قصيدة(2): للشاعر عبدالمعين بن عقل بن ثعلي الروقي العتيبي (في مدح الشيخ فيحان)

[ابن نجد]

هذه قصيدة عبد المعين بن عقل بن ثعلي الروقي العتيبي والتي قالها في الشيخ فيحان بن هذال بن فهيد الشيباني العتيبي ، والذي كان ابوه قائدا فذا وشيخا للشيابين ، وأحد ركائز قوة قبيلة عتيبه الشهيرة.

وقال عبدالمعين قصيدته التاليه بعد ان قضى الشيخ فيحان حاجته ، وارسل له القصيدة تعبيرا عن شكره :

يا اهل الونيت اللي جديد (ن) مديله
ورد مديله عام خمس وثمانين

ماوردوه الا لمن يستويله
مامهجوه مدورين البعارين

شيلوا عليه وخففوا من مشيله
من وادي (ن) عله صدوق المقابيل

وادي (ن) لعل الغيث يسقي مسيله
وادي المزارع والنخل والبساتين

سجوا لاطراف الفريع ونجيله
يوم اذن المذن لفرض المصلين

ولا إليا راقد خليلن لخلايله
يسري به اللي يسرى من الليل ثلثين

والخط والله مايبيله دليله
خط الجنوب اللي عليه الشيابين

تلقى المجالس والبيوت الضليله
وهذي عوايدهم من اول وهالحين

اهل بيوت (ن) مدورين الجميله
في واجب الدنيا وفي واجب الدين

سلم على فيحان شيخ القبيله
شيخ القبيله والقبيله مطيعين

وقله يابو نواف زبن الدخيله
يا كاسب الجملا اولوف وملايين

مشكور في مد العطايا الجزيله
وألكم على صنع العطايا قوانين

مهوب رديان الوجيه البخيله
هرامة المجلس كروه المعاطين

ولا انت من ساس الحصان الاصيله
هذال اخو هملا صعوط المجانين

زيزوم نمر مثل نبو الرفيله
لشد ناصيهم يشدون مقفين

وألهم على بوش الضديد تحويله
يردون الصادرين المغـبـيـن

مروين مذلوق الرماح الطويله
لامثالهم وامثالهم مستعديـن

وأليا عصوهم للعصاة الاصيله
للحق للذي قر قرت موازين

نرجو ان تحوز القصيدة على اعجابكم
----------------------------------------------------------------------
زماننا غير زمانهم وحتى نتذكر الاولين
اخوكم / ابن نجد

[ابن مشيب]

قصيدة في قمة الجزله , من شاعر من كبار الشعراء.

مشكور يابن نجد على ماتقدمة من مشاركات في قمة التميز.

[ابو فراس]

ابن فهيد كفوا لهذا ويستاهل اخوهملا

وصح لسان الشاعر

وسلم الله من نقلها لنا

[أبو فهد]

تسلم يا بن نجد ويعطيك العافية

ودائما متميز في معطياتك ، وصح لسان الشاعر عبدالمعين ونسأل له طولة العمر

[مـــديوس]

تسلم يا بن نجد ويعطيك العافية مـــشكورر على هذه القصه
تحياتي
مديوس