الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات العامة > تاريخ قبائل الجزيرة العربية

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 14-Feb-2011, 09:20 PM رقم المشاركة : 1
معلومات العضو
مخاوي الليل والنهار
عضو
إحصائية العضو





التوقيت


مخاوي الليل والنهار غير متواجد حالياً

Smile قصة إنقاذ الحثربي..........

بسم الله الرحمن الرحيم
السلام عليكم ورحمه الله وبركاته


الموضوع:إنقاذ الحثربي...
القصة هو قصة حماية الظفير لماجد الحثربي الشمري ...في احدى السنين كان الوقت دهر على العرب
والامطار قليلة جدا وكان الظـفير تحت قيادة الامير / دغيم بن ســويـط أمير قبيلة الظفير وكانت هناك خبرا او فيضة في الشمال
تقع الان غربي مدينة رفحا وكانت هذه الفيضة هي الوحيدة اللي بها ماء كثير فارادت قبايل الشمال
الثلاث ( الظـفير وشمر وعنزة ) انهم ينزلون على هالفيضة ويسمى قطين وكما هو معروف وكعادة العرب
كان بين هذه القبايل الثلاث العديد من المعارك والحروب والمغازي وكل قبيلة سالبتن من القبيلة الاخرى
العديد من الابل والحلال وكان بينهم دم وثارات قديمة ولكي ينزلوا جميعا على هالفيضة يجب ان يعقدوا
صلحا مؤقتا بينهم او عهدا خلال فترة نزولهم على الفيضة وبعد ذلك يرجعون الى ماكانوا عليه فاجتمع
رؤساء وزعماء القبايل الثلاث دغيم بن سـويط شيخ قبيلة الظـفير وجديع بن هذال راعي الحصان شيخ قبيلة
عنزة ومطلق الجربا شيخ قبيلة شمر اجتمعوا فيما بينهم وعقدوا صلح بينهم وبنود هذا الصلح انه تمنع
المعارك والمغازي بين القبايل الثلاث طول مدة بقائهم في هذا المكان (جدع السلاح وربط الخيل ) وكذلك انه
اذا حدث خلاف بين شخصين واعتدى احدهما على الاخر فان المعتدي لا يجيره اي شخص منهم ولكن يتم
ارجاعه الى شيخ قبيلته وهو يتصرف بامره . وافق الزعماء الثلاث على هذا الصلح وحلفوا (دين علينا اننا
مانخون هذا الصلح والخاين عليه الله) وسميت هذه الفيضة من ذلك اليوم ( فيضة الاديان) المهم كان هناك
رجلا اسمه ماجد الحثربي من العليان من الخرصه من شمر وكان مولعا بالقنص فكان يذهب كل صباح ولايرجع
الا اذا اظلم الليل ومعه صيده ماجد ماله الا امه ابوه متوفي وماعنده اخوان وكان مفوز التجغيف من
التجاغفى من كبار العمود من الخرصه من شمر (اي انهما يجمعهما فخذ الخرصه) كان عنده اسير ببيته وفي يوم من الايان انحاش هالاسير
وزبن بيت ماجد بغيابه وماكان باليت الا ام ماجد قام مفوز ودخل البيت وقام يجر الاسير معه جته ام ماجد وحاولت ان تثنيه وترده لكنه ماش عيا يطيع وقالت له خاف الله يامفوز هذا دخيل قال اليوم الحقوق
مرفوعه بين العرب ومامن دخيل دام حنا على هالفيضة المهم مفوز مارد على الحرمة وخذا معه اسيره اللي
زبن على بيت ماجد قامت ام ماجد و كفت الدلال على النار واهدمت مقاديم البيت ويوم رجع ماجد واليا هو
يشوف شين يروع العقل الدلال منكفية والنار طافية والبيت مقاديمه مهدمة وجاك يركض واليا امه قدامه
بالبيت وتصيح وتطيح قال العلم وش اللي صار قالت العلم كذا وكذا والبيت اللي مايفك دخيله الواجب ان تطفى
ناره ويهدم بيته لانه ماعاد له قدر بين الناس وكان هذي سواة العجز الاوله تحث عياله على الطيب والمرجلة
والعلوم اللي تبي تبيض الوجه المهم ماجد انغبن وخصوصا انه مهو قادر يسوي شي وهو عارف ان الصلح
بين القبايل الثلاث مكتفه ولايقدر يحترك المهم من الغبن يقوم ماجد ويطوي بيته وياخذ امه ويرحلون يم خواله
الفوارية عمر وفهيد عيال عبيد الفواري وخواله كانوا اهل فروسية وشجاعة المهم رحبوبه خواله يوم جاهم
وماجد كان موصين امه انه ماتعلم احد باللي جرى مايبي يكدر خواله ويضايقهم المهم كان ماجد على عادته
الاولة كل صباح ياخذ طيره ويقنص لكن هالمرة لاحظوا خواله ان ماجد كل ماعود الا مامعه لون من الصيد
والديرة معروفه انها مليانه صيد ليه . ماجد كان يطلع الصباح وينحر ضلعن حول ديرة خواله ويرقاه ويقعد
يفكر بامره وش الحيلة وش الدبرة وش السواة يارب عاوني على مصيبتي هذي . استمر ماجد على هالامر واجهة ايام فارد خواله ان يستطلعوا وش الامر قالوا اكيد انه عاشق وكان ماجد ولد مزيون ووسيم فارادوا
ان يختبروه فارسلوا بنتا عندهم وكانت على قدر كبير من الجمال وقالوله عرضي عليه وكانوا راعي عشق
فهو بيكلمك ويقصد بك المهم يوم جته البنت وقامت تعرض امامه قاله ماجد ( يابنت ماني من اللي بالك سلم الله ارجالك) البنت يوم سمعت هالكلام وهي ترجع لاهله وقالتلهم ماجد موضوعه مهو موضوع عشق
الموضوع حاجة ثانية الله اعلم بها.المهم يوم جا الليل ويجيه خاله عمر وينشد ماجد عن حالته وعن قصته
ويوم كثر النشدة عليه وقام يقصد:







