اطلعت على كتاب في الاونه الاخيره على كتاب ملخص غير متداول بين الناس واسمه (قبائل عتيبه والقبائل المجاوره)
ولفت انتباهي واقعه حصلت بين قبيلة الجياشه وقبيلة العصمه وحبيت ان انقلها في منتديات قبيلة العصمة
قتل في هذة المعركة قايد الحرث /شبيكان بن دخيل الله بن شاهر الجياشي
وصوب فيها الفارس/عويض بن محسن بن عواضه بن دريميح الجياشي وهي متداوله مع كبار الرواه من قبيلة الجياشه
ولم يذكر لي فيها قصيده الا بعد اطلاعي على هذا الكتاب والمعروف ان قبيلة الجياشه غزو على قبيلة العصمه
من عتيبه بقيادة الفارس والأمير/محمد بن إسليم بن عاتق الجياشي .
على قبيلة العصمه مربعين في وادي الرشا وكان الذي يوالي لقبيلة الجياشه الشفعان
من العصمه واستطاعوا الاد عاصم رد الغزاة وقتل من الجياشه الفارس/شبيكان
الجياشي وصوب الفارس/عويض بن محسن الجياشي والذي قتل الفارس/شبيكان الجياشي هو الفارس/سعد
بن مشنوطه المطوع العصيمي وإليكم هذه القصيده التي نقلتها من كتاب (قبائل عتيبه والقبائل المجاوره):
فقال أحد شعراء الشفعان :
جونا صلاة الصبح شينين الاعمال=من الحجـاز بعـزوة الحارثيـه
يبغون عربٍ دونها اشهب الـلال=ماتنوخـذ والله رقـيـبٍ علـيـه
من دونها ناصر وعادي وهـذال=حامينها مـن بعـد رب البريـه
جتنا طلايعهـم بجيـشٍ وخيـال=يتلون ابن عاتـق زبـون الونيـه
ودارت رحاها واشهب الملح عمال=كلاً يبا النامـوس واكثـر شويـه
واللي غدا منا من الربـع رجـال=واللي غـدا منهـم ثلاثـه سويـه
من بينهم راع الفرس طيب الخال=خلـوه ربعـه كاسياتـه ادمـيـه
ياطيبهم طيباه في كـل الاحـوال=اقولهـا ماابغـا وراهـا جزيـه
حنا هل الطالات ذربين الافعـال=حنـا عتابـه محتميـن الغزيـه
من بينهم راع الفرس طيب الخال=خلـوه ربعـه كاسياتـه ادميـه
والمقصود براع الفرس هو الفارس/شبيكان بن دخيل الله بن شاهر الجياشي
والمقصود بخاله هو الفارس المعروف/شبيب بن رداس الحربي
منقول عن سلطان العايضي
آخر تعديل رفيق الطيب يوم 18-Apr-2012 في 12:05 AM.
« آخـــر الـــمـــشـــاركــــات »
17-Apr-2012, 11:59 PM
الشفعان ينتصرون على الحرث
العرض العادي
