المحاوره باختصار ( خسب وجهة نظر رائد الكيرعاني ) كانت تتكلم عن الحرب مع ا لحوثيين واليكم
مصلح بن عياد:
ياسلام الله لكم ياهذيل اهل الأصول..الآصالة والثقه بينكم متبادله
هنا مصلح يسلم على هل المحل ويريد ان يوضح انهم اهل شعر ولكن تسليمة شاعر فحل بقوله ( بينكم متبادله )
يعين الاصاله والثقه بينكم بين يا هذيل اما مع غيركم فما ادري
يا محمد يا محمد سمعنا وش تقول..ضيقتك المشكله وانت اساس المشكله
هنا مصلح بن عياد يقول يا محمد سمعنا تصريحات وعزاوي ربعك وانت بديت تختلف من المشكله وانت اساسها ومسببها--
محمد المسعودي:
مرحبا من شرع ربي ومن هدي الرسول..كل مخلوق محاسب بذنبه واعمله
هنا محمد المسعودي شاعر وفطن يرحب ويقول يا مصلح ترا شطرك ما مشى علينا فكلمتك بحسب نيتك ان قصدت وان ما قصدت كل مخلوق محاسب بذنبه وعمله
يوم اقول اقول لك مشكله تبغى حلول..وابن عياد أي كلمه تمره تزعله
محمد المسعودي هنا رد رد يغطي البيت الثاني لمصلح ولم يلقط المعنى مباشره
--
مصلح بن عياد:
ماعلينا من هدير البعارين الفحول..المسامه عندنا والرسن والسلسله
مصلح يقول ما علينا من بلبلة الحوثيين ويعترف بقوتهم وانهم جمال ولكن يقول عندنا الحل والربط ونستطيع القضاء عليهم بسهوله فالمسامه عندنا والرسن والسلسلة
انت وش بك يوم صاحي ويومين مهبول..تعترض للثانيه مااقنعتك الآوله
مصلح يقول انت ما اقتنعت من الضربات الاوله ومجنون لعدم استسلامك حيث ان تاريخ المحاوره اذكره كان في منتصف الحرب فيقول له انت مانت مهون لين تنقتل---
محمد المسعودي:
لو تضيق الآرض بالحارثي عرض وطول..قال انا لي منزله ماوراها منزله
هنا محمد المسعودي يقول يالحارثي انك تعتزي وتقول نقدر نقضي عليكم ونقدر نسوي ونسوي حتى وحن حاشرينكم وظاغطين عليكم ومضيقين الارض عليكم فانكم ما زلتم تكابرون والغلبة لنا
الله أعطانا بصيره وميزه فالعقول..إن قريت الفاتحه وإن قريت الزلزله
هنا المسعودي يقول بصر وخبره في القتال وفي المناطق الجبلية لو جيت بالدبابات والطايرات فبأساليبنا نتغلب عليك---
مصلح بن عياد:
الشداد شداد ابويه على وسق الذلول..ريحونا يابشر مانحب المهزله
هنا مصلح يقول : يالحوثي والكلام لمحمد ان الحكم حكم والشداد لي وارثه من بوي فبلاش من الزعزعه والمهزله ريحونا وهنا اللهجه قويه يعني تراكم ما هميتونا لكن ريحونا
انت ودك تدخل البيت ماقبلك دخول..الدروب مقفله والبيوت مقفله
هنا مصلح يقول يالمسعودي انت ودك تدخل السعودية وتسوي بلبله وتاصل لمبتغاك لكنك لن تقدر فالدار من قبلك لم تكن مستعمره ولم تدخل والدرب قدامك مقفل والبيوت مقفله في وجيهكم---
محمد المسعودي:
لاتقول ابوي فارس وركاب الخيول..مات ابوك وورثته سيف في جذع انخله
هنا بيت نقض ولا اقوى جميل من محمد المسعودي يقول لا تقعد تتعزوى بجدانك حنا في اليوم مات ابوك وورته سيف في جذع نخله
