!
ண҉ணЩஇணਿـ‗_سوق الشريطية_‗ـੀணஇЩண҉ண

[راعي الشلفا]

السلام عليكم ورحمة الله

استلم يامحمد العطاوي

سلام الله سلامٍ فيه للعتبان حب وشوق=واخص اللي تعزوا فالمواقف بالعطاويه
ولا ياصحابنا برقا وألا ياصحابنا ياروق=طغى حب المجامل فيك ياسوق الشريطيه

[محمد الروقي]

هلا يامرحبا ياذوق واللي يعرفون الذوق = تراحيب العتيبي لا لقا العزوه العتيبيه
انا مالوم من يشري النياق ومن يطب السوق = انا لومي على اللي مايضدون الحونشيه

[قادح شرار]

يا سلام سلم يا شعااااااار .


صحت الألسن .

[راعي الشلفا]

الله الله ياصديقي

عسى ربي يعز الشجره أم جذور وأم عروق=ويقطع شجرةٍ ياروق لا ذيه ولا ذيه
وألا ياوقتنا الي تبترم مابين تحت وفوق=يجوع الحر الاشقر مايمس الجوع حنديه

[محمد الروقي]

عندك عندك ياصديقي

عسى ربي يحققلك دعاك ويهدي المخلوق = ورجلً عاش فالرمضا ورجلً عاش فالفيه
انا اقول الرعيه حسب راعيها ياراع النوق = وهذي هجرةً مختلفةً فالعقل والنيه

[محمد الروقي]

اررحب ياقادح


وصح بدنك





لاهنت على حضوورك

[راعي الشلفا]

عسى ربي يوصلك السماء والمركز المرموق=ولا شفت النجوم البيض عنْك يرفع أيديه
على شان العطاوي يوم جينا نلعب الطاروق=تغير نيته من يمنا ميتين فالميه

[راعي الشلفا]

اررحب ياقادح


وصح بدنك



لاهنت على حضوورك

[محمد الروقي]

مكاني فالعلا ياللي تحبّون اكلة المرقوق = صحن مرقوق يغنيكم عن اسعار النعيميه
انا ماجيت غير اوضح السارق من المسروق = علامك صرت ضدي واقفً جنب الحراميه

[راعي الشلفا]

مكانك فالعلا لا كن يبقا الرمش فوق الموق=عسى ربي يعز(س) يالرسالات السماويه
تقوله والحراميه ماحطوا للحرامي طوق=ياطيبك ياشليويح العطاوي ساعة الهيه

آخر تعديل راعي الشلفا يوم 28-May-2008 في 02:08 AM.