

[الشبـــح]

ألآد (منعر)لآقنـب ذيـب المنـايـا واقـتـرب
سـم الكبـود ومـن يعاندهـا تقـوم وتلطـمـه
في ظلهم ترعى الجهـام ودونهـا ثنـي الركـب
ترعى بأمان من الحجـاز اليـا سنـام المردمـه


كفو كفو
وصح لسانك يامقعد يامبدع

[مقعد الدغيلبي]

الشبح

صح

بدنك

طاال

عمرك

ولا

علييييك

زووووود

ومرورك يسعدني

لك كل تقديري وشكري

[السميــــــري]

برقاء وروق اهل الشجاعه والحسب واهل النسب
واهل الفعـول النـادره وقـت الليـال المظلمـه
لطامـت العايـل ليـا دارت دواويـر الغـضـب
ذباحت الحايـل ليـا شحـت كفـوف المكرمـه
تقبـل بجمـعً يـارد حيـاض المنايـا ماحسـب
هيـلاً ليـا هالـت تشابـه للمـزون المردمـه
زحنا القبايل عن مناكـب نجـد والفعـل انكتـب
سقنا عنه من كـان يرعابـه زمـان ويحكمـه


أبياات شامخة ..
صح لسانك يادكتوور المعاني ..
ميدع بحق ..
وسجل أعجابي بهااا ..

أخوك,,

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مقعد الدغيلبي]

المشاركة الأصلية كتبت بواسطة السميــــــري

برقاء وروق اهل الشجاعه والحسب واهل النسب
واهل الفعـول النـادره وقـت الليـال المظلمـه
لطامـت العايـل ليـا دارت دواويـر الغـضـب
ذباحت الحايـل ليـا شحـت كفـوف المكرمـه
تقبـل بجمـعً يـارد حيـاض المنايـا ماحسـب
هيـلاً ليـا هالـت تشابـه للمـزون المردمـه
زحنا القبايل عن مناكـب نجـد والفعـل انكتـب
سقنا عنه من كـان يرعابـه زمـان ويحكمـه


أبياات شامخة ..
صح لسانك يادكتوور المعاني ..
ميدع بحق ..
وسجل أعجابي بهااا ..

أخوك,,

هلا

وغلا

ولاعليك زود يابن العم

والابدااع انتم اهله طال عمرك

تقبل شكري ومشكور على حضورك المشرف

[مقعد الدغيلبي]

الشكر مووووصول

لجمييييييييع من مر من هناآآآآآآآآآآآآآ

[الـثـقـفـي]

مشكور والله يوفقك وقصيد جزله من شاعر مجزل والله انك صادق مهما قلنا في قبيلتنا لن نوفيها حقوقها
(عزيز العتيبي)

[أبو نجر النفيعي]

..

أبووووووووو فيصل ..

صح لسااااانك واعتلا شاااااااانك ..

قصيده عن ديوان كاامل .. ابيااتها من ذهب .. والذهب من منجمه ..

سجل اعجابي بقصايدك الرائعه ..

ونعم ونعم ونعم ..

.

أخوك..

التوقيع

.....