أبي شاعـــر يشاركني همـــــي .....

[معجب العتيبي]

المشاركة الأصلية كتبت بواسطة مؤرخ محايد

ما بان ضوء القمر ما بان = وتكسر الضلع من باسي
ان قلت حان الفرج ما حان = تجمع الهم في راسي

ياللي تغني بزين الحان=والشعر بالحيل منحاسي
اركد وعوذ من الشيطان=النوح ماليّن القاسي

التوقيع

[مؤرخ محايد]

هجدت انا الخيل والفرسان = كلن شرب باللقاء كاسي
الله يسامح طري البان = يوم يتمايل وانا ناسي

[معجب العتيبي]

لاصرت فارس ومعك احصان=ماضنتي صابك نعاسي
قبلك من اهل الوفا الشجعان=جاهم من العشق وسواسي

[مؤرخ محايد]

اخاف ربي وانا انسان = والهم ما خيب احساسي
هتلر توفى مع الالمان = حيله شديد(ن) وهو راسي

آخر تعديل مؤرخ محايد يوم 21-Mar-2008 في 12:32 AM.

[معجب العتيبي]

ياللي تلفلف على الميدان= كنك على السوق عساسي
لخبطت الاوراق بالسفطان=خليتها حروف واقواسي

[مؤرخ محايد]

قطعت أنا كم طويل ألسان = يوم يتمادى على ساسي
الذيب لا شاف زول الضان = زود من الكيل مقياسي

[معجب العتيبي]

ياصاحبي وش حصل يافلان=وراك قرّبت للطاسي؟
اجل بزوّد على الميزان=كيله وابا اشهّد الناسي

[مؤرخ محايد]

بعض البشر معتلي بالشان= وبعض البشر مبتلي وخاسي
زود يا معجب وانا عجلان = ولون الذهب يعجب ألماسي

آخر تعديل مؤرخ محايد يوم 21-Mar-2008 في 01:06 AM.

[معجب العتيبي]

دام البشر فالحياه الوان=فيهم صميدع وبلاّسي
الطير ياطير ابن برمان=جاب المصيبه فالأكياسي

[مؤرخ محايد]

الله فرقنا عن القصمان = يوم البشر عدة اجناسي
(برمان) شنهو يابو عصمان = ماراح تلحق لي افلاسي

آخر تعديل مؤرخ محايد يوم 21-Mar-2008 في 01:26 AM.