يا عمر ياالمدلاة يـا نـازل الخـوف==اذهبتني وانـت تنشـد لـك أيـام




يا خو فهيد اللي بك الطيب ما صـوف==والكل منكم يشبع الطيـر لا حـام




يا اللي على كل الجماعة بكـم نـوف==عذبتني وانـت تنشـد لـك أيـام




ما تشوف حالي كنها حـال ملهـوف==والا العليل اللي على الزاد صـوام




ولو قربوا عندي من الـزاد بصنـوف==وفوقه فقـار وسيـح الـزاد بيـدام




ولو حنطة البلقا مـع تمـرة الجـوف==ما تقبله نفـسٍ عليهـا الطنـا زام




ولو عرضولي لابس الخصر وشنوف==بارض الخلا عن دار كفر(ن) والاسلام




لو صوتو باللة وامانة عـن الخـوف==مابيه لو انه علـى الـروح عـزام




شفي مفوز شمعـة الغـوش منقـوف==خيالهن وان جن بعثعـث ورضـام




خيالهن وان جن مع الحـزم زفـزوف==مثل الحباري عن شفا الطير خـرام




اللي كساني ثوب اسود وانـا اشـوف==خله يقع في سهر عيني وانـا انـام




ومن عقب ماني قنب صرت انا صوف==اجـود للحضـر المقيميـن فحـام




وان جيت لمجلس لابتي تقل ما شـوف==اقلط الغتـره علـى الوجـه قـدام




وحنا على حرب المعادي بنـا نـوف==امر من طعم الشري عنـد الالـزام




شفي زبون اللي من الحصن مجلـوف==قرمٍ ويروي شذرة السيف لا هـام




اقطع عليه النزل طوف ورى طـوف==واقلط عليـة بربعـة البيـت قـدام




ثـم الهبـه بمصقـلٍ يبـرد الجـوف==ما صوغه عند الصنانيـع بلحـام




اما عليـه البيـض يصفقـن بكفـوف==والا فلا يمشي علـى كـل الاقـدام




وان ما سويـت فـي حـد مرهـوف==وجهي مع الخفرات دقـوه بوشـام




ويوم اصبح ماجد وهو يركب ذلوله ويرجع يم فيضة الاديان عند ربعه الاولين يبي يطلب مفوز التجغيف ويوم وصلهم اليا الليل يوم اظلم عليهم وقام ماجد يتسحب تسحب حتى مايشوفه احد الين وصل بيت عمته ويم شافته قالته وش اللي جابك ياماجد قال جابني حقي اللي خذاه مفوز وقص وجهي به قالت والله ان التجاغفى ربع
مفوز معتلمين انك بترجع ومتحرصين ولاانت بقاويهم لحالك قال الله يهون الامر ومن اصبح افلح ويوم جا
الصبح ويقوم ماجد ويقول لعمته لبسيني لبس حرمه ابي لي عباة وغطوة وعقب مالبس ماجد لبس
الحرمة وهو ينحر الفيضة لان خابرن ان مفوز بهالحزة عند الخبرا يبي يسقي فرس له هناك المهم يوم وصل
ماجد اليا الاخوان الثلاثة كلهم متلايمين حول الفرس واليا هذا فايز ومفوز وفواز المهم مفوز يوم شاف
لمره ( اللي هو ماجد ) قال عدي يامرة واملي قربتك مدرى انه ماجد واليا ساق مفوز رافعن الثوب عنه
وماجد داسن سيفه تحت الثياب ويقوم ماجد ويسحب السيف ويضرب مفوز واليا هو كاسر ساقه وقاطعه
وينهزم ماجد وينحاش ويوم هو بحر اليا هكا المضيف . مضيف شيخ ووجه عليه المضيف هذا هو مضيف
جديع بن هذال شيخ عنزة راعي الحصان ويم طاح مفوز وقامت الناس اللي حول الفيضة تصيح وثارت العالم