اعرف ادروب العرب فالطلوع وفالنزول..إن بغيت اهجم على البيت في يوم ادخله
يقول محمد اني أعرف كيف ادخل الدار بخبرتي وتمرسي في تلك الارض ولا يكون دخول البيت الا بالهجوم عليه ولكن ان بغيت ذلك--
مصلح بن عياد:
انشد اللي يامحمد يعرفون الفعول..من هو اللي ينقض الحبل واللي يفتله
يقول مصلح يا محمد انشد اصحاب الشان في هذا الموضوع من هو المتحكم بزمام الأمور في المنطقه وبيده الحبل ينقضه ويفتله
ياهل الجيش الحمر لاتدقون الطبول ..تعترضكم حذفة طالعه ومحوله
يقول مصلح ياهل الجيش الحمر فقد يقصد بالحمر انكم اهل دم ووحشيه وقد يقصد انهم اهل الساحل لا تدقون الطبول تجون بيديكم ما معكم سلاح يضاهي اسلحتنا فتعترضكم رصاص من أسفل وضربات جويه من اعلى ( وهذا البيت تصوير جميل من مصلح )
محمد المسعودي:
ياكثر عرافكم مار جا فيكم خبول..من هو اللي يعرف الميل ثم يعدله
محمد يقر بكلام مصلح ولكن يقول جا فيكم خبول ولكن السؤال هنا من هو اللي يعدل الميل اللي حصل منكم
انت تختلني بحيله وانا ماني ختول..ارهب المخلوق بالفعل قدام اقتله
وهذا بيت جهنّمي من محمد يقول انت تقتلني يا مصلح من غير ما ادري بالطّيارات اللي ما نشعر بها والدبّابات وغيرها وتتحيل علينا وانا لست كذا فانا ارهبك قبل ما اقتلك بزرع الرعب فيك
--
مصلح بن عياد:
البعير اللي تسوقه مقيد ومعقول..لاتسوق اشعيل يم الديار الممحله
يقول مصلح جيشك اللي عنّيته متهالك ولا يستطيع الزحف ولا له في هذيك الدار مصلحه فهي ممحله ولا شي فيها
كل ماعدوك دول يبا ياصلك دول..تشربه ولا تعديه حطه واشتله
يقول مصلح انت تستاهل يا محمد ولا شفت شي فان تعدتك الضربه والقصف سياصلك دورك لا تخاف يبي ياصلك يا فيك يا في اخوياك وهذا عناك حطه واشتله
--
محمد المسعودي:
هيه يا مصلح خويي على الكتف امحمول..ماحزيته غير لليوم الآسود وارسله
يقول محمد يا مصلح انا خويّي ستراه وتعرفه وهو على الكتف محمول اللي هي الرشاشات ونوع البازوكا فانا ذاخره ليوم الحرب وسوف ارسله
الك عندي ميسم محتمي وابرة كحول..طبنا معروف مااظن مصلح يجهله
هنا محمد يتوعد ويتهدد ويقول خيرك جاي واني سوف اكويك واخدرك وانت اظنك ما تجهل قوتنا وبطشنا
--
مصلح بن عياد:
لو تزول جبال عيت طبوعك لاتزول ..تشتري بجينه وتبيع دمك بهلله
هنا مصلح يقول انك دائما جاهل وتعيي على شورك يا محمد فانت بايع روحك بتعرضك لنا وتحسب ان سلاحك سيمنعك منا
كل ماشافوك زهران قالوا يامغزول..والعيون مكحله والمتون امحمله
هنا مصلح يستهزي بكلام محمد ويقول انك مغزول فكيف وحن كاحلين عيونك ومحملين متونك تتعزوى
--
تبقى وجهة نظر اراهن عليها علي الثبيتي بس
« آخـــر الـــمـــشـــاركــــات »
01-May-2011, 04:09 AM
العرض العادي
