نكبر وتكبر أمانينا وواقعنا .. .. ماهو براضي يحقق نصف أمانينا
الوقت يمكن بدوراته يضيّعنا .. .. يمكن نضيّع ملامحنا واسامينا
وجه الرجا من زمانٍ فات بايعنا .. .. والياس قد له زمانٍ فات شارينا
من كثر ما نسمعه ملّت مسامعنا .. .. أكبر بلاوي لنا نسمع بلاوينا
ومن كثر ما ننظره جفّت مدامعنا .. .. ما عاد تبكي على الدنيا بواكينا
الصبر ما طاقنا والصمت يقنعنا .. .. والخوف يضحك لنا والمجد يبكينا
والجد ما نزرعه واللهو زارعنا .. .. دانا دوانا ولكن من يداوينا
لا نبلغ الجد إلا في تمتعنا .. .. وَلا نثابــــــــــــــــــرُ إلا في تمنينا
يعرف تشتتنا يجهل تجمعنا .. .. قلت مفاخرنا كثرت مآسينا
من كثرنا تشكي الزحمة شوارعنا .. .. ومن قلّنا يشكي الذلّة منادينا
نعصي بعَضنا وحنا للزمن طعنا .. .. جينا ورحنا ولا رحنا ولا جينا
حتى قلمنا يعاني كذب أصابعنا .. .. نكتب ومحّاية التاريخ تمحينا
الفعل ما نقدره والحكي مطمعنا .. .. والناس تنظر لنا والموت قافينا
لا ذا زمنّا ولا هذي طبايعنا .. .. هذا جزانا على كثرة معاصينا
إنّا بعصرٍ مذلٍّ صار اشجعنا .. .. من قال في نفسهِ خابت أعادينا
ونحن ياعصر لو تكثر تواضعنا .. .. قد سجلت صفحت الأيام ماضينا
يميتنا الحي لو بالذل أركعنا .. .. ومن يموت بعز النفس يحيينا
بريك بن هادي المري
« آخـــر الـــمـــشـــاركــــات »
13-Feb-2012, 05:40 PM
نكبر وتكبر أمانينا وواقعنا .. .. ماهو براضي يحقق نصف أمانينا
العرض العادي