واعتلمت شمر وخبروا الجربا مطلق وهي تقوم فرسان شمر ويقوم يطردون ماجد المهم زبن ماجد على بيت بن هذال وهو يدخل على المحرم ( قسم النساء ) حريم الهذال ويربط نفسه بواسط البيت ( العمود الكبير اللي وسط البيت ) وهذا دلالة عند العرب على انه دخيل فزع بن هذال وفزعت عنزة يوم شافوا خيل شمر جايتهم
ويوم اوصلوا واليا مطلق الجربا يقول سلمنا اللي عندك يابن هذال قال من تعوني يامطلق الجربا قال الدخيل
اللي زبن على محرمك ويوم ابتحل جديع بن هذال لكن وش يسوي مابيده حيله فيه صلح بينهم والبيوت
مفروشه يعني محد يدخل احد والجاني محد يزبنه واستخار جديع بن هذال وقام بيسلم ماجد لشمر وكانت بنت
جديع بن هذال بالمحرم وتسمع بالحكي اللي يدور بين ابوه بين شمر ويوم ايقنت ان ابوه يبي يسلم ماجد وهي
تقوم وتقرب اطيب خيل ابن هذال وقالت ياماجد ترا ابوي شيخ وراعي حظ وبخت وهو يبي يسلمك لشمر
مير قم واركب بنت الحصان اطيب خيل عنزة وانهزم عليه وانحر ابن سـويط والله ان مايفكك بعد الله الا هو
كان الله كاتبلك نجاة من الموت المهم ويقوم ماجد ويركب بنت الحصان ووجه على بيت الامير/ دغيم بن سـويط
ويوم شافوه الجربا وفرسان شمر وهم يلحقون باثره ولكن الفرس اللي راكبه ماجد من اطيب الاصايل
وماتنلحق المهم وهو ياصل لبيوت ال ســويط بيوت العز والكرم وحماية الدخيل واكرام الجار وماجد ماكان
يشوف قدامه الا الله ثم ابن سـويط والا ان شمر ليا مسكوه ذبحوه ويوم شاف مضيف ابن ســويط وهو يزبنه
ويفز الامير/ دغيم بن سـويط وكبار رجالات ال ســويط يوم شافوا الدخيل اللي زبن محرم البيت وهو يصيح
دخيلكم دخيلكم وصاحوا ال ســويط كلهم دخل الدخيل وسلم دخل الدخيل وسلم ..وبالحزة هذي كانت
ام الامير/ دغيم بن سويط وهي عجوز طاعنة بالسن كانت توه جايتن من الحج والعبيد يبنون بيته وهو بيت
صغير قطبة عمود واحد يسمونه البدو بويت تصغيرا لبيت والعبيد بنوه جنب المضيف حول ولده اللي كان يغليه
اشد الغلا المهم مافطنوا ال ســويط الا وعجة الخيل جايتن يمه وناصيتن المضيف ويفزعون ال ســويط
ويتسلحون العلم العلم ويوم وصلوا فرسان شمر ويتقدمهم مطلق الجربا قال له ابن سـويط يالله حيهم اقلطوا
ياشمر الله محييكم . قال مطلق ياابن ســويط حنا جيناك نبيك تسلم الدخيل اللي زبن عليك ويوم صار ابن سـويط
في حيرة من امره وش السواة ويوم الله الهمه الفكرة اللي سهلت الامر قال ابن سويط : اسمعوا ياشمر
والله ماجد زبن البويت والبويت هذا ماحضر العهد اللي بيننا ولايمشي عليه شروط العهد وهم يلجون شمر
مايصير مايصير وتقوم فرسان ال سويط والظـفير وهم يصكون على المضيف ويقول ابن سويط ياشمر تعوذوا
من بليس واقصروا الشر ويرد عليه الجربا وقاله يابن سويط حنا ماجينا ندور الشر جينا نبي الحق ونبي دخيلنا
ابن هذال مازبنه حسب العهد وانت الواجب انك تسلمه لنا قال ابن سويط مالك رجالن عندي الدخيل دخيل
