 |
|
|
 |
 |
 |
29-Sep-2008, 06:58 AM
|
رقم المشاركة : 1 | |||||
|
الحمد للباري
من أجمل قصائد الأمير / عبدالله بن رشيد
وكانت موجهه للإمام فيصل بن تركي بن عبدالله آل سعود وتربطه به علاقة متميزة فقد تزوج الأمير عبدالله بن رشيد (الجوهرة بنت تركي) أخت الإمام فيصل بن تركي الحمد للباري فزع من شكا له والحمدله ثاني على كل الاحوال والحمد له ثالث بقدرة افعاله حمد كثير عد ما قيل قد قال وعد ما فوق الوطا من رماله وساح الظلال من العوالي للاسهال وعد ما ترمي لواقح خياله بسح وتسكاب وديم وهمال كل الشكر له والثنا والجلالة سبحان من هو كل ما راد فعال رب السما رزق الملا من نواله محي الهشيم الميت الدارس البال مولاي عازل شمسها عن ظلاله سيدي ومسنادي الى ضكنا جال كم ضيقة من منته جت وزاله وعادت بعز ما هقيناه بالبال الحمد لله ما كرهنا لقاله الا ان تصيرعقوبته عز واقبال يا ما طلبنا كل من به شكاله نبغي الركود من أهل نجد ولا ضال من عقب ما عجزوا بسعي الختالة شبوا لنار الحرب يا لقيظ صوال ومن شب نار الحرب قاد اشتعاله وصارت عقوبتها بعد ذل واذلال هذا وفعل الشر للي سعى له يرميه بالميدان من غير حبال والبغي كم ناس خلوا من رجاله ياما هلك بالبغي من ماضي اجيال عاد خلاف الزود شف وش جرى له يا عونة الله ما من الحي عقال من قال ذا فعلي فهو من هباله الله معاوني على من علي عال اللي نبي لولا الولي ما نناله مير الولي يسعى والانام غفال والكل يكتب بالقلم ما جرى له شره وخيراته من الخالق العال يرفع وياضع بالقدر من نواله وتدبير خلقه ما لنا فيه مدخال اللي علينا الجار نرفي خماله ونفزع لمن جانا من الظيم دخال والضيف يقرى حين تبرك رحاله من غيرهذا المحتري ما نهج خال ومن جا يريد الزين يعطى سواله عن عاني الله ما قطعنا له أوصال وان جا صديق من عدو غياله عميلنا نرخص له الحال والمال يا من بنا سرحه وضايع حلاله ولا بات في قلبه من الخوف ولوال والشر ندفع جانبه بالسهالة ولا نا لتثويره من الناس قبال لكن الى ركب الرشا للمحالة واستثقلت ماني من الحرب ملال نرسي كما ترسي رواسي جباله ماننهزع من وطي حافي ونعال ومن عاف صافي الما وكدر زلاله اسقيه كدر لين يروى ويكتال وان زاد زدنا له بقو وغثالة بحيل من لافي قواضيه محتال وخلاف ذا ياللي تودي الرسالة في صفح مصقول عليه القلم سال سلام من هو له على شف باله ومشاهد اللي للثقيلات حمال غش الحريب اللي براسه صعاله عز الضعيف وريف ظيفه بالاعجال بالجود يتعب من يعدد خصاله كل المراجل حاشها دق وجلال سلم عليه ولا تقل له مقالة الا ان نشد عني ومن حالتي سال وقال اخبرن عن صاحبي كيف حاله عطه الجواب اللي كتبنا و الامثال قل له يقل لك ياخلف من غداله من الحي والميت من العم والخال ركبوا على عوص النجايب عياله يبرى لهم يابوسمي كم خيال جوه الضحايا شيخ ماهي نطاله وصادوا المارادوا على كل مشوال يوم الخطوط أقفت وهو ما قزاله جاه المقري والحق الاول التال هذاك حق الملك ياللي عصى له من عقب مادزيت له كم مرسال عيا يطيع اللي نصيح حكى له فرحان وابن سبيت ما القى لهم بال ولا طاع يدي ركبنا مع جماله وازريت من كثر الشكاوي والارسال يبغي يرد اللي مضى من هباله واللي مضى عوج سراميد وطوال زادوا وبادوا من هبايب