جريدة الراي الكويتية تنشر قصيدة ( سفينة الحرية ) للدكتور حمد العصيمي ، وتشيد بها

[عبدالله العصيــمي]

السلام عليكم ورحمة الله وبركاته


وتأكيداً على جماهيرية (( الداهية ))

نشرت جريدة الراي الكويتيه ، قصيدة ( سفينة الحرية ) للدكتور حمد العصيمي

وذلك في عددها الصادر يوم السبت الماضي ( 5 يونيو / 2010 )


وهذا رابط الخبر

http://alraialaam.com/Alrai/Article....&date=05062010


وهنا نص الخبر





سفينة الحرية
ارسال | حفظ | طباعة | تصغير الخط | الخط الرئيسي | تكبير الخط

| شعر: د. حمد العصيمي |

الأخ الإعلامي الشاعر نايف بندر ارسل لي عبر الايميل هذه القصيدة وهي للشاعر المبدع الدكتور حمد العصيمي، القصيدة تتحدث عن الاحداث الاخيرة وما تعرض له اسطول الحرية من قبل الصهاينة المجرمين وتتناول شرح وضع الحال السياسي، الحقيقة اعجبتني كثيراً بمفرداتها وقوة صياغة ابياتها وما تحمله من معان جميلة وتصوير اكثر من رائع، نشكر الاخ نايف بندر وصح الله لسان قائل هذه القصيدة الدكتور حمد العصيمي

تغانم كذبة الحرية وسافر بها البحار
يلاطمها البحر والخوف من قبله يلاطمها
تهادت مثل طفلة تحمل البلسم لابوها البار
وهو فاخر رمق ووصايته بالدم خاتمها
يسابقها الزمن وتسابقه في رحلة الاقدار
على رجوى القدر يرحم ابيها قبل يرحمها
بريئة والبريئة ما تعرف ان البحر غدار
ولا البحار عن قول (البحر غدار) علمها
تناهشها كلاب البحر الابيض من يمين يسار
على مرأى من عيون البشر تبغى تقاسمها
بغت كسر الحصار وصابها لاجل الحصار حصار
بغت شط السلام وللقيود الشط سلمها
يا غزة كم تساقط لاجل عينك فالبحار احرار
وكم طاحت رؤوس ٍ ما اعتلاها الا عمايمها
وكم مات بسبب شح الموارد في ثراك اشجار
وكم ذبلت عروس.. اسوارة الخطبة بمعصمها
وكم داسوا طرف ثوبك عبث(شعب الله المختار)
واباحوا عورتك والله فالتوارة حرمها
وش اللي ترتجينه من عرب لبسوا ثياب العار
عرب تحلم بنصر الله وتصحيها هزايمها
تبين الثار يا غزة ترى حنا قضينا الثار
واخذنا مجرمين الحرب في تهمة جرايمها
قضينا دمك المهدور فالمرقص وفوق البار
واخذنا الثار بالاف الكؤوس اللي نحطمها
تسيدنا المنابر بالخطب والسيد الدولار
ينسقها على كيفه ويبداها ويختمها
رخصتي في نظرنا لين غليت عندنا الاعمار
تغانمنا ملذات الليالي ونتغانمها
طبول الحرب بعناها بسوق الطبل والمزمار
وصارت سلعة ما بين بايعها وسايمها
يا غزة سامحينا واعذرينا معشر الشعار
ترى الشعار ملعقة الذهب تلعب على فمها
قصايدنا تسول في بيوت المال والتجار
عرايا جايعه من يكسي العريا ويطعمها
كسوها بالدراهم واطعموها القرش والدينار
جواري تخدم السادات والشعار تخدمها
دخيلك تسقطينا من حساباتك ترانا اصفار
على هامش تواريخ البطولات وملاحمها
ابو تمام عمره ما نقل حربه ولا مهيار
ولا المتنبي اللي قعد الدنيا وقومها
ولا من صرخة بيوت القصايد يولد الثوار
ولا كذبة مناديل السلام ولا حمايمها
ولا من خارطة تندار بامر الكرسي الدوار
ولا تعويذة اصحاب التعاويذ وتمايمها
من الزيتون بكرة يولدون الصبية الاطهار
صغار اجسام لكن تذهل الدنيا عزايمها
نساؤك ينجبن عيال وانت تنجبين حجار
الى ان تنجب الانصار من يحمي محارمها
فامان الله يا غزة وانا واحد من الشعار
احاسيسي عجز حبري على اوراقي يترجمها
على وجه العروبة ودي اكتبها بماء النار
وتبقى ندبة فالوجه ما تمحى معالمها

[@ـايل]

الله الله ..

صح لسان الدكتور وبيض الله وجهه ووجهك ياعبدالله

فعلا داهية الدواهي

..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[فهد علي العازمي]

ياكم هو شاااااعر كبير
دكتور شعر
والله إن قصايدة كلها مثل النقش
بس ليييييييش الغيييييييياااااااااااااااااااااب

[خلف الروقي]

صاروخية لله دره

انشهد انه كفى ووفى

صح لسانك ياحمد وبيض الله وجهك


واشكرك ياعبدالله لاهنت والله يسلم يمينك

[ابو خالد النفيعي]

بيض الله وجهك اخوي عبد الله

[عبدالله العصيــمي]

مشكورين على التواجد

وبيض الله وجيهكم

[محمد ابن رووق]

من اجمل ماقريت خلال سنين


فعلا هي معلقه


هكذا الشعر


ياليت لو تكتب القصيده بالتنسيق





من سماها داهيه ما اخطأ



لاهنت يالعصيمي

[ابو جزا العصيمي]

يعطيك العافيه يادكتور بيض الله وجهك على وجه العروبة ودي اكتبها بماء النار
وتبقى ندبة فالوجه ما تمحى معالمها

والله بيت لو الواحد يفكر فيه شوي وشكر خاص من اخوك ابو جزا العصيمي

[علي الطريسي العصيمي]

ابداع وللامام يادكتور ومشكور ع النقل ياعبدالله وتقبل مروري

[ناصر العصيمي]

صح لسان الدكتور الشاعر حمد
وشاكرين لك نقل الخبر