البويت ودخل وسلم وهذا الحكي اللي عندي ويزعل الجربا ويقول وهو يتهدد ابن ســويط قال مطلق الجربا اجل
يابن ســويط ( عليك مردود النقا) يعني استعد للحرب والمعركة ورد عليه الامير/ دغيم بن ســويط وقاله ( على ظهور الخيل مبارين ما بردت ظهورهن وأنا أخو دغيمه) يعني حنا مستعدين للمناوخ والحرب كله لعيون الدخيل اللي زبنا ... الله اكبر قمة
العزة والشهامة والشجاعة والاباء والطيب والكرم والله ان الفخر ليقطر ويتصبب عرقا حياء من ابن ســويط
الذي قام بفعل عجزت عنه امراء القبايل الاخرى اتي بمكرمة اصبحت مثلا يحتذى به عند باقي القبايل الى يوم
الدين المهم يوم سمع ماجد الحثربي باللي حصل وهو يرتاح ويستبشر ويجيه ابن سويط قاله ياماجد ابشر
بالعز والله انك عندنا عزيز ومحدن يجيك وإنا نحميك بارواحنا ولايقربك جميع واحد ... المهم يوم سمعت العالم
بالعلوم اللي صارت وهو يثورون وكل قبيلة ثارت من مكانه ودروا ان العلم فيه دم ومعارك وحروب وقامت
عنزة بفرسانها وشيوخها وقامت شمر برجاله وفرسانه وشيوخه تجهزوا للمعركةعلى قبيلة الظفير . وقامت الظــفير
بكل شيوخها وفرسانها وابطالها اللي مايرضون الضيم والذل لدخيلهم قاموا كلهم على قلب رجل واحد تلبية
لنداء ابن ســويط زعيمهم وشيخهم وقائدهم وصارت المعركة من صباح اليوم التالي الين الضحى وماتشوف
الا لمع السيوف وصهيل الخيل ورجف المعركة وسالت الكرام على الكرام واشتبكت فريس الظـفير مع فريس
شمر وعنزه وصكت فرسان السـويط على ماجد وقامت تذبح كل فارس من عنزه أو شمر حاول انه يقرب على حول ماجد واشتغل
الذبح على شمر وعنزه وسالت الدماء وكثرت الجنايز لدرجة انه اختلط الدم بمياه الفيضة حتى اصبح
لون الفيضة احمر وامتلت من الجثث وجنايز الرجال وصارت الهزيمة على شمر وعنزه وينصر الله الظـفير وتنكسر شمر وعنزه وهذي حال العرب منول يومن لك ويومن عليك
المهم وتنتصر الظــفير ويفكون دخيلهم ويحمون ماجد الحثربي من عيال عمه بفعل طيب محدن سبقهم عليه
انهم منعوا جماعته وعيال عمه وقبيلته ان يمسونه بضر او شر ويوم انتهت المعركة وانكسرت شمر وعنزه
وانسحبوا من المعركة وهما مهزومين ورجع ابن سويط للمضيف وفرسان الظـفير يعرضون قدام ابن سـويط
والظفير بالمضيف طاف ورا طاف قال الحثربي اسمحلي يابن ســويط ابقصد .. قال ابن ســويط اقصد ياماجد
ولكن انتبه لاتظلم ولاتسب احد بقصيدك ياشمري .. ابن سويط دارين ان ماجد يبي يذكر الهذال بقصيدته لان
الاولين عندهم سرعة بديهة .. ويقوم يقصد ماجد قصيدته المشهورة الى الان واللي غالبية الناس تحفظها
وترددها واللي اصبحت من اكبر مفاخر الظــفير اللي خذوها بحد السيوف المصقلات وحدوا عدوانهم على
اقصاهم اللين طاعوا عقب ماهم معيين طاعوا غصب ماهو طيب .. والان اترككم مع القصيدة ...
يقول ماجد الحثربي بعد المعركة وانتصار الظـفير على شمر وعنزه وحماية السـويط له:


[color=#ff0000]
ياراكب حمرا من الهجـن حايـل==مبرية الذرعان حمـرا سجلـه




حمرا تشادي مبرمـات المحايـل==وان سل مخطرها مع البير وله




تلفي على الحبلان هـل النقايـل==عيون التيوس مرضعين الاسله




بالعون مـا فكونـي اولاد وايـل==ابشر دخيـل بيوتهـم بالمذلـه




ما ظل لي غير السويطات ظايـل==دغيم ثنى بالسيف دوني وسلـه




السويطات ماهم من هزال الحمايل==من ماكر يفرس من الصيد جله




السويطات يعطون المهار الاصايل==المعرقه وعنانهـا تبعتـن لـه




واخو دغيما القرم ماضي الفعايـل==دخيلهم مـا يمشـي الحـق لله




ومانش ما لمـت عليـه القبايـل==ياكود ما رب الملا كاتبن لـه




واليوم احمد اللة بهـاك المسايـل==بايمن زرود ونازل عثعثٍ لـه




وارعى بظل عصيل ولاني مسايل==عند المزيني مطلـعٍ شذرتلـه




ولاسلت عن راس بة الزوم طايل==ياكود سعدون وانا شاهدن لـه

والقصيدة واضحة وابياتها تحكي عن مضمونها ..اخو دغيما هودغيم بن سـويط أمي قبيلة الظفير ...
وقاموا ال ســويط وحطوا في البويت شقة بيضاء(خرقة) واصبحت شعارن لهم من هكاليوم الى اليوم وهي دلالة على حماية الدخيل ...
وهذي قصة الحثربي اللي اصبحت ملحمة سطر فيها الظـفير اروع الامثلة بالحمية والشجاعة والاقدام والبطولة وبحماية الجار والدخيل..
وقد ذكر احد الشعراء الظـفير هذي القصيده وقال:







والحثربي فكوه والجمع يردم بمصقلات طلعت من خباهـا




عيوبه المرشد على كل من زم ياسعد والله من لجا في حماهاcolor
] ]ا





أرق التحية واعذبها......
مخاوي الليل والنهار........















آخر تعديل مخاوي الليل والنهار يوم 14-Feb-2011 في 09:25 PM.
رد مع اقتباس
غير مقروء 15-Feb-2011, 03:42 AM رقم المشاركة : 2
معلومات العضو
خيال العشوى مطرفي
عضو فعال
إحصائية العضو





التوقيت


خيال العشوى مطرفي غير متواجد حالياً

افتراضي

يامخاوي الليل والنهار فخذ الحبلان من عنزه
ما له شغل بالمعركه المعركه بين الظفير وشمر وانتصرت الظفير
ولمعلوميتك
فيضة الاديان هذي كانت من اراضي الظفير وشمر
واخذوها الحبلان بسيوفهم وليومك هذا وهم اهلها
وعام 2009 وانا مالي خيشتين فقع منها


تقديري















رد مع اقتباس
غير مقروء 15-Feb-2011, 05:44 AM رقم المشاركة : 3
معلومات العضو
عبدالمحسن العنزي
موقوف لمخالفة الأنظمة
إحصائية العضو





