قصيدة الشاعر مرزوق الغنامي العتيبي في صيد الضبان

[ابن نجد]

مرزوق الغنامي العتيبي (ابو نمر) يصف كيف انه متولع في صيد الضبان في قصيدة فكاهية رائعة وقد وصلت هذه القصيده من هلال العتيبي نقلا ، يقول :


منوتي في البر يطرقني نسيمه
في دكاك ما يجيني فيه نامس

قوم يا أمجد روح شغلي هشيمه
جهز البندق وعب إلنا الترامس

مع خطاة التل يا ما أحلى رزيمه
سايقه يبحث عن الضب الملامس

ندور الضبان في هاك الخريمه
يم دسمه من وراء منزال رامس

في محام جاه عقب السيل ديمه
ضبها فسقان يوم العشب طامس

جيت اختله قالي هذي قديمه
ابحر الختال لو الليل دامس

يا طويل العمر انا ماني بهيمه
وانت تدرقني ضحى والجو شامس

ثم ركز ذيله وروعني وشيمه
نكرة يوم انطلق ملعون خامس

عقب جاء جحره على الاعضاء السليمه
كن حامسني على الطحال حامس

ربع دسته مار ما للرمي قيمه
ما يجيه الا عباريد النيامس

التفت لي قال يامال الغنيمه
كبني واشبع من الفول المدامس

من بغاني صيد يبشر بالحريمه
لا آكل عكره ولا في الثرب غامس

قلت والله لاكزمك وافعل جريمه
واذبحك ذبح الهواجر للشوامس

وشكرا لكم ولشاعرنا
------------------------------------------------------
اخوكم ابن نجد

[ابو وعيل]

لاهنت يابن نجد ...

على القصيدة الجميله


تحياتي

[الشايب]

تسلم والله يابن نجد على القصيده

انا اشهد ان الضب صتيمه

[الشاهر2000]

يعطيك العافيه يابن نجد على هذه القصيده وصح السانك والسان الشاعر

[((الدلبحي))]

حيه وحي ماجاب

تسلم يمناك ابيات فكاهيه بالفعل

لاهنت

تحيااااااااااااااااااااااااااااااااتي

[ابن ثريان]

يعطيك العافية

فعلاً فكاهية

[مشاري النفيعي]

لاهنت يابن نجد

[فيصل المسعودي]

تشكر يالغالي


على القصيده الفكاهيه


صح لسان شاعرها


تحياتي