ابــراهيـــم الجــــذع

[مطني الحافي]

يامرحبا يابراهيم الجذع ترحيبة الطيب=في منتدى ربعك الهيلا رفيعين المقامي
وين انت يالشايب اللي كل ليله تدهن الشيب=يبا يجيك الصبح والهوش فالميدان حامي

[خلف المطيري]

الله الله

صح السانك مستواك كل يوم في صعود

وصح السان ابونايف مقدما

متابع لكم

[مطني الحافي]

مرحبا ياخلف

[ابراهيم الجـــــذع]

دام البقا يا المرحب عن مكملت المواجيب=خلك على وزنتك هذي ونعطيك الوسامي
ماني بشايب ومن عاداتنا فرك الأشانيب=مير أنتبه لا تنوش السيف قصاص العظامي

التوقيع

الذم ما يهفي للأجواد ميزان=والمدح ما طول قصار الأيادي

[عبدالله العضياني]

صحت الألسن والقلوب


شعاااار ولا عليكم كلااام


واصلواااا يا مبدعين

[ابراهيم الجـــــذع]

صح بدنك يا أبو عبدالله

شرفنا مرورك

[ابراهيم الجـــــذع]

صح بدنك أخوي عبدالله

اشكرك على الإطراء

شرفنا مرورك

[مطني الحافي]

عكف المناقير فيها فرق عن عكف المخاليب=والفرق واضح وحتى لو تشابه فاالاسامي
الشيب مافيه يابراهيم عيب ولاعذاريب=ان كان لاحقك يابراهيم شكه من كلامي

[مطني الحافي]

عبدالله العضياني

صح بدنك


والابداع وجودك طال عمرك

[ابراهيم الجـــــذع]

ما بينها فرق غير بصيدها لـــ الصيد اساليب=أنا بوقت الهداد اهد لي حرٍ قطامي
والله ما حولنا يا صاحبي شكه ولا ريب=لكن لابد نور الحق ما يجلا الظلامي