الدين جاء الخمسين و الراتب الفين

[فيصل مطر]

المشاركة الأصلية كتبت بواسطة أبن حشيان

ابو مطر صح لسانك ياسنايدي

بس عناد الشيباني خله يضحك ساعتين مهوب سنتين حكمك جاير ؟

ليش ماتخاف من الله؟ وبعدين قصيدتك هذه قديمه على ماعتقد ؟ الوقت الحاظر مافيه راتب الفين


وقت زيادات من ابو متعب الله يطول في عمره ولاعاد به راتب الفين حتى المتقاعدين القدامى الي على وقت

الملك عبد العزيز وكانت رواتبهم ضعيفه زودها يلاء ثلاثه الاف


ماعليش طولت الكلام ولاكن اعذرني ولك الشكر والتقدير

ابن حشيان الله يعافيك
اما فيما يخص عناد مافهمت منك شي عرض طول ولاكن اترك الرد لخوي عناد لانك داخل متصفحي
وتكلم عنه
واما فيمايخص الرواتب اناخدمت في وزارة الداخليه والحرس الملكي والحرس الوطني كلهاراتب الجندي فيها 1800دون بدلات وبالبدلات ياصل 3000في الحرس الملكي ويخصم عليك500-أعاشه
والحرس الوطني ياصل بالبدلات 2606ويخصم 500-أعاشه ويصفي2106وكان ماعليك دين غن وطوح جاك السحاب مروح..واما,المتقاعد يابن حشيان راتبه 800ريال ايذكان ماكمل الخدمه قبل زيادة عبدالله وكثيرمنهم لايزال على ذالك حتى الان وانت وتقول عبدالعزيز,,وقبل زيادة الملك خالدوآخرعهد فيصل راتب الجندي 170ريال ؟؟؟منين عطى عبدالعزيز2000الله يجزاك
تحاتييي يابن حشيان لاهنت

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عناد الشيباني]

هههههههه

الله يضحك ايامك يابن حشيان..

!!

[عايض جزاء العصيمي]

ماتضيق الا تفرج


صح لسانك وتقبل مروري

تحياتي

[فيصل مطر]

ابو جزاء صح بدنك وشكرا على مرورك العطر وتنفرج انشالله

كلماحانك الظلام قرب نورالفجر

تحياتي

[عـقـــــــــــاب]

أظنه أول ماطرى علاك هذا البيت

ولــــي لـعـلــك خــوتــن مــــا تـعـيـديــن=الــي علـيـهـا الـحــض الاقشـرحـدانـي

عالعمووووم صح صح صح الله لساااانننكـكــكـ

[ظلال السيوف]

المشاركة الأصلية كتبت بواسطة فيصل مطر

السلام عليكم

اخواني الكرام اعضاءمنتدى الهيلا عتيبه الشامخ بوجودكم اطرح امامكم هاذي الابيات المتواضعه آمل انتحوز على رظاكم

جارو علينـا القـاده العسكرييـن=جارو علينـا عقـب جورالزمانـي
نشقى ونتعب وأهمه المستريحيـن=اللـيـل كـلـه والنهاررثعـنـاي
والدين جاء الخمسين والراتب الفين=ولياء طلبـت المغتنـي ماعطانـي
في ديرتن فيها يشيب أسود العيـن=وعلومنـا تبغـي لهـا ترجمانـي
فيها أجتمعنا بالصلـب والبعيديـن=ويقال في حكم الاهـل والاخوانـي
ولـي لعلـك خوتـن ما تعيـديـن=الي عليها الحـض الاقشرحدانـي

مع تحيات اخوكم
(فيصل مطر)

وإن أصدق بيت أنت قائله *** بيت يقال إذا أنشدته صدقاً
صدقت يافيصل و صح لسانك
ماشاء الله عليك شاعر شعرك ينبض بالجوده والفكاهه

[فيصل مطر]

المشاركة الأصلية كتبت بواسطة عـقـــــــــــاب

أظنه أول ماطرى علاك هذا البيت

ولــــي لـعـلــك خــوتــن مــــا تـعـيـديــن=الــي علـيـهـا الـحــض الاقشـرحـدانـي

عالعمووووم صح صح صح الله لساااانننكـكــكـ

وش تشوف عيونك اتركني من ظنونك وبعدين على فكره مبروك الانظمام لرابطة محبي الهيلا

نحييك ونحيي بسمك رابطة محبي الهيلا

وصح بدنك وشكرا على مرورك الكريم يابن الاكارم

تحياتي

[فيصل مطر]

المشاركة الأصلية كتبت بواسطة ظلال السيوف

وإن أصدق بيت أنت قائله *** بيت يقال إذا أنشدته صدقاً
صدقت يافيصل و صح لسانك
ماشاء الله عليك شاعر شعرك ينبض بالجوده والفكاهه

صح بدنك وشكرا على مرورك الرايع ايوه الشاعر العربي الفصيح لاعدمتك

تحياتي

[قيس العازمي]

صح لسانك يافيصل


والله يعينك لن كان صادق


لكن لاتجحد نعمة الله عليك

تقبل مروري

[عـقـــــــــــاب]

,,


الله يباركـ فيكـ

..


لكن أسلوبك فكاهي ونفس الوقت داهية

,,


هذا مايميز قصيدك طال عمرك