شماله كل له الله يوم تحسيب الاعمال ويمناي ما ترضى بزايد شماله واعطي الحقوق اهل المعالي والارذال والله لولا يوم كربة حباله خوفك وغيظك ان نزيده بالاشعال ومن عقب شيمتنا تبدل فسالة ياشيخ ياتالي كريمين الاسلال ونشوف حرب اللي يباهي بماله حتى نشوف اللي على الحرب صمال شكيت دقه قبل يلحق جلاله هذا كلامي لك ولاني منه ذال ومن خالف امرك لو صديق فناله من اول طاعون واليوم سلال السيف للتايه ستاده حنى له واندل به من هو عن الدرب ميال ولا كبا حده محشنا صقاله ولا هو من الشطات والضرب كلال فان كان ما شافوا توالي فعاله وصاروا بقاياهم فذولاك جهال وعبيد اللي لا عدمنا خياله حطه لهم مولاي نجم وزلزال هذي علوم ديار من لا صفا له مشروب ماي الا بتقصيف الاجال صفيتها بالسيف ما هي جمالة وثنيت للثرثاع بالقيد وعقال ولا نفوز الا ونروي سلاله من دم هامات العدا عل وانهال هرج قليل لا تكثر جداله قلبك دليلك لاتفكر بالاقوال والصدق يشهد له وغيره رذالة وقول بلا فعل الى قيل بطال من قال قول ترجمت له فعاله لاعاش من يقصرمنه قدرمثقال شهودي بجلدي والعدو به بداله والناس تدري بالجدايد والاسمال وان كان بي اليوم تقصر حباله اعزم ولا تنظر لراضي او زعال دنياك تظهر من خوافي لياله ولاتكن من عقب ماقلت غفال وصلاة ربي عد ساع سعاله وما التج حج بين هاذيك الاميال وماتجهول فوق الانضا رحاله على نبي خصه الله بالارسال الامير عبدالله الرشيد آخر تعديل ابن رشيد الشمري يوم 29-Sep-2008 في 07:04 AM.
|
|||||
|
 |
 |
 |
|
|
|
|
|
29-Sep-2008, 02:16 PM
|
رقم المشاركة : 3 | |||||
|
وان جا صديق من عدو عياله
عميلنا نرخص له المال والحال كفو قول وفعل . فعلا من اجمل القصائد .. يعطيك العافيه يابن رشيد على النقل الطيب . |
|||||
|
|
|
|
|
|
|
|
|
|
|
04-Oct-2008, 02:30 PM
|
رقم المشاركة : 4 | |||||
|
شكرا لمروركم الكريم
اخوي هايس والاخ الكريم نداوي هوازن |
|||||
|
|
|
|
|
|
|
|
|
|
|
04-Oct-2008, 11:29 PM
|
رقم المشاركة : 5 | ||||||||
|
رحمهم الله واسكنهم فسيح جناته اقتباس:
ابن رشيد الشمري بارك الله فيك يالغالي ...
|
||||||||
|
|
|
|
|
|
|
|
|
|
|
05-Oct-2008, 10:48 AM
|
رقم المشاركة : 6 | |||||
|
الاخ العزيز منصور ابن فهيد مشرف تاريخ القبائل
شكرا لك ولك مني كل ود وتقدير ولاهنت على مرورك وتعليقك على الموضوع والحقيقة إن تاريخ ابن رشيد لحقه بعض التشويه والتحريف والزيف لكن الحقيقة تتجلى في قصائده |
|||||
|
|
|
|
|
|
|
|
|
|
|
05-Oct-2008, 11:14 AM
|
رقم المشاركة : 7 | |||||
|
قول وفعل
الله يرحمه ولاهنت يالسنافي على النقل |
|||||
|
|
|
|
|
|
|
|
|
|
|
06-Oct-2008, 11:36 AM
|
رقم المشاركة : 8 | |||||
|
لاهنت يا بحر جده على المرور
دمت بود |
|||||
|
|
|
|
|
|
|
|
|
|
|
06-Oct-2008, 09:16 PM
|
رقم المشاركة : 9 | |||||
|
لاهنت يالذيب وعبدالله ابن رشيد من اسس امارة ال رشيد ودولة شمر ويستاهل هالاجودي الله يرحمه ويرحم كل مسلم |
|||||
|
|
|
|
|
|
|
|
|
|
|
09-Oct-2008, 06:59 AM
|
رقم المشاركة : 10 | ||||||
|
اقتباس:
ياليت تفيدنا ولك كامل الشكر والتقدير ... |
||||||
|
|
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
