مناخ الحرمليه ..أشهر مناخات القرن الرابع عشر الهجري

[اول واحد]

بسم الله الرحمن الرحيم


اولا: لا احد يزعل ياعتيبة فأنتم قبيله لها مكانتها وقيمتها بالجزيره

انا من منتديات قبيله مطير


وعندنا هناك اعضاء من العتبان يذكرون بطولات عتيبه الهيلا


وانا احل ان انقل لكم هذا المناخ لقبيله مطير حمران النواضر


وقبيله عتيبة قبيله عزيزه وخوال وبن اخي وعواني لمطير

مناخ الحرمليه ..أشهر مناخات القرن الرابع عشر الهجري



وصف للمناخ ::

مناخ الحرمليه والكل يعرف مالحرمليه.... قليل من مطير يواجهون عتيبه الهيلا بكامل جموعهم البرقاويه والروقيه .... ويقدر الله أن ينتصر حمران النواظر في ذلك المناخ العظيم الذي إستمر ثلاثة أشهر إلى أن كتب الله الكسره على عتيبه ولم يردهم إلا عروى كما ذكر ذلك ابن بليهد نقلا عن أحد العتبان....


تاريخ المناخ::

1309 هـــ - 1891 م...

موقع المناخ::

الحرمليه مورد جنوب القويعيه وعليه وقع المناخ مناخ الحرمليه....


أسباب المناخ::

خلاف على المراعي بين الشيخ نايف بن هذال بن بصيص والفارس هذال بن فهيد الشيباني اخو هملا تطور لأن يصبح مناخا بعد أن إستدعى بن بصيص مطير فحضروا الصعران وبعض واصل وبعض علوى أما العبادل فكانوا بعيدين عن الوقعه....

كما استدعى الشيباني كامل عتيبه فأتته بخيلها ورجلها برقا وروق اجتمعت في ذلك المناخ العظيم....

أطراف المناخ::

مطير (الصعران-بعض واصل- بعض علوى) وحضر معهم ابناخيهم محمد بن حشيفان ومن معه من قومه حيث كان مع أخواله آنذاك...

يواجههم عتيبه بكامل ثقلها وكل أمرائها ..... كثرة هائله حسب ماتذكر المصادر التاريخيه كابن بليهد وفيها سير ابا العلا عطفة له خاصه حصل بسببها نزاع بينه وبين الهيضل الدعجاني....


نتائج المناخ::

1- هزيمة عتيبه ومقتل كثير من رجالها وشيوخها......

2- تحول الصراع بين مطير وعتيبه من مناوشات ومعارك بسيطه إلى مواجهه بكامل ثقل القبيلتين.... فمن المناوشات قبل هذه ماحدث عام 1280 هـ عندما جندلوا مطير تركي بن صنهات بن حميد وهزموا عتيبه في معركة ليم أو معركة السناف....

وأيضا قبلها ماجرى على هندي بن حمد بن حميد عندما تواقع هو وقومه ضد مطير فجندلوه حمران النواظر وهزموا قومه...

3- بداية إضمحلال قوة عتيبه وإنحسار عصرهم الذهبي فمواجهتهم لمطير خطأ إستراتيجي وقع فيه شيوخ عتيبه ذلك الوقت فمطير تختلف عن بقية القبائل فهم واجهوا الدول والحكام وقضوا على ابن عريعر وقاتلوا الدوله العثمانيه ودول المنطقه الأخرى مما أكسب مطير خبره حربيه تفوق بقية القبائل بها.........

4- توسع ديار مطير على حساب ديار العتبان.......

نصوص تاريخيه في المناخ ::

النص الأول ::

يقول ابن عيسى في تاريخه...

وفي عام 1309 للهجره تناوخت مطير وعتيبة على الحرملية الماء المشهور بالقرب من القويعية وأقاموا في مناخهم ذالك شهرين حصلت بينهم وقعة وصارت الهزيمة على عتيبة

النص الثاني ::

قال ابن بليهد :

وهزيمة عتيبة في مناخ الحرملية وخروجهم من تلك أديار كان لها اصدا

عند الحضر الذين كانوا دوما تزعجهم قبيلة عتيبة أما بالاعتدا على

محاصيلهم او حلالهم

فهذا ردية حصلت بين أحد العتبان وبين حضري في نفي بعد انهزام

عتيبة في الحرملية

يقول العتيبي




ياحضران دايم في البلاد ي & ماترعون في الدار العذية

ولاتدرون عن ركب الجيادي & دايم حاضرة في كل هية



ورد شاعر أهل نفي

أخبار القبائل في فوادي & وأدري بالكثير والشوية

لاتكثر علي من الدوادي & فأذكرك يوم الحرملية

النص الثالث::