التوقيت


عبدالمحسن العنزي غير متواجد حالياً

افتراضي

والله ياخوي مخاوي الليل والنهار مدري وشلون هالقصة يسب اللي وفا لله تعالى ابن هذال وابن سويط والجربا تعاهدوا يمين بالله ثم نكث ابن سويط (( حسب القصة اللي قلت )) ووفا ابن هذال لله ولم يفي للحثربي والله ان الوفاء باليمين لله عن ايواء المحدث من صميم تعاليم الدين الاسلامي والحثربي رجل كما تقول في القصة غادر لبس زي أمرأة ومفوز قاله يحسب انه مره اسقي يابنت ثم ضربه بالسيف وقطع رجله وانهزم انا لا اعلم حقيقة وش الفخر في هذا ؟؟؟

....... الظفير من القبائل العريقة والعزيزة لكن هذه القصة ما اعتقد ان فيها فخر ان ينكث الرجل بيمينه لله تعالى بعد ان حلف اليمين بأن لا يؤي محدثا ...

بعدين جديع قبل هذه القصة جديع نجدي لم يرحل للشمال والقصة اذا كانت حقيقة فهي لعبدالله المحزم او فهد أما جديع فلا اعتقد هذا ...



وجهة نظر وللاخوان ان يوافقوني او يقولون لي غلطان تراي فهمي على قدي .... وشكرا لك ...















رد مع اقتباس
غير مقروء 15-Feb-2011, 09:50 AM رقم المشاركة : 4
معلومات العضو
وائلي
عضو ذهبي
إحصائية العضو





التوقيت


وائلي غير متواجد حالياً

افتراضي

هذه تسجّل لصالح عنزة وتثبت صيانتهم للعهد وحفاظهم عليه على مر العصور وهم مشهورين بعدم البوق والحفاظ على العهد والمواثيق .








.................................................. ..........................

.................................................. .........................

الاداره















آخر تعديل وائلي يوم 15-Feb-2011 في 10:03 AM.
رد مع اقتباس
غير مقروء 18-Feb-2011, 05:18 AM رقم المشاركة : 5
معلومات العضو
سناعس
موقوف لمخالفة الأنظمة
إحصائية العضو





التوقيت


سناعس غير متواجد حالياً

افتراضي

والله وستين نعم بالظفير اهل البويت ماهي غريبه عليهم...... كما ان الثانيه ليست غريبه ايضا

ياضبيب لو ذبحة كل الزماميل............ذبحة دخيل البيت ماترفع الباب

وايضا قصة مقتل هذلول الشويهري الذي دخل على العنزي في بيته ولكن عقاب العواجي لم يعترف

بهذه القوانين وذبح هذلول وهو دخيل على ابن عمه















رد مع اقتباس
غير مقروء 18-Feb-2011, 10:04 AM رقم المشاركة : 6
معلومات العضو
وائلي
عضو ذهبي
إحصائية العضو





التوقيت


وائلي غير متواجد حالياً

افتراضي

لاتنسى ياسناعس عبيد ابن رشيد يوم قتل الاسراء في معركة بقاء بينه وبين اهل القصيم ومعهم ابن ضبيان من الدهامشة قتلهم بعد ان عطاهم الامان .

يقول عبيد

اللي ذبحت بشذرة السيف تسعين .. ايضاء ولاني عن ذبحتهم مسايل .

ورد عليه الخطيب من اهل الرس

انا احمد اللي شدت العشر عشرين
,,,,,,,,,,,,,,,,,,,,,,,, واهل القصيم اطفو معاميل حايل
ابطو يحسبون البطا يغدي الدين
,,,,,,,,,,,,,,,,,,,,,,, والدين مثل الوسم بين القبايل
وياللي ذبحت بشقرة السيف تسعين
,,,,,,,,,,,,,,,,,,,,,,, ياعنك فيها ماكسبت النفايل
ذبحت ناس لهم يومين مضمين
,,,,,,,,,,,,,,,,,,,,,, من الضمى قد قلصن الصمايل

ونبي نجيب الفاس ونقطع الغين
,,,,,,,,,,,,,,,,,,,,,ونذكره عصر(ن) مضى بالاوائل















رد مع اقتباس
غير مقروء 18-Feb-2011, 11:41 PM رقم المشاركة : 7
معلومات العضو
سناعس
موقوف لمخالفة الأنظمة
إحصائية العضو





التوقيت


سناعس غير متواجد حالياً

افتراضي

اقتباس:
المشاركة الأصلية كتبت بواسطة وائلي مشاهدة المشاركة
لاتنسى ياسناعس عبيد ابن رشيد يوم قتل الاسراء في معركة بقاء بينه وبين اهل القصيم ومعهم ابن ضبيان من الدهامشة قتلهم بعد ان عطاهم الامان .

