مشاري الكرشمي
يامرحبا والليله المعنى غريم وجه ذيب=اقلط يافواز وتمثّل والسبور اصحالهـا
مرزوق حمدان العتيبي
يابو لمار اكرب حزامك ياعسى حظك يطيب=واعرف ترى ياصاحبي للكايدات ارجالهـا
فواز السعيدي
بقا بقا ياصحابنا والذيب في وسط القليب=والفزعة المتوخّره فال الله ولا فالهـا !!
ابو لمار
ياصاحبي مرزوق انا شايف تصرفك الغريب=ماللثقيله ياعميـل الخيـر غيـر اجمالهـا
مشاري الكرشمي
ياهل اليتيم الله يجملكم بعد ضاع الذهيب=واللي ماتخلصلك طلب خسران لو تسعالها
مرزوق حمدان العتيبي
انته عيونك ماتشوف الخير لوانه صبيب=اترك علوم ٍ ماتزيـدك خيـر يانقالهـا
فواز السعيدي
ماضاع لي حاجه وادوس الرّاي بالرّاس الصليب=انته من الذّيـره علاقتنـا قصبـت احبالهـا !!
ابو لمار
يوم اجتمعتوا ياوسيع العرف في جوف الشعيب=جتني علومك كلهـا ياللـي جحـدت افعالهـا
مشاري الكرشمي
في ايدك مفاتيح القصور وكل يوم ولك طليب=والظاهـر ان ام الكبايـر ضمتـك لعيالهـا
مرزوق حمدان العتيبي
اثرك رجلٍِ مشغل ٍ بالك وفالحلم الرهيب=اتلد عينك فالنجوم وطمعتـك منزالهـا
فواز السعيدي
الوقت قاسي والزّمان اللّي يودّي ما يجيـب=مار الحجاز ان دار وقتك ماتموت ابطالها !!
ابو لمار
الد عيني في مكاني والله لخلقه رقيب=لكن مدّ الوافيه لاهل الوفا ورجالهـا
مشاري الكرشمي
سيد الادله باعترافه سجلوه امر(ن) عجيب=فصلت ثوبه واعترف والخيل من خيالهـا
مرزوق حمدان العتيبي
حنا ترى مداتنا يشهد لها الوقت الصعيـب=يوم ان بعض الناس ماينقص رصيد اموالها
فواز السعيدي
امّا انت مقطوع الرّجا ولاّ انت مقطوع النّصيب=نصّ السّوالف يمّكـم والطّيبـه حنّـا لهـا !!
ابو لمار
ياصاحبي ماجيت ادوّر عندكم تمر وحليب=حجتك هذي بلّها ماعاد يمشـي حالهـا
مشاري الكرشمي
عبر عن اللي في ضميرك بعد راحت يالحبيب=خـل البعيـده ماتعـرف جنيهـا وريالـهـا
مرزوق حمدان العتيبي
هذا التهامي ياغشم قلبه وانا حسبه لبيب=افهمه ويقول جب لي عمها مـع خالهـا
فواز السعيدي
انتم مروّعكم زمانٍ فات ياصيد الحريـب=عدّ السّنين اللي على ربعك يهلّ هلالها !!
ابو لمار
انته تراوغ في السوالف لاجل مايلحقك عيب=بكره تشب النار والطبخـه تفـوح ادلالهـا
مشاري الكرشمي
حنا رياجيل الشرف وانتم علاكم وش يغيب=اللي على الطاله فعايلها شهـود اقوالهـا
مرزوق حمدان العتيبي
شكرك على حد الرهيف ونصف رميك مايصيب=يازين طبعك لوتجنـب عـن طبـوع انذالهـا
فواز السعيدي
انتم رجاكم فالعميل اللّي صنوخه ماتشيب=عنده شهاده من جهتنا فالها وعقالها !!
ابو لمار
انته مريض ولازم انك تستشير احسن طبيب=علتك هذي مزمنـه نفسيتـك يبغـى لهـا
« آخـــر الـــمـــشـــاركــــات »
19-May-2009, 11:09 AM
(مشاري الكرشمي + مرزوق حمدان ) × ( فواز السعيدي + ابو لمار) مبـــاشره
العرض العادي
