العنوان/الشاعر القديم الجديد
السلام عليكم ورحمة الله وبركاته
حبيت أشارككم بهذا الموضوع وعنوانه ربما يعبر عن رأيي انا وحدي فالشاعر القديم الجديد هو رجل كبير في السن له قصائد جميلة اكتشفتها للتو واعجبتني كثيرا" وارجوا ان تعجبكم انتم كذالك ........
الشاعر هو (عليان بن ملفي الهباع )هو من قبيلة المراشدة من عتيبة واشتهر بالكرم والجود ودماثة الأخلاق وحسن الرأي وصوابه ... وبمااني لااريد ان اطيل عليكم فمن قصائده هي اللتي في النصح اللتي يوصي فيها أبنائه...
يقول الشاعر/ عليان :
من ضنتي بنايف ونياف وذعار=احسب لهم وابذل عليهم نذاره
ياعيال اوصيكم على شبت النار=وبحط بنن لايقلل ابهاره
وخلك احجاجك طلق لاجاك خطار=ترى الكلام الزين ملح الوقارة
الضيف له فالبيت واجب ومقدار=بضلال لايونس لهيب الحرارة
ولايلوفه النسري وزانك بالاجهار=ليامن شفت البرد قنا اغباره
ولاتصيرصلفينن على نايدالجار=ترى النبي كرم خويه وجاره
ولاتحسن اللحية ترى حسنها عار=لحية هل السنة تراها امجارة
حفافت الشارب لياطال بقصار=اهل اسبال(ن)كرِمِت بالطهارة
هل الدروع وراكبت قحص الامهار=واهل السيوف اللي تقض الفقارة
وخلك على عوجا من الربع صبار=لاصار مايلحقك منها عيارة
وان عفت من ديرة تنصوا لكم دار=السوء ماينقام بأطراف داره
رأي المسدد قطع مصلت وبتار=وخلك حديد ومحتزم للامارة
ونجي الدخيل ولاتسمَع للاشوار=من تل زبانه حياته خسارة
وانقل سلاحك معك ضد الاشرار=ومن عال عاين مذبحه حول زاره
والرجل ياخذ قيس من صاح الأفكار=ويصير بالرجال حلو ومرارة
الحلو للي جاك بالطيب زوار=والمر عطه اللي تعومس اقماره
وصل اركعات(ن)ينفعنك بالأسحار=قبل عمودالصبح ينباج طاره
ترى الولد فاني ويبلن الأعمار=ولا علق الميزان يؤخذ قراره
لاعلق الميزان للشر والخار=فالآية الذرة تراها حذارة
اما القصيدة التالية هي في الكرم
ويقول فيها:
(مجلس الغانميني)
نبي لنا بيت(ن)لياقام ينشاف=قدم الخيام له سمار(ن)يبيني
اربع اقطاب(ن)فيه وبعيدالأطراف=انا أشهدانه مجلس الغانميني
فيه الحطب والنار ودلال(ن)ارداف=ومجهزن للضيف فيه السميني
اسود جديد وزين ماهوب وكاف=لاقامت النذرة تصب الغشيني
نبنيه فالعبلة قدم كل مشعاف=يم الينوفي قبلته من يميني
وان كان سندنا حبر كل مصياف=ترعابه العرا وتصبح سميني
منزال اهلنا قبل حكم الأشراف=ماقدموا عاني على الحاربيني
حنا بدو والبدو ماجاهم اخلاف=بدو(ن)بكل اسلومهم طيبيني
امقدمة للضيف الأكرام ولحاف=ماقال صكوا بابنا لايجيني
وانا مابي فلة ولابنك واسلاف=ولانيب زراعن مع الزارعيني
ابغا الخلا والبل واعدي بمشراف=ويوم انهض الدربيل كلش يزيني
وام الحوير نيها فوقها ارداف=لاشفتها يبرى الفؤاد الحزيني
يازينها زيناه قدام الأسلاف=ويازينها زيناه وقت القطيني
وهذي مقتطفات من قصيدة له في مدح القبيلة
يقول شاعرنا:
وحنا نزلنا فالهضاب المنيفات=مابين حبر وبين وادي الجريري
بمروبعن نبنيه فالاراض العذيات=يبنيه من يلبس ادقاق الحريري
منزال اهلنا فالعصور القديمات=الآد مرشد موردين الشطيري
في ماقعن مرتع عشائر وخلفات=ومشرهفن فيها يقب الهديري
هذا مااستطعناه في الوقت الحاضر ونعدكم بالمزيد في المستقبل انشأالله .......أخوكم/ريف الركايب،،،،
،،،،،
،،،،،،،،،،
« آخـــر الـــمـــشـــاركــــات »
30-Nov-2009, 10:05 PM
أنه الشاعرالقديم الجديد
العرض العادي