يقول عبيد

اللي ذبحت بشذرة السيف تسعين .. ايضاء ولاني عن ذبحتهم مسايل .

ورد عليه الخطيب من اهل الرس

انا احمد اللي شدت العشر عشرين
,,,,,,,,,,,,,,,,,,,,,,,, واهل القصيم اطفو معاميل حايل
ابطو يحسبون البطا يغدي الدين
,,,,,,,,,,,,,,,,,,,,,,, والدين مثل الوسم بين القبايل
وياللي ذبحت بشقرة السيف تسعين
,,,,,,,,,,,,,,,,,,,,,,, ياعنك فيها ماكسبت النفايل
ذبحت ناس لهم يومين مضمين
,,,,,,,,,,,,,,,,,,,,,, من الضمى قد قلصن الصمايل

ونبي نجيب الفاس ونقطع الغين
,,,,,,,,,,,,,,,,,,,,,ونذكره عصر(ن) مضى بالاوائل

اولا عبيد ذبحهم في ارض المعركه ولو قريت البيت زين تعرف انهم لم يكونون دخلاء حتى تستشهد


ذبحت ناس لهم يومين مضمين
,,,,,,,,,,,,,,,,,,,,,, من الضمى قد قلصن الصمايل

هذا البيت يبين انهم مضمين يعني بعد الهروب من ارض المعركة وليسوا دخلاء كما قلت سابقا


ثانيا ابن رشيد يمكن يكون ذبح اسراء من المعارك ولكن اللي يدخل عليه مايذبحه وعلى فرض

انه ذبح ابن رشيد يتعامل معهم كتعامل الدولة مع الارهابين والعصاة



بخلاف قوانين القبائل البدويه















رد مع اقتباس
غير مقروء 19-Feb-2011, 05:32 AM رقم المشاركة : 8
معلومات العضو
خيال العشوى مطرفي
عضو فعال
إحصائية العضو





التوقيت


خيال العشوى مطرفي غير متواجد حالياً

افتراضي

سناعيس لاتألف قصص
عقاب يوم رثعه بكم يجيكم بدياركم ويذبح رجالكم ويأخذ اراضيكم
ويخلي سبيل اشباه الرجال منكم

مهو بحاجة كلامك فعايله تتكلم واضي شمر تصيح


وش تقول عن شيخكم اللي جاكم من قحطان وتأمر عليكم ولا لقى من يرده منكم
يوم يجيه مشل مسير ويسجنه .ويخون العهد لياما الرجال عكفو رقبته .!!

وش تقول بشيخ الشريفات من شمر
يوم ضافه العنزي وعشاه وفرشله وقعد الصبح بس مكان الضيف اللي هو شيخ الشريفات من شمر
سارق بكره ومنحاش هههههههه


وش تقول بالشمري اللي فكوه المطارفه من الظفير
وشوي ويسري عليهم بالليل يبي يسرق هو ومعه جماعته وعطوه حقه هل العشوا

وهذي جزء من قصيدة ابو الشمري

نسيت يامنـاع ياجاحـد الثنـاء يوم يسام الضان في جل نيبهـا
ونسيت يامنـاع كـون علينـا من طلعت البيضا لحزت مغيبها
ولاقلت شيء غير كلـه تخبـره طير الجريعا بشر الصبح ذيبهـا
ولاقلت شيء غير عيني تشوفه وكم خفرة خلوه تنعـى حبيبهـا
وسعود يامناع ذعـار السبايـا له صيحة باللازمة يندعي بهـا
تبي نياق سعود من كبر قلبـك وكم سربة يهفيه ما احد دريبها
فوق البريصا كنه البرق خاطف هملول صيف فوق متنه سبيبها
شلك صبي الجود من فوق عندل سعود ذعار الخيل وابوه ذيبهـا
كم ابلج عشاه سحم الضـواري والضبعة العرجا تعلم صحيبهـا
ابداوتك منهـم اصيـل تشبـاء سعود يحرمهـا وليـه تجيبهـا
والله يالولا طيبهـم مانشوفـك ماشفت ربعك وين تالي ذهيبهـا
زبنت انا منجـورة اولاد وائـل قبيلة ياعز مـن يلتجـي بهـا
وان احمد الله شاف فعل ذكرتـه وهرجي عليه شهود والله رقيبها
بمصقلات الهند ومزرج القنـاء وشلف نهار الكون تاكل حريبها