ويقول ابن سبيل في محاورة مع ابن فهيد الشيباني في ذالك الوقت

يقول الشيباني

ياطيور الجو روقي روقي & كولي حرب من جال الركية

فرد عبدالله بن سبيل

ماذبحت الا طريقين سروقي & ماذبحة لين وراك المطية

عاين فوق دخنة لقح نوقي & ترعى بالفلاه بلا عنية

ترعى ماوراها الا العروقي & فوق صفراء عبية بنت العبية

والله لو تجتمع برقا وروقي & انك ماتنسى نهار الحرملية

ابن حسين مخربك طقوقي & فيك بينة ماهي خفية

وابن حسين هو نايف ابن حسين بن عليان بن بصيص ابن عم نايف بن

هذال

النص الرابع::

قال العتيبي في الحرمليه لما جندلوا عتيبه ابن حشيفان:

وابن مغيرق جندل القحطاني
يوم اجتوال الخيل فالميداني
ماله لزوم وجت ابه المنيه......

النص الخامس::

قصيدة دعسان بن حطاب الدويش والمشاركين من مطير في مناخ الحرمليه


تسعين يوم حربنا في ضربنا *** لين العلوم اللي بعيدات جاتها

بالحرمليه عليها مرهش الحيا *** السيل جعله يدعم مسناتها

راين لنايف جعل حظه نايف *** نايف سعدها ساتر خلاتها

هذال حر وجاب حر مثله *** يوم الحرايب مشعلا مقهاتها

والعلم لله ثم عماش وفيصل *** أهل سيوف عطرها هاماتها

ثنى جواده قدمهم عبدالله ***ثنى جواده في نحور اعداتها

ثنى جواده قدمهم عبدالله *** وطبان مدفع ثار في غباتها

وزرايبه مافي ظفرهم منه *** شبانها ثارت ظفر شيبانها

يانعم يوم جتنا سربة واصل *** الكل منهم يعتزي بعزاتها

يردلها القني ويردله الالثنى *** شلفاه دايم موري شفاتها

ويمناه تستاهل فقار الحائل *** اللي يسيل من الصحن منداتها

وجونا من الجبلان ياوي سربة *** اللي حضر منهم كفى غيباتها

والخيل تلطمها سلايل ناصر *** مثل الجمال الصايته هداتها

جاء في نحور الخيل مرزوق وغازي *** وثامر ولد بجاد في مثناتها

لين ادبرت عنا جموع عتيبه *** والرد في اخرها وفي مثناتها

سقنالهم لين اعذروافي الظله *** والخيل مافكة لها رداتها

واسترجعوها عقب راحوا عنها وصارت على يد شيوخها نجاتها

ردوا ذوي هندي سلايل تركي *** وباع العمار مرخصها باعاتها

المشار لهم في القصيدة اعلاه

نايف بن هذال شيخ الصعران

عماش بن عبدالله بن فيصل الدويش الملقب بالرجعه

عبدالله بن عماش الدويش

وطبان بن عمر بن محمد بن فيصل الدويش

الزرايبه شيوخ الرخمان من الموهه من علوا من مطير

واصل بطن من برية من مطير

الجبلان من علوا من قبيلة مطير

سلايل ناصر السورة شيوخ البراعصة من الموهه من علوا من مطير


ذوي هندي الحمدة شيوخ قبيلة عتيبه



النص السادس::

قصيدة هذال بن فهيد الشيباني


كون على عد من البدو مرفوق *** الحرمليه لاسقتها الوداني

عزالله اني فيه سقت الجمل سوق *** لاشك جونا مع مطير قحطاني

يوم المقاطي نار ماهو ملحوق *** وهو يشوف اجموعنا جد عاني

اقفى وخلا لابس الحجل والطوق *** أبوه ماتعرض عليه الجناني


قحطان * هو محمد بن حشيفان ومن صاحبه من قومه آنذاك

المقاطي : محمد بن هندي


النص السابع::

حنيف ابن سعيدان يقول في مناخ الحرملية



جونا وجناهم مع الحزم الأسمر @@@ سبع اسبحات وربعنا سبحتيني
تناطحو مثل الرعد يوم هـــجر @@@ بالمالطي والروم والمارتيــني
بايمان فتخان العـيال المـسطر @@@ اللي لهجمات العدا محتسيني
في راي من يروي شبات المعطر @@@ ماجد ولد سالم فعولة تبيـني
والا ولد هذال بالحرب يصــبر @@@ ليا حل بالتالى الخيل طاراليقيني
اما بن تركي كل الاكوان ماغر @@@ ذرا لنا يوم الملاقاء ظميني
ويمنى الحميدي تنثر الدم الاحمر @@@ وأبو عماش اللى فعولة تبيني
نعم بربعي والحمادين عسكر @@@ وجرمان في جمعه قاسي مايليني


النص الثامن::

ومن أحداث الحرمليه انه في احدي جولاتها قتلت فرس الفارس المغوار ضيدان العارضي فراه فيحان بن زريبان فرد عليه فرسه واركبه فقتلت فرس فيحان فترجلا اثناء المعركه وردا عن نفسيهما فقتل فيحان فلاج البراق وفرسين وحصان بينما قتل ضيدان ابن محيا وشقا طريقهما الي ان خرجا من المعركه فقد كانا مترجلين والمترجل ليس كالراكب وقد قال فيحان بن زريبان قصيدته المشهوره

لا وحسايف سابقي يابهيشان.
رديتها والجيش غاد(ن) حطيبه.
رديتها لمنجي الحرد ضيدان .
ماني بمن بالضيق ينسي صحيبه.
رديتها في وقت روغات الاذهان.
اخاف علمن بالمجالس حكيبه.
رديتها يوم(ن)للهوش ميدان.
ومن لايروي الرمح وش ينبغيبه.
اصيبت وغطانا من الملح دخان .
وعج كثير ولانشوف الضريبه.
قلت استريح بكورها يابو سلطان .
والناس مع هاك الثنايا حطيبه.
اخذت العوض فيها جوادين وحصان .
وفلاج بالرقه وراها رميبه.
خلي عشا للضبع والذيب سرحان .
ايام بالمروت يرفع قنيبه.
قال ابتهج بالنصر يابن زريبان .
الطير يبشر بالعشا من عتيبه .
يازين ذبحه والملح له ترنان .
لابن محيا عند خشم الجذيبه.
يابنت شومي عن هوي كل كوبان .
علمن تودينه وعلمن يجيبه .
تخيري فكاك ربعه بالاكوان .
راعي الكرم والفعل عطب(ن) صويبه.
تخيري فكاك ربعه بالاكوان .
راعي الكرم والفعل عطب(ن) صويبه

[مناحي فهدالحربي]

بيض الله وجهك يابن عباد

[مشعل المحياني]

ومن شاهدك يالمطاري قال: صمغان

[منآور المورقي]

السلام علاكم ..

مالك في الطويلة يالمطاري خابرين منتم أهلها مير خذ زبـدة الهررج ..

أولاً ../ لا ننـكر هزيمـة عتيبـه في هـذا المنـاخ الذي دام قرابة شهريـن بين الاحلاف(مطير+حرب+قحطان)

ضد عتيبـه .. ولكـن شلـون صـاارت هزيمـه ثقيلـه ولم تقم لعتيبـه قائمـه من بعدهـاا...!!!!

نسيــت عـرجـا(1313) ..؟ يومن المطران ربطـوا تسلابهم تنبـح وشبـو النـاار وسـرو من ليلهـم وتركـو

حـرب ..اللي جاييـن فزعـه لكـم ..!!! عاااييـن فـ المواضيع المثبتـه (منـاخ الشعـراء) ..



خـذ هـ النـص التـاريخـي بعـد ..يقول بن بسام

تناوخوا عتيبه وعربان مطير على ماء الحرمليه واقامو في مناخهم نحو الشهرين يغادون القتال ويراوحونه طرادا على الخيل
وبينما هم كذلك اذا اقبلوا ال روق من قحطان وشيخهم اذ ذاك محمد بن حشيفان نصـــره لمطير وصارت الهزيمه على عتيبه وقتل من الفريقين عدة رجال ومن مشاهير القتلى من مطير واتباعهم الدحام ومحمد بن حشيفان شيخ ال روق من قحطان وصلبي بن مضيان من شيوخ حرب من اعوان مطير
ولم يؤخذ على عتيبه في هذه الهزيمه من اموالهم شئ لانها هزيمه خفيفه

إنتهى ..

ثانيـاً../لم يقتـل من شيـوخ عتيبـه أحـد أمـا الطـرف الآخـر..

1..الحميدي بن رشيد شيخ ذوي سعدون من الصعران من مطير قتله الامير بندر بن عقيل الدعجاني

2..محمد بن حشيفان شيخ آل روق من قحطـان قتلـه الفـارس مزيد ابن مغيرق العصيمي

3..صلبي بن مضيان سفير حرب في هـ المعركه تدري وش صارله يا منـااحي ..!!

أبن مضيان طاح ولا خذو ثاره يمناه في ذروة الهادوج يسحبها

قتلـه الأميــر مـارق الضيــط ..وإستـرجع العطفـه ..


إن كـان هذي هزايمنـا .. يا واللّـه إنها هزيمتـن تشـرف ..بعديـن كلن خابر إن الهزيمـه ما جـات ع وضـح النقـا ..(فاهمنـي ي المطاري ) ..!!

تحيـااتي ..

[يوسف السيحاني]

الاخ الفاضل أول واحد



التاريخ موجود وأتمنى منك انك لا تزيد أشياء اللي من عندك الموضوع واضح وأتوقع أن اكثر العتبان يعرفون الموضوع جيدا ومثل ما قال الاخ العزيز مناور المورقي أنا معه وأذا منته مصدق روح راجع التاريخ


ملاحظه :-

كلامك يا المطيري غير صحيح




تحياااااااتي

[الحـــربــــــي]

..................................
نحترم حرب ونقدرها ولانرضى عليها الا مانرضى على انفسنا
اخوان فالدين والعقيده
وانت يالحربي اتمنا ان تحترم نفسك اولا ثم تحترم الاخرين
واذا كان هذا هو اسلوبك اتمنّى ان تبحث عن المنتديات التي
تتوافق مع عقليتك لان الهيلا موقع رجال والرجال الله يحييهم .

انذار

الاداره

[سعود النفيعي]

هههههههههههههههههههههههههههههههههههههههههههههههههه هههههههههههههههه هندي بن حميد والله نجوم السما أقرب لكم وتركي بن حميد خذينا بثاره وأقول الظاهر أنك نسيت عرجا والضال و وادي الرشاء والعويند ألخ................................ أقول ياكثر مهايطكم يامطير

[الحـــربــــــي]

مساكم الله بالخير

نحترم حرب ونقدرها ولانرضى عليها الا مانرضى على انفسنا
اخوان فالدين والعقيده


كلام جميل ومحل تقديري



اجل يا الاداره العزيزه (العااااااااااااادله)


ومن شاهدك يالمطاري قال: صمغان



ليش ما مسحتو هالكلمه والا عشان الكلام هذا على حرب ومن ولد عمكم






هذي نقطه



اما النقطه الثانيه والاهم ليش مسحتو ردي الاول مو الثاني

علما بان مافيه اي شيء ممكن تجاوبوني


هذا مامسحتو ردي هذا بعد



بعدين فيه نقطه يوم اشوفكم حاطين حيلكم في حرابة الدول

وانا اخوكم اذا هي في المنتديات ومن خلف الشاشات

انتم الحكام


لكن في الواقع تعرفون مكانة قبيلتكم جيدا

الي اتشرف بان لي اصدقاء منها بس عتبان عن عتبان يفرقون








ولكم اجمل تحيه



الحـــــــــــــــــــــــــــــــــــــــــــــــ ـــــــــــــــــــــــــــــــــــربـــــــــــــ ــــــــــــــــــــــــــــــــــــــــــــــــــ ـــــي

[طلال الثبيتي]

يالربع تعوذوا من ابليس..

ترى التواريخ ماتنسى ولاترحم..

ومالكم في علومآ تكدر خواطركم..


بس هزيمه مثل هذي وثلاث قبايل مجتمعه علانا

وجت هزيمه خفيفه تعتبر شرف ..

اما الشيووخ الي ذكرتهم يالمطاري حاول تتوثق من هالموضوع..

اما بالنسبه لك يالحربي

فهلااابك في منتدى الهيلا.. ونعم بحرب ..

والنعم بمطير..

والنعم بعتيبه..

بس قبيله عن قبيله تفرق ونعم عن نعم يفرق..

[فرناس]

المفروض تجازي المعروف بالمعروف يالمطاري ماتنطله وراء ظهرك

ولا تجحد فزعة قحطان وحرب معكم وتخليها لكم لحالكم

هذي اخرت المعروف تجازيهم بالجحدان