الشيخ ناقي السليمي الحربي يرد على الشيخ حجاب العواجي رحمهم الله

[مسلط 22]

بسم الله الرحمن الرحيم

ياحجاب ماحنا فريق إبن فرهود اللي تفاجيهم بصفر ٍطلائع

أذوادنا من دونها حربه العود وقب ٍنطبعهن على أحسن طبايع

عليهن اللي لبسهم صنع دايود وشلف ٍ لها بين القبايل شوايع

مليحهن ذقتوه والفعل مشهود بخشوم بشرى والخضر والبدايع

والرابعه صبّحت رمحات بجرود حمرالشعاف متوبعات المشايع

وثار الصياح ولحقت الخيل عرجود بمجرّب ٍ ضيّق عليك الوسايع

ياحجاب فضلت السلامه على الفود وطلعت منها ياحمرالعين طايع

برقاب ربعك يصرخ السيف مجرود من حظ ذيب ٍله زمانين جايع

وطيور وسمه تصدر اليوم وتعود رازقهن اللي خصّكم بالقطايع

عادات ربعي باللقاءتاخذ الزود يوم النشاما بين سايم وبايع

اللي من أول خيلكم رد مردود واللي من التالي يرد القلايع

وأنا على اللي ماعطت يوم بصدود اللي من العاده تطش الوقايع

وان جاء نهار ٍفيه طارد ومطرود ياما على الصفراء كسبت الصنايع

هذ ه القصيده قديمه وقد اعترف بها الفارس الشيخ عقاب العواجي عندما قال
يابنت ياللي عن حليلك تسالين حنا لنا حي يسالون عنا
وقد نشرت بكتاب ابطال من الصحراء ولو نشر الامير محمد بن احمد السديري رحمه الله قصيدة الشيخ ناقي بن ناقي شيخ ولد سليم من حرب بكتابه ابطال من الصحراء لسلم من حرب وهجائهم له وهذه قصيدة اعتراف الشيخ عقاب بن سعدون العواجي بهزيمتهم امام الشيخ ناقي السليمي وذلك عندما اجاب من تسال عن حليلها المقتول في المعركه حيث قالت المراه

ياعقاب ياحبس الظعن بااللقا الشين يااللي حريبك بالهزيمه يمنا

عينت ذيب الخيل يوم الاكاوين نور العيون بغيبة الشمس عنا

هو سالم والا رموه المعادين ياعقاب خبرني تراي اتمنا

فاجابهاالشيخ عقاب بن سعدون العواجي شيخ ولد سليمان من عنزه بقوله

يابنت يااللي عن حليلك تسالين حنا لنا حي يسالون عنا

خمسة عشر ليلة على الوجه مقفين ندور وضح بالاباهر تحنا

وشفنا هل البل شاربين الغلاوين من دون رخم للحوير تحنا

جونا ثلاثميه وحنا ثمانين مثل المحوص الشلف منهم ومنا

وبانت رديتهم وشفنا الرديين وكل عرفنا عزوته يوم كنا

ليتك تراعي ياعذاب المزايين يوم ان عيدان القنا يطعننا

منا حليلك طاح بين المثارين في ديرة فيهاالوضيحي تثنا

ومنهم جدعنا عند شوقك ثلاثين وكم خير من راس رمحي يونا

في ساعة فيها تشيب الغلامين انطح نحور الخيل يوم اقبلنا

ياما نقلت الدين والحقته الدين وحريبنا في نومته ما تهنا

ارسي لهم يابنت وانت تعرفين لياما حمام النصر رفرف وغنا

واردها والحق ربوع مخلين بوجيه قوم يطلقون الاعنا

عاداتنا نخلي سروج المسمين ونروي حدود مصقلات تحنا

وقلايعي من نقوة الخيل عشرين قب ولا فيهن ثبار ودنا

وانتم سالمين والسلام

[نبض المشاعر]

مسلط

اللي من أول خيلكم رد مردود واللي من التالي يرد القلايع

وأنا على اللي ماعطت يوم بصدود اللي من العاده تطش الوقايع


القصيدة رائعة

ولكن حبذا لو تم التنسيق

التوقيع

دنيــــا ومــن يـــــدري كلــــ شــــئ يصـــير فيهــــا

[راع العرف]

حرب هم راس المعالي عقوبة من حرَب .. اسأل التاريخ عنهم ويعطيك الصكوك


نعم هؤلاء هم حرب الاشاوس وياليت السديري الله يرحمه افتك نفسه بذكر
الحقائق كامله وليس فقط انتصار الطارف الآخر ..؟؟

أذوادنا من دونها حربه العود وقب ٍنطبعهن على أحسن طبايع

عليهن اللي لبسهم صنع دايود وشلف ٍ لها بين القبايل شوايع

مليحهن ذقتوه والفعل مشهود بخشوم بشرى والخضر والبدايع


نعم هؤلاء حرب ولاتهون باقي القبائل ومن غير قصور فيهم ..


ياحجاب فضلت السلامه على الفود .. وطلعت منها ياحمرالعين طايع

برقاب ربعك يصرخ السيف مجــــرود .. مـــن حظ ذيب ٍله زمانين جايع


وايضا ً .. لم يكتفي ويقول ..

اللـــــــي من أول خيلكم رد مردود .. واللي من التالي يرد القـــــــــلايع

وأنا على اللي ماعطت يوم بصدود .. اللــــــي من الـعاده تطش الوقايع

بيض الله وجهك اخوي مسلط 22
وماقصرت على النقل الطيب للشاعر الشيخ ابن ناقي
تحياتي
راع العرف

[مرزوق حمدان العتيبي]

..
.
والله ومليون نعم بعزوة شبابه حرب
..
لاهنت يامسلط وبيض الله وجهك على حسن انتقاءك
...
.
ورحم الله الجميع

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مسلط 22]

بسم الله الرحمن الرحيم

الاخوة الافاضل نبض المشاعر وراع العرف ومرزوق العتيبي السلام عليكم ورحمة الله وبركاته وبعد اشكركم على التعليق ورحم الله المشائخ الشعراء واسكنهم فسيح جناته والسلام