رد مع اقتباس
غير مقروء 19-Feb-2011, 06:10 AM رقم المشاركة : 9
معلومات العضو
سرحان الشيباني
عضو ماسي

الصورة الرمزية سرحان الشيباني

إحصائية العضو






التوقيت


سرحان الشيباني غير متواجد حالياً

افتراضي

والنعم والله بالظفير وشمر وعنزه وماقصرت يامخاوي















رد مع اقتباس
غير مقروء 19-Feb-2011, 01:37 PM رقم المشاركة : 10
معلومات العضو
سناعس
موقوف لمخالفة الأنظمة
إحصائية العضو





التوقيت


سناعس غير متواجد حالياً

افتراضي

اقتباس:
المشاركة الأصلية كتبت بواسطة خيال العشوى مطرفي مشاهدة المشاركة
سناعيس لاتألف قصص
عقاب يوم رثعه بكم يجيكم بدياركم ويذبح رجالكم ويأخذ اراضيكم
ويخلي سبيل اشباه الرجال منكم

مهو بحاجة كلامك فعايله تتكلم واضي شمر تصيح


وش تقول عن شيخكم اللي جاكم من قحطان وتأمر عليكم ولا لقى من يرده منكم
يوم يجيه مشل مسير ويسجنه .ويخون العهد لياما الرجال عكفو رقبته .!!

وش تقول بشيخ الشريفات من شمر
يوم ضافه العنزي وعشاه وفرشله وقعد الصبح بس مكان الضيف اللي هو شيخ الشريفات من شمر
سارق بكره ومنحاش هههههههه


وش تقول بالشمري اللي فكوه المطارفه من الظفير
وشوي ويسري عليهم بالليل يبي يسرق هو ومعه جماعته وعطوه حقه هل العشوا

وهذي جزء من قصيدة ابو الشمري

نسيت يامنـاع ياجاحـد الثنـاء يوم يسام الضان في جل نيبهـا
ونسيت يامنـاع كـون علينـا من طلعت البيضا لحزت مغيبها
ولاقلت شيء غير كلـه تخبـره طير الجريعا بشر الصبح ذيبهـا
ولاقلت شيء غير عيني تشوفه وكم خفرة خلوه تنعـى حبيبهـا
وسعود يامناع ذعـار السبايـا له صيحة باللازمة يندعي بهـا
تبي نياق سعود من كبر قلبـك وكم سربة يهفيه ما احد دريبها
فوق البريصا كنه البرق خاطف هملول صيف فوق متنه سبيبها
شلك صبي الجود من فوق عندل سعود ذعار الخيل وابوه ذيبهـا
كم ابلج عشاه سحم الضـواري والضبعة العرجا تعلم صحيبهـا
ابداوتك منهـم اصيـل تشبـاء سعود يحرمهـا وليـه تجيبهـا
والله يالولا طيبهـم مانشوفـك ماشفت ربعك وين تالي ذهيبهـا
زبنت انا منجـورة اولاد وائـل قبيلة ياعز مـن يلتجـي بهـا
وان احمد الله شاف فعل ذكرتـه وهرجي عليه شهود والله رقيبها
بمصقلات الهند ومزرج القنـاء وشلف نهار الكون تاكل حريبها
ياحليلك والله اما عاد عقاب فهذي قصته قصه يغير على الحضر اهل البقر والفلاحه يوم ان اغلب شمر

هاجروا لكن عقبين جوه ستين رجال ههههههههه

ترى والله بجد فشيله ستين رجال يغزون قبيلة كامله كثر الجراد ويذبحون شيوخهم وجاي عندي

تمدح في عقاب ياعمي طير بس

وانا ودي تعلمن ليش عقاب نذر انه يذبح هذولا وذبحه وهو دخيل عند ابن عمه وش السبب


ثالثا حنا نتكلم عن الدخيل وهذا رجال لاهوب شمري ولاشي يقو دخل عليكم ومسحتوها بالمحرم

الله يصلحك بس















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:51 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي